Aposel 15:32 - Basef Buꞌwami Godi

³² Judas naloma Sailas amam profet. Dei' ma'ipasa basef hiami bu'wami esis Kristen, manda'as sataga la'ifis mafela ukup asasimi.

Aposel 15:32 Iomraidhean Croise

Matyu Nandaꞌafi 23:34

Na'ama Ae' asapa'o anom profet molomago anom amam ukup bu'wami mapeimi molomago anom gawaimi ma Baibeli amam mofo'o motagamepa. Anona nemaf ipe' peham moga', ea' anom ipe' piunda lawah usi'imi tu'wanaimi, anom pepe pela'am nomon ifagw pa'i basef papeimi. Ea' ipe' penda'am petofam anona wambel taun lu'unama ea' petofam mofa' mefe' anona taun ea' petofam pegolopam etin pefe'. Ipe' anona nemaf penda' waf aonai anama.

Luk Nandaꞌafi 11:49

panda'am na'ama si'i God anan gawa bu'unai napeinai na'i, ‘Anona nemaf ae' esapa' anom profet moloma Aposel mefe'mago esis, ea' soha anom moga' ea' anom sonda'am kwapete'am.’

Aposel 11:23

Anan nafe' nataga nati God nanda' esis bo'wesa waf bu'unai numafias nandanifamas. Nafela ukup esis amam nematawa hiesi ma sope la'ifis sila Dembinai.

Aposel 11:27

Nogota anama anom profet mape Jerusalemi makini' Antiok.

Aposel 13:1

Esis amam nematawa Kristen sape Antioki anom amam mawalapa basef bu'wami Godi mape. Anom profet maloma anom tisa mawalipasa basef Godi isima sembale'efanai. Agof amamumi amama. Barnabas naloma Saimon agel wa'ana Niger, Lusius, anan wambel Sairininai maloma Sol maloma Manain anan alupunai Heroti gavman dembinai.

Aposel 14:22

Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”

Aposel 15:1

Anom amam mape Judiai makini' mataga Antiok ma'ipama basef esis Kristen sahin owan sape anama. Ma'ipasa basef ma'i, “I'i ipe' amam owa' pila mi'uli God fowa' gani na'ipa Mosesanai ma owa' petopa' alop ipe'inai, anona nemaf God ina nofa'epa pitanimani, owa'.”

Aposel 15:22

Ea' amam aposel maloma agufumi mumafi maol Godi maloma esis Kristen hiesi sa'i basef etifim sandandepa anom amam biam asasimi mefe' Antiok maloma Pol naloma Barnabas. Amam amama agufumi Judas agel wa'ana Barsabas naloma Sailas. Amam biam agof lu'wami la'afena esis Kristen. Ea' sa'i sosapa'am mofe' Antiok moloma Pol noloma Barnabas.

Aposel 15:27

Afa' dei' wasapa'ago Judas naloma Sailas ama nambimb mi'ipipa basef amama atom afa' wa'iam wanda'am mail pepa mafe'mago ipe'.

Aposel 15:3

Esis Kristen sasapa'am mafe' ea' mafe' la'afena etap hiagoma Fonisia naloma Samaria. Ma'ipasa basef esis Kristen sape etap anama biefina ma sogawa God namboma ukupa enis epes owa' Judaisi. Esis Kristen same' basef amama manda' esis sandanifel endilisi.

Aposel 15:31

Ea' esis satolom sandanifel ama basef amama bu'wami manda'as sataga la'ifisa bale'ef.

Aposel 15:41

Ea' Pol nafe' la'afena etap anama hiagoma Siria naloma Silisia naloma Sailas mafe' manda' esis Kristen sataga la'ifis.

Aposel 18:23

Pol napani nogota launai kwaukwawie' Antiok ea' notanima nafe' wapoti' anona wambel hiagoma ganigani ma etap hiagoma Galesia naloma Frigia fowa' nali' nafe'ma. Ea' nanda' maol nanda' esis Kristen hiesi sataga la'ifis ma sombale'efa Krais.

Aposel 2:40

Pita ina na'ipasa basef amama atom, owa'. Na'ipasa anom basef hiami wapoti' na'ipas basef la'ifimi ma nafela ukup asasimi na'i, “Ipe' pindumafuma andeande'. Na'ama pefa' nimanimi lu'wami peloma amam nematawa dei'isi sanda' waf aonai.”

Aposel 20:2

Anan nafe' anama hiagoma nawalipasa basef hiami esis Kristen nanda' opalef asasimi mataga la'ifim. Ea' nafe' nataga etap hiagoma esis Grik sapoma.

Basef Amama Pol Nandaꞌam Mafeꞌma Esis Romi 12:6

God nandahomapa etin nase'apa presen amamaga bu'wami ananimi maloma gawa naninani. I'i God nefela okom enin epeni ma newalapa anom basef, enin newalapam mondahama bale'ef ananinai.

Basef Amama Pol Nandaꞌam Mafeꞌma Esis Romi 12:8

Ea' emi egafis segawa ma sefela ukup enis epes, esis senda' maol anama endilisi sefela ukup asasimi. Emi egafis sese'an amamaga enin alupini, esis sese'an hiam. Emi egafis sumafi anona maol, ukup asasimi mohafel endilisi ma maol anama sanda'anai. Emi egafis siti enin alupini uwahipin ma sigiambaman simafian, esis sendanifel sigiambaman.

