Aposel 16:1 - Basef Buꞌwami Godi

¹ Pol naloma Sailas mafe' mataga Derbe ea' makwaha Derbe mafe' Listra. Wambel anama anona aman alupunai nembale'efa Jisasi nape, agilinama Timoti. Anan mama'wana ano'w nemata'w Judai'wi, akwa'w wapoti' kombale'efa Jisasi. Ea' ahalomana anona epen Grikinai.

Aposel 16:1 Iomraidhean Croise

Aposel 14:1

Ea' Pol naloma Barnabas mafe' mataga Aikoniam mafe' mawis ipat esis Juda sa'i basef sapeinai mawalapa basef si'i mali' manda'am. Amam mawalapa basef bu'wami ea' esis Juda hiesi saloma enis epes owa' Judaisi sombale'efa God.

Aposel 14:21

Pol naloma Barnabas mawalapa basef bu'wami Godi taun anama ea' mafela ukup esis amam nematawa hiesi sataga alupusi Jisasi. Anom nimeguf mafe'ma ea', motanima mafe' wambel anama Listra naloma Aikoniam naloma Antiok.

Aposel 14:6

Ea' amam biam mogawa amama mafa' mafe' etap hiagoma Likonia ma wambel biefina Listra naloma Derbe ea' anona wambel felefele'ma anama.

Aposel 17:14

Na'ama dei' atef amam Kristen masapa' Pol nakini' nafe' naoh akata. Ea' Sailas naloma Timoti atom mape Beria.

Aposel 18:5

Sailas naloma Timoti makwaha etap hiagoma Masedonia mafi'i Pol napoma, nogota anama Pol nakwaha maol anama nagundisa sel ea' la'ela'ef nawalapa basef bu'wami Godi nimeguf hiami. Nawalapa basef la'ifimi esis Juda na'ama na'i, “Jisas anan Krais, God nandandepana nasapa'ana nafi'i.”

Aposel 19:22

Ea' nasapa' amam biam magiambamanai Timoti naloma Erastus mafe' etap hiagoma Masedonia. Ea' Pol ata' nape etap hiagoma Esia anom nimeguf wapoti'.

Basef Amama Pol Nandaꞌam Mafeꞌma Esis Romi 16:21

Wanda' maol atini Timoti anan nasapa'ago danifel ma nemaf bu'unai ma ipe'. Lusius naloma Jeson naloma Sosipater, amam Juda wapoti' si'i ae', amam wapoti' masapa' nemaf bu'unai ma ipe'.

1 Korin 16:10

I'i Timoti nofo'o notagamaepa, ipe' pimafiana andeande' ma anan nope opaf bo'ona la'afena ipe'. Dei' main, anan nape nanda' maol Dembinai si'i ae' ape anda'ana.

1 Korin 4:17

Ea' asapa' Timoti nafe'mago ipe'. Anan nogalome ae'anai wanda' maol Dembinai. Anan numafi maol anama andeande'. Ae' okom nailana endilisi, dei' asapa'ana ma nambimb nefela ukup ipe'imi ma basef mihi'ambepa fe' pe ae'ami aila waf Kraisi. Ae' awalipa esis amam nematawa Godi sape wambel anama hiagoma ma basef maloma waf ae'anai ea' amama atom.

1 Korin 7:14

Dei' main, aman owa' nombale'efa Kraisi nape la'ifina naloma waulu'mana kombale'efa Krais, anan nataga andeande' si'i God nandandepana ea'. Ea' nemata'w owa' kombale'efa Kraisi kwape kwaloma anan nombale'efa Krais, akwa'w kwataga andeande' si'i God nandandepa'w ea'. I'i owa', anona nemaf sola awasi, ina anona nemaf sotaga bo'wes, owa'. Ea' dei' sape andeande' si'i God nandandepas ea'.

2 Korin 1:1

Ae' Pol, God nandandepe aposel Krais Jisasi. Ae' aloma owalomapa Timoti wasapa'ago basef amama ma ipe' amam nematawa Godi pape Korin pelomago amam nematawa hiesi Godi si'isi sape anama hiagoma esis Grik sapoma.

