Aposel 17:13 - Basef Buꞌwami Godi

¹³ Ea' anona nemaf esis Juda sape Tesalonaikai same' basef ma'i Pol nawalapa basef Godi Beria. Ea' safe' safela ukup esis amam nematawa sape Beriai aom.

Aposel 17:13 Iomraidhean Croise

Matyu Nandaꞌafi 23:13

“Ipe' amam dembipei pawalipasa mi'uli Godi paloma Farisi, ae' ati uwahipipa ma nimanimi lu'wami anona nemaf meatagamipei. Ipe' amam malogof biamipei! Ipe' pewalo uta ma naep esis amam nematawa ma ina nambimb siowis kingdom heveni, owa'. Dei' main, ipe' ina pafe' pawis nomon, ea' esis amam nematawa sa'i sefe' siwis nomon, isima ipe' pasopamas eafa sefe' siowis. [

Luk Nandaꞌafi 12:51

Ipe' pa'i ae' afi'i ma indiwa wandaf hianai netaga etap anae' ma hiesi sope opalef awanem? Owa'. Ae' a'ipipa, ae' afi'i ma ewala epes esis amam nematawa hiesi.

Aposel 14:2

Ea' enis epes Juda ina sombale'efa God, owa'. Esis safela ukupa enis amam nematawa owa' Judaisi ea' sanda' epes isima opalef aoma esis Kristen.

Aposel 17:1

Amam biam mafe' mataga anona wambel Amfipolis ea' makwahagon mafe' mataga Apolonia. Ea' makwaha wambel anama wapoti' ea' mafe' mataga Tesalonaika. Anona ipat lu'unai esis Juda sa'i basef sapeinai notawa wambel anama.

Aposel 17:10

Owamb nataga amam Kristen masapa' Pol naloma Sailas mafe' anona wambel Beria. Amam mafe' mataga Beria, mafe' mawis ipat lu'unai esis Juda sa'i basef sapeinai.

Aposel 17:5

Ea' esis Juda kowalas opalef aoma esis hiesi sombale'efa basef Pol naloma Sailas ma'ipasami. Na'ama esis sofa' anom amam awami manda' waf aonai. La'ela'ef amam mape anama esis sandakolas etifigin sapoma. Ea' sa'ipa amam nematawa hiesi sape wambel anama safela ukup asasimi ma sopa'. Ea' safitap endilisi sa'i basef lupa'aimi safe' sawisi uta sawis ipat Jesoni ma suwis sogolopa Pol naloma Sailas. Sa'i sofa'am muwisi ande'ma sose'am amam nematawa hiesi.

Aposel 20:4

Sopater Beriainai, Pirus nogalomana nafe' nalomana. Ea' amam biam Tesalonaikaimi Aristarkus naloma Sekundus naloma Gaius Derbeinai. Naloma Timoti maloma amam biam Esiaimi Tikikus naloma Trofimus, amam amama mafe' maloma Pol.

Aposel 21:27

Nimeguf amama 7-peleim felefele'ma hi'ilam, anom Juda mape etap hiagoma Esiai mati Pol nape nomon ipat lu'unai Godi ea' mafela ukup esis amam nematawa hiesi ma mombale'ana.

Aposel 6:12

Ea' amam mafela opalef esis amam nematawai saloma amam agufumi asasimi maloma amam mawalipasa mi'uli Godi. Ea' esis safe'ma Stiven sombalo'ana sofa'ana safe'ma amam dambami Juda mumafi koti.

2 Korin 11:26

La'ela'ef ae' afe' laogoma eaf lounai. Ae' a'i higilili ewala walembeh hiami afe'ma. Amam amama manda' waf aonai manda' wali mafe' eafi ma'i mohe. Esis esimbel etifim Judaisi sa'i sohambombage ea' epes isima owa' Judaisi wapoti' sa'i sehe. Enis epes sa'i sehe taun ea' anama etap wafiguma wapoti', naoh embel wapoti'. Ea' anom alupumi mambaso'ami wapoti' ma'i mohambombage.