1 Korin 1:8

Jisas Krais nambimb nonda'epa ma pepe la'ifipa la'ela'ef pefe' petagama nemaf akutainai. Nemaf anama Dembinai ape'inai Jisas Krais niefi'ianai ipe' basef ofagema a'epa nemaf anama.

1 Korin 14:29

Ea' amam profet biam o wanom Ambal Bu'unai Godi nafelama mowalapa basef Ananimi, amam mowalapam. Ea' anom amam mowaloga basef amama.

1 Korin 14:3

Ea' emi egafis Ambal Godi nafelasa sa'i basef Godi si'i profet, epes isima sa'ipam sanda'am sa'ipasam sanda'as la'fisa sombale'efa Dembinai ea' sa'ipas safelasa sonda' waf bu'unai nonda' opalef asasimi awanem.

1 Korin 14:32

Emi egafis sofa' presen anama Ambal Godi nafelasa sowalapa basef ananimi si'i profet, sumafi presen anama andeande'.

Efesus 3:5

Fowa' la'ela'ef God ina nawalapam alihima enis epes, owa'. Ea' dei' Ambal Bu'unai Ananinai nawalapam alihima afa' aposel waloma amam profet ananifai.

1 Tesalonaika 2:11

Ipe' pegawa waf anama si'i ahalomas numafi awasi ananisi, ea' na'ama etin si'i afa' wanda'mepam ipe' atona etin. Afa' wafela ukup ipe'imi, wawalapa waf bu'unai so'umbilinai.

1 Tesalonaika 4:1

Alupipei, fowa' afa' wa'ipipa wihi'ambepa waf ipe' pepe pefe' andeande' ma pilana, si'i God okom na'iami. Fowa' pailana dei' wapoti' pilana la'ela'ef. Ea' afa' wahali'ipa wafela ukup ipe'imi ma agel Dembinai Jisasa pilana penda'ana nefe' etin notaga lu'una.

1 Tesalonaika 5:14

Ipe' Kristen alupipei afa'ipei, afa' wa'ipipago mehip wafela ukup ipe'imi ma pigiambamago isima ala'uta nasi la'ifipa pi'ipasa sokwahago waf ala'uta nasanai. Ea' enis ambagof mondolele'asi ma owa' si'i anom basefi, ipe' penda'as sotaga la'ifis sie'i basef. Ea' penda' esis enis owa' seambale'efana la'ifisi sotaga la'ifis. Penda' waf so'umbilinai ma esis hiesi.

1 Tesalonaika 5:20

Ipe' ina pewa' alafugaha basef Godi Ambal Bu'unai nafelas sa'ipipami, owa'.

2 Tesalonaika 3:12

Agel Jisas Kraisi Dembinai ape'inai afa' wa'ipipa mehipa mi'uli anama ma epes isima sape etini, wa'i ofela ukup asasimi ma sonda' waf na'ama. Esis ata' sope andeande'ma sonda' maola sotagama gwa'aimi asasimi atom dei'

1 Timoti 2:1

Maol anama ae' a'i efela okom ine'inai nenda'ami, basef mali'i na'ama. Ipe' penda' betena God pihali'ana, pinifelona ma epes hiesi penda' betena anan nigiambama esis soloma amam king dembemi moloma gavman dembemi wapoti'. Ipe' penda' beten na'ama ma ape' hiapai mope opalef awanem, mila waf Godi bu'unai.

2 Timoti 4:2

ine' ni'ipasa basef Godi la'ela'ef. Nemaf anama esis sondandombam ma some' basef, ni'ipasam. Ea' maina nemaf esis sandaiwa' ma some'am, ni'ipasam etin. Ni'ipasam ma mohagofa basef amama baso'maimi. Ni'ipasa basef la'ifimi ma sokwaha waf aonai esis sanda'anai. Ea' nefela ukup asasimi nenda'as sotaga la'ifisa bale'ef, niwalipasa waf aonai nenda'as so'uso'umbemas. Niwalipasa basef amama si'i okom Godi na'iami.

1 Pita 5:1

Ipe' agufipei pimafi esis Kristeni, ae' a'i efela ukup ipe'imi enda'epa petaga la'ifipa. Ae' wapoti' ae' agiliwei imafi esis Kristen. Fowa' aitu ati Krais nofa' nimanimi egawam. Ea' anona nemaf wapoti' itu elomepa ma miti nafifili lu'unai Ananinai notaga. Dei' a'ipipa basef la'ifimi na'ama a'i,

1 Pita 5:10

God anan ofagonama waf anama nigiambamepa na'a. Ipe' pepe la'ifipa peloma Jisas Krais, amama atom dei' God nofalepa ma pepe nafifili pepel ananinai nape la'ela'ef. Ea' dei' ipe' pame' nimanimi nogota bandana. Anom nimeguf mofe'ma ea', anan Atona nonda'epa pataga bo'wepa ea' nonda'epa pitu la'ifipa si'i olaf la'ifinai nanda ipat notawa la'ifina.

1 Pita 5:12

Ae' a'ipa owalome Sailas nanda'ago basef amama ae'ami bandami mafe'mago ipe'. Ae' ati anan nanda' maol Kraisi andeande'. Ea' a'ipipago basef amama endilisimi God nigiambamapa na'a. Dei' pitu la'ela'ef ma amama. Anda' basef amama a'i efela ukup ipe'imi enda'epa petaga la'ifipa.