Aposel 18:2 - Basef Buꞌwami Godi

² Ea' nati anona aman Judainai agilinama Akwila. Mamasana solana nataga Pontus. Nimbewa' nakwaha etap hiagoma Itali nafi'i naloma waulu'mana Prisila. Dei' main, Klodius nape dembinai gavman Romunai na'ipa esis Juda mehipa sokwaha Rom sotanima sefe'. Ea' Pol nafe' na'i niti esis bias.

Aposel 18:2 Iomraidhean Croise

Aposel 11:28

Anona profet esis sofalana sa'i Agabus, Ambal Bu'unai Godi napaina ea' nawalipasa basefa nolomeahas lu'unai nambimb neataga etap wambel anama hiagoma. Anom nimeguf mafe'ma ea', aman anama Klodius nataga nape gavman dembinai esis Rom, nogota anama nolomahas nataga si'i fowa' Agabus na'iam.

Aposel 18:18

Pol ata' nape nimeguf hiami wambel anama Korin naloma esis Kristen. Ea' nanda'masa nemaf bu'unai esis nakwahis nalata sip. Sip nakwaha wambel anama na'i nefe' etap hiagoma Siria. Akwila naloma Prisila safe' salomana. Nemaf anama Pol owa' ata' nolata sip, anan natopa' auf balaga wambel anama Senkria. Dei' main, anan na'i basef la'ifimi naloma Goda na'i nonda' anom amamaga.

Aposel 18:26

Ea' nafe' ifagw esis Juda sa'i basef sapeimi nawalipasa basef. Anan ina umbamahana ma esis amam nematawa, owa'. Prisila kwaloma Akwila same' anan sao'wana safe' ipat asasinai sihi'ambana anom basef wapoti' ma eaf Godi ma nogawa basef ofagema.

Aposel 2:9

Partia, Midia Elam ea' Judia, Kapadosia naloma Pontus Esia Frigia Pamfilia Isip ea' ape' anona etap hiagoma Mesopotamia ea' esis ganima Libia felefele'ma wambel Sairini. Ea' anepa ape' wambel Rom mafi'i mape na'ae.

Aposel 27:1

Ea' anom dambami Rom ma'i basef mandame'mama afa' ofa' sip ofe' etap hiagoma Itali. Ea' anom dambami masapa' Pol naloma enis epes sanda' kalabusi ma anona soldia dembinai Julius numafias. Anan anona amam soldia gavman dembinai Sisari.

Aposel 27:6

Wambel anama Julius nati anona sip nafi'i Aleksandria na'i nefe' etap hiagoma Itali. Ea' na'ipafa wafe' walata sip anama.

1 Korin 16:19

Ea' amam nematawa Godi sape deindei' etap anama hiagoma Esia sanda'mepago nemaf bu'unai. Akwila naloma Prisila saloma esis amam nematawa Godi sandakolas etifigin ipat asasinai, esis wapoti' sanda'mepago nemaf bu'unai endilisi ma agel Dembinai.

2 Timoti 4:19

Ine' nese'ago danifel ae'anai ma Akwila naloma Prisila ea' esis isima wambota Onesiforusi.

Hibrui 13:24

Ipe' penda'mago nemaf bu'unai afa'inai ma amam agufumi hiami ipe'imi molomago esis amam nematawa Godi hiesi. Esis Kristen alupusi sape Itali sanda'mepago nemaf bu'unai ipe'.

1 Pita 1:1

Ae' Pita anda' maol Jisas Kraisi, Anan nasahe'e aposel. Ae' anda'ago basef amama mafe'mago ipe' amam nematawa anan nosahe'epa ea'. Ipe' epes Godi pakwaha wambel ofagama pafe' pailas pape etap hiagoma wenifina biefina agufunama Pontus naloma Galesia, Kapadosia, Esia Bitinia.