Aposel 16:16 - Basef Buꞌwami Godi

¹⁶ Anona nemaf afa' wafe' anama esis sanda' beten sapoma, wati ano'w nemata'w kwafi'i kwatolofa eaf. Akwa'w agel a'akw kwape owina anom amam kwanda' maolana amam. Nemata'w akwama anona ambal aonai napai'w ea' nawalapa basefa amamaga nambimb meatagai. Akwa'w kwahali' ambal anama ma basef mamumami ea' nagwama'wa basef. Ea' dei' amam amama dambami akwa'umi mofa' otamba hiami ma akwa'w kwanda'am na'ama.

Aposel 16:16 Iomraidhean Croise

Aposel 16:13

Wape anama, nemaf anama sabat nataga wafe' wawis endalelemb uta ande' ma wambel anama wafe' anona walemb. Afa' wa'i wambel anama esis Juda sanda' beten sapoma. Wape anama, wati anowa nematawa ondowa'anima wape etifigin ea' afa' wafe' wape walomawa wa'i.

Aposel 16:18

La'ela'ef nemata'w akwama kwanda'am na'ama etin nimeguf hiami. Ea' Pol okom aona endilisi ma akwa'w, nandamboma na'ipa ambal anama napai'wi na'i, “Ae' a'ipina agel Jisas Kraisi, kwaho'w nemata'w akwama ea' fo'o!” Ea' dei' atef ambal anama nakwaha akwa'w ea' nafe'.

Aposel 16:19

Ea' nogota anama amam mumafia'wi mogawa ofagema ma eaf anama mofa' otambanai owa'. Ea' dei' mombalo' Pol naloma Sailas mahonde'am mafe'ma sandowa'anima ma mi'ipa amam agufumi mumafi koti mapoma.

Aposel 19:24

Anona aman agilinama Demitrius, aman anama nanda' amamaga hiami ma anona kapa siliwa. Anan ofagonama nanda' bisnis nanda' ifagw so'uso'umi endilisi manda' kapa siliwa manda'ami. Ea' mandati si'i ipat lu'unai sanda' lotuma god nemata'w akwama Artemis. Ea' nase'ama maol amam manda' maol siliwai mofa' otamba lu'wami.

Galesia 5:20

sandagala sanifela god baso'omunai, sanda' mu'uhup, sanda' ufial ma'akw, waf nefala enis naumbih, ukup mapoma esis etis, lopa' fitap, waf kowalasa anom amamaga enis epesi, ukup wandafum, basef wandafumi sondaha pepe'ma biefis, sowala wambotagw,

1 Timoti 6:10

Waf anama ukup ma'i otamba endilisi, ofagema ma waf hianai aonai. Enis epes ukup lu'um ma'ima'i otamba endilisi, waf anama nambomas sakwaha sombale'efa God safe'ma waf aonai. Ea' sofa' nimanimi lu'wami endilisi.

2 Timoti 3:8

Fowa' Janes naloma Jambris manda' naumbih maloma Moses, mowa' alafugahana. Na'ama etin dei' epes isima sanda' naumbiha basef endilisimi sowa' alafugaham. Ukup asasimi aom endilisi, ea' bale'ef asasinai sambaso'am etin. Esis ina sembale'efa God endilisi, owa'.

2 Pita 2:3

Amam amama kowalami endilisi, amama atom nambimb monda' basef baso'maimi ukup amamumi atom ma'iami ma mofa' otamba maim ipe'imi. Fowa' gani God nogawa nandandepa anona nemaf mapomam ma nowaloga amam mofe' wambel aonai hel. God nandondomba anom amamaga mohamboga amam endilisi ata' mape la'ela'ef mohafa amam. Ina ma'oh, owa'.