Aposel 16:18 - Basef Buꞌwami Godi

¹⁸ La'ela'ef nemata'w akwama kwanda'am na'ama etin nimeguf hiami. Ea' Pol okom aona endilisi ma akwa'w, nandamboma na'ipa ambal anama napai'wi na'i, “Ae' a'ipina agel Jisas Kraisi, kwaho'w nemata'w akwama ea' fo'o!” Ea' dei' atef ambal anama nakwaha akwa'w ea' nafe'.

Aposel 16:18 Iomraidhean Croise

Matyu Nandaꞌafi 14:24

Ea' alupumi ananimi mape bot mali' mafe' mape walemb batupa'manai lu'unai la'afen, ea' uf lu'unai naluwi. Ea' naoh fepo mafi'i makwasa bot. Ea' uf wapoti' nalo nakoto'ma bot, nanda'am bumu boma nala.

Mak Nandaꞌafi 1:34

Ea' Jisas nanda' amam namatawa hiesi awes nanda'asi bo'wes, natofamasa anom ambagof awami mapeisi ea' sataga bo'wes. Ambagof awami mogawa Jisas anan nogalomana Godi. Na'ama nasopama malogof ambagof amama awami faso'mam tol mape.

Mak Nandaꞌafi 16:17

God nambimb nonda' esis isima sembale'efi sotaga la'ifisa sonda' ikwaf hianai naninani si'i anan nanda'anai. Ea' sohali' Ae' ma enda'as sotaga la'ifisa sili'amona ambagof awami mapeisi, ea' si'i anona diga hianai dambainai.

Luk Nandaꞌafi 9:1

Nemaf anama Jisas nofalai alupumi 12-peleim ananimi mandakolas mafi'i nase'am agof lu'wami nanda'am la'ifima meatofa ambagof hiami awami ea' monda' hiesi awes hianai naninani nanda'asi sataga bo'wes.

Aposel 3:6

Ea' Pita na'i, “Ae' otamba siliwa gol a'e, ea' amamaga bu'wami a'i atuwasi iesi'inami amama. Ae' a'i pepel Jisas Krais Nasaretinai atona a'ipina, dei' hafel nitu nefe'.”

Aposel 9:34

Ea' Pita na'ipana na'i, “Inas, dei' Jisas Krais nanda'ena bo'wena wapoti'. Ine' hafel nendondomba lehis ine'imi andeande'.” Pita na'ipana ea' dei' etef nohafel.

Kolosi 2:15

Lawag anama Anan natalogofa ambagof awami maloma pepel naninani aonai naloma agufumi dembemi mape la'afena etap naloma otaga mape owina anan ea' ina la'ifim. Anan nikila'am ea' nowa'am la'ifim nafe' nali'am nafe' amam mafe' mailana ea' epes hiesi sakolasa naep satolom sa'i amam falafumi.