Aposel 17:11 - Basef Buꞌwami Godi

¹¹ Epes sape Beriai ukup mohafel endilisi same' basef sanda' waf bu'unai sikila' esis sape Tesalonaikai. Dei' main, esis Beria sofa' basef sandanifelamam endilisi. Ea' la'ela'ef satalifa basef mail buk Baibeli ma sogawa basef Pol na'ipasami endilisimi o owa'.

Aposel 17:11 Iomraidhean Croise

Matyu Nandaꞌafi 13:23

Ea' anom mowa etap bu'unai si'i epes isima same' basef bu'wami ma ukup asasimi maimailam sogawama sanda' waf bu'unai. Enis sanda' waf bu'unai si'i olelemb mola 100-peleim, enis si'i mola 60-peleim. Ea' enis si'i mola 30-peleim atom.”

Luk Nandaꞌafi 1:2

Fowa' dambadamba Jisas nafela opeh nanda'am ea' amam dambadamba mali' mati amamaga amama naep amamumi dei' mawalipafa basef amama ea' afa' wanda'am mail buk.

Luk Nandaꞌafi 11:3

Dei' ine' nese'apa gwa'aimi mondahama nemaf anae'.

Luk Nandaꞌafi 16:29

Ea' Abraham na'ipana na'i, ‘Owa'. Owapena ine'imi mome'ago basefa Moses noloma amam profet migiambamam. Amam mome'ago basef amama.’

Luk Nandaꞌafi 24:44

Ea' na'ipas na'i, “Fowa' ae' ata' ape alomepa, a'ipipa ea' ma basef hiami mail buk Baibeli ma mi'uli God fowa' gani naso' Mosesanai. Buk anama amam profeti maloma Buk Songi, basef amama hiami ma'i ae'. Basef amama hiemi dei' mataga endilisi mandawalap alihim.”

Jon Nandaꞌafi 3:21

Emi egafis sanda' waf endilisinai safi'mai howalagon ma enis epes sitilis seagawa esis sape la'ifis la'ela'ef saloma God sanda' opeh ananimi.”

Jon Nandaꞌafi 5:39

Ukup ipe'imi mandanda' ma'i basef amama mape Buk Baibel mase'epa ambal namunai ipe' ma peape bo'wepa la'ela'ef hihif. Ea' ipe' patalifa basef amama peagawam ea' panda' maol lu'unai pagolopa basef amama hiami. Basef amama Baibelimi ma'i ae' mawalape. Owa'etin.

Aposel 10:33

Ea' dei' atef ae' asapa' anom amam mafe'mago ine' ea' dei' ine' nanda' waf bu'unai nafi'i. Dei' ape' hiapai mafi'i mape na'ae ma naep Godi ma meme' basef hiami Dembinai nasi'inami ma ni'ipapam.”

Aposel 11:1

Ea' amam aposel maloma esis sahin owan sombale'efanai sape anama Judia hiagomai same' basef amama ma enis amam nematawa owa' Judaisi wapoti' sefa' basef Godi sembale'efana.

Aposel 17:1

Amam biam mafe' mataga anona wambel Amfipolis ea' makwahagon mafe' mataga Apolonia. Ea' makwaha wambel anama wapoti' ea' mafe' mataga Tesalonaika. Anona ipat lu'unai esis Juda sa'i basef sapeinai notawa wambel anama.

Aposel 2:41

Ea' epes emi egafis sofa' basef Pitai sombale'efam, esis sofa' baptais. Nemaf anama God nowa'ani epes hiesi wambota ananinai sataga hias 3,000-peleis sataga Kristen, ea' sape saloma esis isima amam nematawa sombale'efanai.

1 Tesalonaika 1:6

Amama atom dei' pegawam paila Dembinai. Amamaga nimanimi matagamepa, ea' pefa' basef Godi, Ambal Bu'unai Godi nafela opalef ipe'imi pandanifel.

1 Tesalonaika 2:13

Fowa' ipe' pefa' basef Godi malogof afa'imi, pembale'efam. Basef amama ina pefa'am si'i basef epesi atom, owa'. Pefa' basef amama endilisimi Godi. Ea' basef amama magiambama opalef ipe'imi, dei' paila waf bu'unai. Ea' afa' wanifela God la'ela'efa ipe' pefa' basef Ananimi pembale'efana andeande'.

2 Tesalonaika 2:10

Anan nanda' waf hianai baso'omunai ma waf aonai. Ea' nombaso'ma esis saila eaf sefe' higililasanai. I'i epes isima si'i aho'ma basef endilisimi, God nofa'as sotanimani sope andeande'. Owa', sandaiwa'

Jems 1:21

Amama atom dei' ipe' kwahago waf aonai neloma waf aonai hianai hi'ilana. Waf anama aonai epes hiesi sanda'ana la'ela'ef. Ea' pinindifa ipe' pepe owina Goda pefa' basef amama ananimi mope opalef ipe'imi. Basef amama la'ifimi ma mofa'ai ipe' pitanima pifi'mai God.

1 Pita 2:2

Ipe' pepe ukup mila basef Godi si'i awasi ata' solas dambaisi ukup maila sa' nomambeh atomi. Ipe' la'ela'ef eap nese'epama pi'i basef Godi atom bo'om andeande', owa' somboma anom amamaga awami mealomami. Basef amama manda'epa dembepa la'ifipa ma bale'ef ipe'inai bo'ona. Penda'am na'ama ma anona nemaf God nofa'epa pitanimani pepe andeande'.