Aposel 18:12 - Basef Buꞌwami Godi

¹² Anona nemaf anona aman agilinama Galio nataga nape gavman dembinai ma etap hiagoma esis Grik sapoma. Nogota anama esis Juda sa'i basef sandame'mam sombalo' Pol sofa'ana safe'ma kot sambaso'mana sa'i,

Aposel 18:12 Iomraidhean Croise

Matyu Nandaꞌafi 27:19

Pailat nape ipat anama sanda' kotanai, waulu'mana anani'wi kwanda' basef mafi'mai anan kwa'i, “Ina nenda' anom amamaga awami ma aman anama bu'unai, owa'. Ae' do'ok a'oh owamb andondo'ah atolona ea' efa' nimanimi lu'wami ma Anan.”

Jon Nandaꞌafi 19:13

Pailat name' basef amama atom, nofa'ai Jisas nawisi nataga ande' ea' nape anona sia amam dambami jas mapeinai. Anama alihiguma sa'i otamba atom ma'oma. Eaf anama diga Hibrui sa'i Gabata.

Aposel 13:12

Ea' gavman anama dembinai nati amamaga amama gegelalasona endilisi ma basef Dembinai ea' dei' nembale'efa Jisas.

Aposel 13:50

Na'ama esis Juda safela anowa nematawa agufuwai wanda' lotuma Godi waloma anom agufumi mape taun anama lu'wagoma saha Poli naloma Barnabas sanda'am kwapete'am. Ea' sagalo'mam wambel asasinai.

Aposel 13:7

Anan alupunai ma dembinai gavman agilinama Sergius Paulus. Sergius Paulus anan nomonas okom bu'unai napainai. Anan nofalai Barnabas naloma Sol mafi'i ma anan neme' basef Godi ma amam.

Aposel 13:8

Ea' aman anama agel ananinai diga Griki sa'i Elimas, nanda' ambagofi nasambala basef amam biam ma'iami. Na'i nomboma okom gavman anama dembinai ma ina nambimb nembale'efa basef Godi.

Aposel 14:19

Anom Juda mape Antiok naloma Aikoniam mafi'i Listra mafela ukup asasimi amam nematawa. Ea' dei' esis sakwaha otamba saha Pol sa'i endilisi anan afuna ea' sahonde'ana nawisi na'oh ande' taun anama.

Aposel 14:2

Ea' enis epes Juda ina sombale'efa God, owa'. Esis safela ukupa enis amam nematawa owa' Judaisi ea' sanda' epes isima opalef aoma esis Kristen.

Aposel 17:13

Ea' anona nemaf esis Juda sape Tesalonaikai same' basef ma'i Pol nawalapa basef Godi Beria. Ea' safe' safela ukup esis amam nematawa sape Beriai aom.

Aposel 17:5

Ea' esis Juda kowalas opalef aoma esis hiesi sombale'efa basef Pol naloma Sailas ma'ipasami. Na'ama esis sofa' anom amam awami manda' waf aonai. La'ela'ef amam mape anama esis sandakolas etifigin sapoma. Ea' sa'ipa amam nematawa hiesi sape wambel anama safela ukup asasimi ma sopa'. Ea' safitap endilisi sa'i basef lupa'aimi safe' sawisi uta sawis ipat Jesoni ma suwis sogolopa Pol naloma Sailas. Sa'i sofa'am muwisi ande'ma sose'am amam nematawa hiesi.

Aposel 18:11

Ea' Pol nape wambel anama Korin nogota launai afagel si'inai tu'waninai ea' na'ipasa basef Godi nawalipasam.

Aposel 18:27

Ea' Apolos na'i nefe' esis Krik sapoma ea' esis Kristen sape Efesusi sanda' okom ananinai nataga la'ifina ma nanda'as na'ama. Esis sanda' anom basef mafe'ma esis Kristen Grikisi sa'ipasa sofa'ana. Apolos nafe' nataga Grik sapoma, nati enis amam nematawa sombale'efa Jisasi. Fowa' God nati uwahipis nagiambamas sembale'efana. Dei' Apolos nanda' maol nagiambama Kristen isima andeande' nanda'as sataga la'ifis ma sombale'efa Krais.

Aposel 19:21

Amama mafe' ea', okom Poli nohafel la'ifina na'i nefe' etap hiagoma Masedonia esis Grik sapoma ea' nefe' Jerusalem. Anan na'iam na'i, “Ae' efe' anama ea' efe' iti Rom wapoti'.”