2 Korin 1:19

Nogalomana Godi Jisas Krais, ae' aloma Sailas waloma Timoti wawalapa basef ananimi, anan ina na'i na'ama na'i, “A'e” naloma “Owa'” atom, owa'. Krais na'i a'e etin.

Filipai 1:1

Ae' Pol aloma Timoti afa' biafa Krais Jisasi atofa wanda' opeh ananimi. Wanda' basef amama mafe'mago ipe' amam nematawa Godi pape Filipai. Basef amama mafe'ma ipe' pape la'ifipa paloma Jisas paloma agufumi ipe'imi maloma amam magiambamam wapoti'.

Filipai 2:19

I'i Dembinai Jisas ni'i aho', a'i nambimb ina nogota laona esapa' Timoti nefe'mago ipe'. Ma notanima nifi'i ni'ipi ipe' pape andeande'ma panda' ae' la'ifiwi.

Kolosi 1:1

Ae' Pol, okom Godi atona nandandepe aposel anda' maol Krais Jisasi. Ae' aloma owalome ae'anai Timoti wape na'ae.

1 Tesalonaika 1:1

Ae' Pol aloma Sailas naloma Timoti wape na'ae. Ea' anda' basef amama mafe'mago ipe' amam nematawa Godi pape Tesalonaika. Ipe' pape paloma God ahalomapa ape'inai naloma Dembinai Jisas Krais. Ipe' Kristen pape paloma amam ea' amamipei si'ipa. Afa' wa'i God nigiambamepago ipe' na'a nonda' opalef ipe'imi mope awanem.

1 Tesalonaika 3:6

Timoti nakwahepa dei' atef nafi'mai afa', nawalapa basef bu'wami ma afa'. Na'ipafa ma ipe' pembale'efa Kraisa ukup maimaila enis epes. Ea' na'i ipe' pa'i petolofa, afa' wapoti' wa'i utilipa.

2 Tesalonaika 1:1

Ae' Pol aloma Sailas naloma Timoti wape na'ae. Ea' anda' basef amama mafe'mago ipe' Kristen pape wambel Tesalonaika. Ipe' pape paloma God ahalomapa ape'inai naloma Dembinai Jisas Krais. Ipe' Kristen pape palomam ea' amamipei si'ipa.

1 Timoti 1:18

Nogalome ae'inai Timoti, dei' ase'enago basef amama nenda' maol. Ae' okom napoma basef Godi afagel nimbewa'inai amam profet Ambal Bu'unai Godi nafela ukup amamumi ma'ipinami. Ine' nila basef amama, nenda' wandaf la'ifina andeande' neloma esis naumbih.

1 Timoti 1:2

Ae' anda'menago basef amama ine' Timoti, ine' nembale'efa God dei' nataga nogalome ae'inai endilisi. Ae' a'i God noloma Krais Jisas dembinai afa'inai miti uwahipina migiambamena na'a monda'ena netaga la'ifina ma bale'ef, opaf ine'inai nope awanena.

2 Timoti 1:5

Ae' okom napoma bale'ef ine'inai, anama endilisinai, ina baso'omunai, owa'. Bale'ef anama fowa' nali' napoma iha'mena ine'ikwi Lois kwaloma mama'wena Yunis. Ea' egawa endilisi, bale'ef anama dei' napoma ine' wapoti'.

2 Timoti 3:11

Ine' negawa waf aonai hianai esis sanda'meana ae' ma nimanimi amama efa'am wambel anama wenifina Antiok naloma Aikoniam naloma Listra. Ine' negawa amamaga nimanimi sanda'meam efa'ami. Ea' Dembinai natagahowe ma amamaga amama nimanimi hiami sanda'meami.

Filemon 1:1

Ae' Pol anda' kalabusa opeh Krais Jisasi. Owalomafa afa'inai Timoti nape nalome na'ae. Ea' anda' basef amama mafe'mago ine' Filemon, alupinai afa'inai ma wanda' opeh atom Godi. Ukup afa'imi maimailina endilisi.

Hibrui 13:23

Ae' a'i ipe' pegawa esis sakwaha owalomapa ape'inai Timoti, ea' ina ata' nanda' kalabus, owa'. I'i anan nifi'i netagama ae' ulal, nambimb afa' biafa ofo'o etin utilipa.