Aposel 18:19 - Basef Buꞌwami Godi

¹⁹ Esis safe' sataga Efesus, Pol nakwaha esis Prisila kwaloma Akwila wambel anama. Ea' anan atona nafe' nawis ipat esis Juda sa'i basef sapeinai naloma esis Juda sa'i basef nawalipasa basef Godi ma nefela ukup asasimi sombale'efa Jisas.

Aposel 18:19 Iomraidhean Croise

Aposel 18:20

Ea' sa'ipana sa'i, “Ine' nepe nogota laona nelomapa.” Ea' na'i, “Ae' nambimb wila.”

Aposel 18:21

Ea' na'i nemaf bu'unai ma esis na'i, “I'i God ni'i aho'me, anona nemaf itanimai ifi'i itilipa.” Ea' nakwaha Efesus nafe' sip.

Aposel 18:24

Anona Judainai aman Aleksandriainai nafi'i nape Efesus. Agel ananinai Apolos. Anan na'i basef bu'wami atom, nogawa buk Baibel andeande'.

Aposel 18:4

Nimeguf hiami esis Juda sapoma noma'wanai, Pol nafe' ipat esis Juda sa'i basef sapeinai ea' na'i nofela ukup asasimi ma sombale'efa Jisas, esis Juda saloma esis Grik wapoti'.

Aposel 19:1

Apolos nape Korin, nogota anama Pol nafe' wambel anama nape nomona halafutagw ea' nafe' nataga Efesus nati enis Kristen.

Aposel 19:17

Ea' epes hiesi sape Efesusi, Juda saloma esis owa' Judaisi wapoti' same' basef amama ea' umbamahas kwapete'as. Ea' safela agel Dembinai Jisasi lu'una.

Aposel 19:26

Ea' aman anama Pol na'ipa amam nematawa hiesi saila anona waf namboma ukup asasimi, amama ipe' patolom pegawam! Anan ina nanda'am na'ae Efesus atogon, owa'. Anan nanda'am mafe'agon hi'alagon felefele'ma etap hiagoma Esia anama hiagoma. Anan na'i, ‘Amam god ape' manda' lagof manda'ami, amama ina god endilisimi, owa'.’

Aposel 19:28

Amam manda' maoli mame' basef amama, ukup amamumi wandafum endilisi moga ma'i mehip ma'i, “Artemis ape' Efesusi akwa'w ato'w Dembe'wi agel lu'unai.”

Aposel 19:35

Ea' kaunsel agilinai esis Efesusi na'ipasa basef la'ifimi esis amam nematawa na'i, “Ipe' epes Efesusipei, esis hiesi sape wambel hiagoma sogawa Efesus taun ape'inai numafi ipat lu'unai sanda' lotuma god dembe'wi Artemisi, taun anama numafi otam nowai heven ilifi.

Aposel 20:16

Pol nanindifa okom ananinai la'ifina na'i amam mikila' Efesus. Anan nandaiwa'ma nope etin anom nimeguf etap hiagoma Esia, owa'. Na'i nefe' ulal Jerusalem nemaf anama sa'i Pentikos.

Aposel 20:17

Afa' wataga Miletus, Pol nasapa' basef mafe' Efesus nofala amam agufumi esis Kristeni mufi'mai anan.

Aposel 21:29

Dei' main, fowa' amam mati anona aman Trofimus Efesusinai owa' Judainai nape naloma Pol taun anama. Ea' amam ukup ma'i Pol nao'wana mafe' mawis nomon ipat anama. Owa'etin. Mambaso'mas.

1 Korin 15:32

Ae' ape Efesus, anda' wandaf aloma mafis mape aolupi lu'wami. Amama atuwasi efa' amamaga bu'wami i'imama? I'i endilisi esis saga'i owa' sotanima sohafel, si'i anom amam gawaimi ma'i, “Hapaisi, ape' mea' gwa'aimi moloma embela naman meaga'.”

1 Korin 16:8

Ea' ae' a'i epe na'ae Efesus efe' etagama nemaf anama Pentikos.

Efesus 1:1

Ae' Pol okom Godi atona nandandepe ataga aposel Jisas Kraisi ma anda' maol ananinai awalapa basef ananimi. Ae' anda' basef amama mafe'mago ipe' epes Godi pape Efesusi, ipe' pembale'efa Krais Jisas andeande' pape la'ifipa palomana.

1 Timoti 1:3

Fowa' ae' afo'o etap hiagoma Masedonia ma a'ipina dei' na'ama etin a'ipina wapoti'. Ine' ata' nepe la'ela'ef na'ama Efesusa ni'ipa anom amam mehipa ina mi'ipasa anom basef baso'maimi, owa'. Mi'ipasa basef Godi atom.

2 Timoti 1:18

Ae' anda' betena Dembinai ma niti anan uwahipina nemaf anama bu'unai. Anan nagiambame nimeguf hiami wambel anama Efesus, amama ine' negawam andeande'.

2 Timoti 4:12

Ae' asapa' Tikikus nafe' Efesus.

Revelesen 1:11

Ea' na'ipi na'i, “Ine' da'a basefa amamaga amama nambimb neatulumi mil buk. Ea' nenda' basef amama mil buk anama mefe' amam nematawa Godi sios 7-peleim sape wambel anama 7-peleina atona etin. Wambel anama agofuguma amama. Efesus, Smerna, Pergamum, Taiataira, Sardis, Filadelfia, Laodisia.”

Revelesen 2:1

Ine' da'a anom basef mofe'ma ensel anama numafi sios amam nematawa Kristen sape Efesusi. Ae' aman ahapila ondowa amama 7-peleim lagel ae'anai da'isinai afe' la'afena gol amama lamifah matomami 7-peleim. Ae' anda'mepago basef amama ipe'.