Aposel 25:10

Ea' Pol na'i, “Ipat anae' ae' dei' aituanai, anae' ipat Sisari sanda' kota. Ipat anae' atona peme' basefa kot ae'anai. Ine' etina negawa, ae' ina anda' anona waf aonai ma esis Juda, owa'.

Basef Amama Pol Nandaꞌam Mafeꞌma Esis Romi 15:26

Esis Kristen sape etap hiagoma Masedoniai saloma esis Kristen Griki sa'i basef sandame'mam ea' ma sowala amamaga asasimi sonda' tu'wanim mefe' Jerusalem, soso' esis amam nematawa Godi amamaga a'asi.

Basef Amama Pol Nandaꞌam Mafeꞌma Esis Romi 16:5

Ea' ipe' pese'asa nemaf bu'unai ma danifela ae'anai esis Kristen isima safe' sandatama etifigin sape ipat asasinai. Ea' pi'ipago Epainetus nemaf bu'unai ae'anai anan alupunai ae'anai endilisi. Anan nali' nombale'ef Krais nali'ma epes hiesi etap hiagoma Esia.

1 Korin 16:15

Ipe' pegawa wambota Stefanasi sali' sataga Kristen sali'ma esis Grik hiesi. Ea' esis ukup ma'ima'i endilisi la'ela'efa sanda' maol sagiambama epes Godi. Alupipei, ae' a'ipipa basef la'ifimi

2 Korin 1:1

Ae' Pol, God nandandepe aposel Krais Jisasi. Ae' aloma owalomapa Timoti wasapa'ago basef amama ma ipe' amam nematawa Godi pape Korin pelomago amam nematawa hiesi Godi si'isi sape anama hiagoma esis Grik sapoma.

2 Korin 11:10

Basef endilisimi Kraisi mape ae', amama endilisimi atom. Ea' anom basef wapoti' endilisimi atom na'ama. Anama hiagoma esis Grik sapoma ina anona nemaf anona aman atotona la'ifina ma nohopa eafa ae' efela agel ae'anai ma waf anama efa' otamba maima ipe', owa'.

2 Korin 11:26

La'ela'ef ae' afe' laogoma eaf lounai. Ae' a'i higilili ewala walembeh hiami afe'ma. Amam amama manda' waf aonai manda' wali mafe' eafi ma'i mohe. Esis esimbel etifim Judaisi sa'i sohambombage ea' epes isima owa' Judaisi wapoti' sa'i sehe. Enis epes sa'i sehe taun ea' anama etap wafiguma wapoti', naoh embel wapoti'. Ea' anom alupumi mambaso'ami wapoti' ma'i mohambombage.

2 Korin 9:2

Ae' egawa, opalef ipe'imi mohafela panda' maol anama ea' la'ela'ef afela agof ipe'imi ma naep esis Kristen sape etap hiagoma sape Masedonia. A'ipas na'ama a'i, “Afagel nali'i esis Grik sape Korini sandondombam ea' ma sonda' maol anama.” Ea' esis Kristen sape Masedonia same' basef amama ma ipe' ukup mohafel ma maol anama. Dei' amama mafela ukup esis Kristen sape Masedoniai hiesi ma sonda'am wapoti'.

1 Tesalonaika 2:14

Ipe' Kristen alupipei, pefa' nimanimi na'ama etin si'i esis sombale'efa basef Godi sape etap hiagoma Judiai. Esis sombale'efa Jisas Krais, ea' sataga amam nematawa Godi. Amama atom dei' esis Juda sase'as nimanimi enisa alop asasinai na'ama etin si'i ipe' wambel atotona sase'epa nimanimi.

1 Tesalonaika 2:16

Ea' sasopama eafa afa' i'ipasa basef Godi esis sololama Anani ma nofa'as sotanimani sope andeande'. Esis Juda sanda'as na'ama dei' sowatani waf aonai asasinai la'ela'ef nataga lu'una endilisi. Fowa' God natilis na'a ea' dei' okom wandafunai Ananinai nafi'i natagamas nemaf akutainai nonda'as awes higilalas.

Jems 2:6

Ea' ipe' panda' epes isima kwahusi ambagof aom. Emi egafis sanda' ambagof ipe'imi aom sase'epa nimanimi sanda'mepa basef? Esis amamaga hiamisi.