Aposel 15:4 - Basef Buꞌwami Godi

⁴ Amam mafe' mataga Jerusalem, amam aposel maloma esis amam nematawa Kristen saloma agufumi asasimi sohafel sandalalamam sanda'mam gude amam. Ea' Pol naloma Barnabas mohafel ma'ipasa basefa maol hianai God nagiambamama manda'anai.

Aposel 15:4 Iomraidhean Croise

Matyu Nandaꞌafi 10:40

Emi egafis sese'epa opalefa sie'i ipe' ae'ipai, esis sase'e opalef ae' wapoti'. Ea' emi egafis sase'e opalefa ae', esis sase'ana opalef God nasapa'e afi'i.

Aposel 11:30

Esis sanda'am na'ama, sasapa' Barnabas naloma Sol mofa' otamba amama mafe'ma amam agufumi mumafi esis Kristen sape Jerusalemi.

Aposel 14:27

Amam mataga Antiok mofala esis mowa'anias sandakolas etifigin ma'ipasa basefa maol Dembinai nape nalomam nagiambamam manda'anai. Ea' ma'i, “God nanda' eaf nagala esis amam nematawa hiesi enis owa' Judaisi ma sombale'efa Krais.”

Aposel 15:12

Pita na'iam na'ama ea' esis sandatama etifigin ina sa'i anom basef, owa'. Ea' sape same' basef Barnabas naloma Pol ma'ipasami. Amam biam mawalapa basef hiami ma God nanda'am la'ifim manda' amamaga pepel hianai ma naep esis amam nematawa owa' Judaisi.

Aposel 15:2

Amam ma'iam na'ama, manda' ukup Poli Barnabasi wandafum endilisi ma'i basef la'ifimi mandahihianamam maloma amam Judaimi. Ea' esis Kristen sandandepa Pol naloma Barnabas maloma anom amam mombale'efa Kraisi wapoti' mondowasa' Jerusalem ma'i basef amama monandonam maloma amam aposel maloma agufumi siosi.

Aposel 15:22

Ea' amam aposel maloma agufumi mumafi maol Godi maloma esis Kristen hiesi sa'i basef etifim sandandepa anom amam biam asasimi mefe' Antiok maloma Pol naloma Barnabas. Amam amama agufumi Judas agel wa'ana Barsabas naloma Sailas. Amam biam agof lu'wami la'afena esis Kristen. Ea' sa'i sosapa'am mofe' Antiok moloma Pol noloma Barnabas.

Aposel 15:3

Esis Kristen sasapa'am mafe' ea' mafe' la'afena etap hiagoma Fonisia naloma Samaria. Ma'ipasa basef esis Kristen sape etap anama biefina ma sogawa God namboma ukupa enis epes owa' Judaisi. Esis Kristen same' basef amama manda' esis sandanifel endilisi.

Aposel 15:6

Ea' amam aposel maloma agufumi mumafi maol Godi mandakolas etifigin mape monandona basef amama.

Aposel 16:4

Nimeguf hiami amam maitu mafe' wambel hiagoma ma'ipasa basef esis. Basef amama fowa' amam aposel maloma agufumi ma'iam mandame'mam Jerusalemi, amama dei' ma'ipasam esis Kristen ea' ma'ipas ma'i, “Ipe' pila basef amama.”

Aposel 18:27

Ea' Apolos na'i nefe' esis Krik sapoma ea' esis Kristen sape Efesusi sanda' okom ananinai nataga la'ifina ma nanda'as na'ama. Esis sanda' anom basef mafe'ma esis Kristen Grikisi sa'ipasa sofa'ana. Apolos nafe' nataga Grik sapoma, nati enis amam nematawa sombale'efa Jisasi. Fowa' God nati uwahipis nagiambamas sembale'efana. Dei' Apolos nanda' maol nagiambama Kristen isima andeande' nanda'as sataga la'ifis ma sombale'efa Krais.

Aposel 21:17

Ea' wafe' wataga Jerusalem, esis Kristen sandanifela sofa'afa.

Aposel 21:19

Pol nanda'mam nemaf bu'unai ea' na'ipama amamaga hiami ma God nagiambamana nanda'am la'afena esis amam nematawa epes hiesi sololama Godi.

Basef Amama Pol Nandaꞌam Mafeꞌma Esis Romi 15:18

Krais atona nase'e pepel anda' maol anama. Anan nagiambame nanda'e la'ifiwi afe' anda' maol anama lu'unai awalipa esis owa' Judaisi ma silana some' basef ananimi. Ae' andaiwa'ma i'ipipa anom basef, owa'. Amama atom.

Basef Amama Pol Nandaꞌam Mafeꞌma Esis Romi 15:7

Ea' ipe' hipei ukup mimila esis sahin owan pese'asa opalef esis si'i Krais wapoti' nase'apa okom ape', ma epes hiesi sefela agel Godi lu'una.

1 Korin 15:10

Ea' God atona okom nainaili nigiabame na'a nanda'e ape andeande'. Ea' dei' ae' ape. Anan nigiambame na'a, ae' anda' maol ape. Nanda'e la'ifiwi anda' maol Ananinai ikila' anom aposel. Ea' ina ae' atowe anda' maol, owa'. God nagiambame na'a, amama atom dei' ape anda' maol anama la'ela'ef.

2 Korin 5:19

Basef afa'imi na'ama. Krais atona God nanda' maol nanda' epes hiesi sakwaha waf naumbihinai sataga opalef etifim salomana. Anan ina ata' okom na'i waf aonai esis sanda'anai, owa'. Ea' nase'afa maol anama ma owalapa basef ananimi ma nonda' esis naumbih sotaga opalef etifim solomana.

2 Korin 6:1

Afa' wanda' maol Godi wandao'oma walomana. Dei' wa'ipipa basef la'ifimi na'ama wa'i, “God nagiambamepa na'a. Na'ama ipe' ukup mose'epa waf anama nagiambamepa na'a, owa'.”

Kolosi 4:10

Aristarkus anan nanda' kalabus nalome, anan wapoti' na'iago nemaf bu'unai ma ipe'. Ea' Mak wapoti', Barnabas taganamana nanda'mepago nemaf bu'unai ma ipe' wapoti'. I'i netagama ipe', pe'wanago si'i ae' a'ipipago.

2 Jon 1:10

Emi egafis sifi'mai ipe' ma ina sefa'ai basef amama Kraisi, ipe' ina pigiambama epes isima pi'ipas sofe' solomepa siwis ifagw ipe'imi, owa'. Ina pinifalis pi'ipas penda'mas, “Nemaf bu'unai” esis, hapaisi.