Aposel 16:9 - Basef Buꞌwami Godi

⁹ Owamb anama Pol nati anom amamaga si'i na'oh nandondo'oh nati anona aman Masedoniainai naitu nofalai Pol na'ipana mehip na'i, “Ine' newala nimbuwi naoh ea' nifi'i Masedonia nigiambamapa.”

Aposel 16:9 Iomraidhean Croise

Aposel 10:3

Anona nemaf wambomota aon nasa 3 klok, anan nati anom amamaga si'i na'oh nandondo'oh mape mataga alihim endilisi. Nati anona ensel Godi nafi'mai anan na'ipana na'i, “Kornilius.”

Aposel 10:30

Ea' Kornilius nagwamana na'i, “Amamaga natagama ae'i ma dei' nimeguf wenif mafe' ea', amama na'ama. Ae' ape anda' beten ipat ae'anai nogota aon nasa 3 klok. Nogota ea' na'ama etin si'i dei'. Anda' beten ape ea', ati anona aman naitu felefele'ma naep ae'ami, luwaguf maim ananimi mafifil endilisi.

Aposel 16:10

Ea' Pol nati amama, afa' mehip wandoga eaf wafe' etap hiagoma Masedonia. Afa' ogawa God nofalafa ma owalapa basef bu'wami ananimi ma esis.

Aposel 16:12

Ea' wakwaha wambel anama wafe' Filipai, anama fowa' esis Rom safi'i sapoma. Wambel anama lu'unai ma etap hiagoma Masedonia. Ea' wape anama anom nimeguf.

Aposel 18:5

Sailas naloma Timoti makwaha etap hiagoma Masedonia mafi'i Pol napoma, nogota anama Pol nakwaha maol anama nagundisa sel ea' la'ela'ef nawalapa basef bu'wami Godi nimeguf hiami. Nawalapa basef la'ifimi esis Juda na'ama na'i, “Jisas anan Krais, God nandandepana nasapa'ana nafi'i.”

Aposel 19:21

Amama mafe' ea', okom Poli nohafel la'ifina na'i nefe' etap hiagoma Masedonia esis Grik sapoma ea' nefe' Jerusalem. Anan na'iam na'i, “Ae' efe' anama ea' efe' iti Rom wapoti'.”

Aposel 19:22

Ea' nasapa' amam biam magiambamanai Timoti naloma Erastus mafe' etap hiagoma Masedonia. Ea' Pol ata' nape etap hiagoma Esia anom nimeguf wapoti'.

Aposel 19:29

Ea' epes hiesi sape taun anama sanda'am sa'i mehip endilisi. Ea' sohafel safe' anama sondowa'anima sa'i basefa. Sahondo' Gaius naloma Aristarkus Masedoniaimi mafi'i maloma Poli mafe' maloma esis.

Aposel 20:1

Esis sa'i basef awanami, Pol nofalai esis Kristen safi'mai anan, na'ipasa anom basef nanda' opalef asasimi mataga la'ifim. Ea' nanda'masa nemaf bu'unai esis nakwahis nafe' etap hiagoma Masedonia.

Aposel 20:3

Anan nape aomb wanom etap anama. Na'i nofa' sip nefe etap hiagoma Siria ea' nogawa esis Juda sa'i basef sandame'mama sohana noga'. Ea' nanindifa okom ananinai na'i notanima nefe' nuwis etap hiagoma Masedonia la'afen.

Aposel 27:2

Ea' afa' walata anona sip nafi' Adramitiumi. Sip anama na'i nefe' anona wambel nape naoh amama etap hiagoma Esia. Afa' wafe' ea' anona aman Aristarkus Tesalonaikainai ma etap hiagoma Masedonia nafe' nalomafa.

Aposel 9:38

Wambel Lida nape felefele' ma Jopa. Ea' esis alupusi Jisasi same' basefa Pita nape Lida, sasapa' amam biam mafe'ma anan mahali'ana na'ama ma'i, “Ine' nifi'mai afa'. Ni'i ota' ota' owa'.”

Basef Amama Pol Nandaꞌam Mafeꞌma Esis Romi 15:26

Esis Kristen sape etap hiagoma Masedoniai saloma esis Kristen Griki sa'i basef sandame'mam ea' ma sowala amamaga asasimi sonda' tu'wanim mefe' Jerusalem, soso' esis amam nematawa Godi amamaga a'asi.

2 Korin 11:9

Fowa' ape alomepa ata' ipe'imi amamaga a'e, nogota anama ae' ina ahali'ipa ma amamaga amama, owa'. Dei' main, amam alupumi makwaha etap hiagoma Masedoniai mafi'i matagamepa muwapanimi amamaga amama ae' owa'i. Ea' ina ahali'ipa ma pase'e otamba maim, owa'. Ea' anona nemaf wapoti' enda'am na'ama etin ina ihali'ipa ma anom amamaga, owa'.

2 Korin 12:7

Basef amama God nihi'ambeam ae' lu'um endilisi. God nandaiwa'ma efela agel ae'anai endilisi, owa'. Amama atom dei' nase'e anom amamaga si'i higata nape alop ae'anai ekep pahe. Amama anona ensel Satan nasapa'ana nafi'i ma nanda' ae' ekep pahe. Amama manda' agel ae'anai nowala.

2 Korin 7:5

Fowa' afa' wafi'i otaga etap hiagoma Masedonia, alop afa'inai ina napoma noma'w owa'. Nimanimi mamumami hiami matagamafa, sa'i basef la'ifimi safitap salomafa. Ea' umbamahafa ukup matamea.

2 Korin 8:1

Ipe' alupipei, dei' a'i i'ipipa ma pegawa waf esis sios Kristen hiesi sape anona wambel etap hiagoma Masedonia sanda'anai. God nagiambamas na'a nihi'ambas waf bu'unai sagiambama enis epes kwahusi.

2 Korin 9:2

Ae' egawa, opalef ipe'imi mohafela panda' maol anama ea' la'ela'ef afela agof ipe'imi ma naep esis Kristen sape etap hiagoma sape Masedonia. A'ipas na'ama a'i, “Afagel nali'i esis Grik sape Korini sandondombam ea' ma sonda' maol anama.” Ea' esis Kristen sape Masedonia same' basef amama ma ipe' ukup mohafel ma maol anama. Dei' amama mafela ukup esis Kristen sape Masedoniai hiesi ma sonda'am wapoti'.

1 Tesalonaika 4:10

Ipe' ukup maimaila esis sahin owan anama etap hiagoma Masedonia. Ipe' alupipei, afa' wa'ipipa na'ama wa'i, ipe' ukup mimila esis sahin owan isima penda' waf anama netaga nefe' lu'una.