Aposel 17:10 - Basef Buꞌwami Godi

¹⁰ Owamb nataga amam Kristen masapa' Pol naloma Sailas mafe' anona wambel Beria. Amam mafe' mataga Beria, mafe' mawis ipat lu'unai esis Juda sa'i basef sapeinai.

Aposel 17:10 Iomraidhean Croise

Aposel 1:15

Anom nimeguf mafe'ma ea', esis Kristen 120-peleis hiesi sandatama etifigin sape ea' Pita nohafel naitu na'i,

Aposel 15:22

Ea' amam aposel maloma agufumi mumafi maol Godi maloma esis Kristen hiesi sa'i basef etifim sandandepa anom amam biam asasimi mefe' Antiok maloma Pol naloma Barnabas. Amam amama agufumi Judas agel wa'ana Barsabas naloma Sailas. Amam biam agof lu'wami la'afena esis Kristen. Ea' sa'i sosapa'am mofe' Antiok moloma Pol noloma Barnabas.

Aposel 17:1

Amam biam mafe' mataga anona wambel Amfipolis ea' makwahagon mafe' mataga Apolonia. Ea' makwaha wambel anama wapoti' ea' mafe' mataga Tesalonaika. Anona ipat lu'unai esis Juda sa'i basef sapeinai notawa wambel anama.

Aposel 17:2

Ea' Pol nanda'am na'ama etin si'i la'ela'ef nanda'am ea' nafe' nawis ipat anama nalomas. Amam biam mape wikifah wanom ama nimeguf amama wanom sapoma noma'wanai sabat, ea' Pol na'i basef Godi mail buk Baibelia nalomas.

Aposel 17:4

Ea' enis amam nematawa Judaisi sombale'efa Krais ea' saila Pol naloma Sailas sawis wambota Godi. Enis Grik sanda' lotuma Godi hiesi saloma anowa nematawa dembiwai hiawai esis wapoti' sawis wambota Godi saila amam biam.

Aposel 17:6

Ea' esis ina sati amam biam, owa'. Ea' sahonde'ai Jeson ipat anama naloma anom Kristen mafe'ma amam agufumi wambel anama. Esis sa'ipa agufumi amama mehip sa'i, “Amam amama biam manda' waf aonai nataga etap hiagoma ea' dei' mafi'i mape na'ae.

Aposel 20:4

Sopater Beriainai, Pirus nogalomana nafe' nalomana. Ea' amam biam Tesalonaikaimi Aristarkus naloma Sekundus naloma Gaius Derbeinai. Naloma Timoti maloma amam biam Esiaimi Tikikus naloma Trofimus, amam amama mafe' maloma Pol.

Aposel 9:20

Ea' dei' atef nafe' ifagw hiami esis Juda sa'i basef sapeimi nawalapa basef Jisasi na'i, “Jisas anan nogalomana Godi.”

Aposel 9:25

Ea' amam alupumi Soli mofa'ana owamb mafe' malata endalelemb nomon. Ea' malana nape anona holaf lu'unai mapana mandelef malana nisila' endalelemb ande'.

1 Tesalonaika 2:2

Fowa' wali' wafe' wambel anama Filipai ea' sanda'afa aofa alop afa'inai, wame' nimanimi endilisi. Ipe' pegawa. Ea' God afa'inai nanda' opalef afa'imi la'ifim. Ea' afa' ina umbamahafa wandafa'ma esis naumbih, owa'. Afa' la'ififa wafo'o wawalapa basef bu'wami Godi ma ipe'.