Aposel 16:25 - Basef Buꞌwami Godi

²⁵ Owamb la'afina amanota Pol naloma Sailas manda' beten manda' awalef mafela agel Godi ea' enis epes sanda' kalabusi same' manda'am.

Aposel 16:25 Iomraidhean Croise

Luk Nandaꞌafi 22:44

Jisas name' nimanimi ea' aom endilisi, ea' nanda' beten la'ifinai endilisi, agwah mandana si'i esimbel malo etap.]

Aposel 15:22

Ea' amam aposel maloma agufumi mumafi maol Godi maloma esis Kristen hiesi sa'i basef etifim sandandepa anom amam biam asasimi mefe' Antiok maloma Pol naloma Barnabas. Amam amama agufumi Judas agel wa'ana Barsabas naloma Sailas. Amam biam agof lu'wami la'afena esis Kristen. Ea' sa'i sosapa'am mofe' Antiok moloma Pol noloma Barnabas.

Aposel 16:19

Ea' nogota anama amam mumafia'wi mogawa ofagema ma eaf anama mofa' otambanai owa'. Ea' dei' mombalo' Pol naloma Sailas mahonde'am mafe'ma sandowa'anima ma mi'ipa amam agufumi mumafi koti mapoma.

Aposel 16:33

Ea' dei' atef owamb anama atona anan nofa' amam nasa'opamam esimbela melegw amamumi sahama. Ea' mehip anan naloma wambota awasi waulu'mana ananisi sofa' baptais.

Aposel 5:41

Ea' amam aposel makwaha amam dambami Juda mumafi koti ea' mafe' mawis ande'. Manifela God na'i aho'ma mofa' nimanimi ma agel Jisasi.

Basef Amama Pol Nandaꞌam Mafeꞌma Esis Romi 12:12

Ipe' pepe pehafa Dembinai nigiambamepa. Ea' pendanifel etin pupe. I'i nimanimi meatagamepa, pitu la'ifipa. Ea' penda' beten nimeguf hiami la'ela'ef.

Basef Amama Pol Nandaꞌam Mafeꞌma Esis Romi 5:3

Ape' ina mandanifela amama atom, owa'. Ape' mandanifela nimanimi meatagamapa wapoti'. Dei' main, ape' mogawa mofa'ama monda'apa la'ifipa.

2 Korin 6:10

Afa' opalef nimanim endilisi, ea' la'ela'ef wandanifel. Wape si'i isima amamaga a'asi kwahusi ea' wase'asa amamaga afa'imi ma epes hiesi. Afa' amamaga a'afa si'i isima kwahusi, ea' waf bu'unai Godi nihi'ambafa wape si'i amamaga hiamifai.

Efesus 5:19

Ea' pi'i basef bu'wami atom peloma enis epes hiesi ma penda' awalef bu'wami mape Buk Songi moloma awalef lotuwimi moloma awalef manda' epesi sataga la'ifis. Ipe' penda' awalef pefela agel Dembinai la'ifipa maloguf moloma ukup ipe'imi.

Filipai 2:17

Ipe' pembale'efa God panda' opeh ananimi, amama si'i anom amamaga ipe' pindalali pase'anami. I'i nambimb esis sehe ega' sokolo'wa esimbel ae'ami si'i enis sondolali sakolo' ifat su'utip sanda' ofa sondalalima God, ea' hapaimi, ae' endanifel. Nambim ae' endanifel eloma ipe'.

Kolosi 1:24

Dei' ae' andanifel ma efa' nimanimi agiambama ipe' Kristen amam nematawa sios Kraisi, ipe' si'i alop si'ina Ananinai. Anom nimanimi afa' wanda' maol Kraisi ofa'ami, amama ata' mape la'ela'ef. Dei' a'i embefa amama efa'am alop ae'anai anda' maol Kraisi. Ae' a'i ewapanimana nimanimi amama ma anda' maol Krais.

Hibrui 5:7

Fowa' gani Jisas ata' nape epen endilisinai etap anae', nanda' beten nahali' God la'ifinai ma nofa'ana nokwaha ga' ma nope namunai. Nanda' beten nofalana mehip nalef nape nimeguf hiami. Anan nanda' lotu ma God, nanda' Anan nafe' owina God. Ea' dei' God name' beten ananinai.

Jems 1:2

Ipe' sahin owan ae'ipei, maim nimeguf amamaga meagwambipei motagamepa, ukup ipe'imi mi'i andeande' pendanifel etin pepan.

Jems 5:13

I'i enin epen ipe'ini nefa' nimanimi, enin nenda' beten nihali' God. I'i enin epen nendanifel, enin nenda' awalefa nefela agel Godi.

1 Pita 4:14

I'i enis siti ipe' pitu la'ifipama Kraisa si'ipipa basef awami findiwaimi, andeande', ipe' pendanifel. Dei' main, nimanimi amama mihi'ambepa Ambal Bu'unai Godi nafifili dei' napaipa.