Aposel 17:7 - Basef Buꞌwami Godi

⁷ Ea' Jeson nao'wam mape ipat ananinai. Amam mosambala lo dembinai gavman Romunai, ma'i anona king dembinai nape agel ananinai Jisas.”

Aposel 17:7 Iomraidhean Croise

Luk Nandaꞌafi 10:38

Jisas naloma alupumi ananimi mafe' eaf, ea' nataga anona wambel nafe' nawis. Ano'w nemata'w agili'wa Marta kofa'ana kwafe' ipat akwa'unai.

Luk Nandaꞌafi 23:2

Ea' ma'i mombaso'mana manda'mana basef ma'i, “Afa' wati aman anama nanda' waf aonai nafela ukup epes hiesi ma sonda' wandaf soloma gavman. Anan nandaiwa'ma epes sese'ana takisa gavman dembinai Sisar ea' na'ipapa na'i anan atona anona dembinai king Krais.”

Jon Nandaꞌafi 19:12

Pailat name' basef amama atom, ea' na'i notagaha Jisas nefe' wafifina. Ea' esis Juda sofalana mehip sa'i, “I'i ine' netagaha aman anama nefe' wafifina, ina alupinai ma Sisar gavman dembinai esis Romi, owa'. Emi egalin na'i enin etin king dambeni enin naumbih Sisari.”

Aposel 16:21

Ea' mawalapa basefa anona waf ape' epes Romipai mandaiwa'manai. Mi'uli ape'inai nandaiwa'ma ape' mila waf anama amamunai, owa'.”

Aposel 17:5

Ea' esis Juda kowalas opalef aoma esis hiesi sombale'efa basef Pol naloma Sailas ma'ipasami. Na'ama esis sofa' anom amam awami manda' waf aonai. La'ela'ef amam mape anama esis sandakolas etifigin sapoma. Ea' sa'ipa amam nematawa hiesi sape wambel anama safela ukup asasimi ma sopa'. Ea' safitap endilisi sa'i basef lupa'aimi safe' sawisi uta sawis ipat Jesoni ma suwis sogolopa Pol naloma Sailas. Sa'i sofa'am muwisi ande'ma sose'am amam nematawa hiesi.

Aposel 17:8

Esis amam nematawa hiesi saloma agufumi wambelimi same' basef amama, sohafel gegelalasis kwapete'as sa'i mehip.

Jems 2:25

Nemata'w akwama Rahap kwanda' waf so'a waolanai, akwa'w na'ama etin. God nati waf bu'unai akwa'w kwanda'anai dei' okom napoma'w na'i akwa'w nemata'w bo'okw andeande'. Waf bu'unai akwa'unai kwagiambama amam Juda mandambaho' mafi'i ea' kwihi'ambam anona eaf mafe' wafifim.

1 Pita 2:15

Okom Godi na'i ipe' penda'am na'ama. Anan na'i ipe' penda' waf bu'unai ma nesopama malogofa epes isima ukup mahaga magaoli sa'i basef gawa a'anai.