Aposel 15:28 - Basef Buꞌwami Godi

²⁸ Ambal Bu'unai Godi nape nalomafa wa'i basef wandame'mam na'ama. Afa' ina ose'epa anom nimanimi pefa'am, owa'. Waf anama atona ipe' penda'ana.

Aposel 15:28 Iomraidhean Croise

Matyu Nandaꞌafi 11:30

Dei' main? Maol ae' ese'epana pefa'anai, anama ina amamaga nimanimi, owa'. Maol anama andepenai bu'unai endilisi ma niegiambama ipe' epes hipei.”

Matyu Nandaꞌafi 23:4

Amam mowatania basef amamumi mawalipasama sielam si'i basef wafimi anom awolef wafimi lu'wami mawamonam matoma ikeguf asasimi, ea' amam ina magiambamas mofa'am ma lagof amamumi, owa'.

Jon Nandaꞌafi 16:13

Nemaf anama Ambal Bu'unai Godi na'i basef endilisimi atomi niefi'i, nihi'ambepa ma basef hiami endilisimi. Anan ina nowalapa basef nomonas ananimi atom, owa'. Basef name'am ea', amama atom nowalapam ni'ipipam. Ama ni'ipipa amamaga amama ma'i anona nemaf migi' meatagai.

Aposel 15:19

Dei' okom ae'anai nape na'ama. Epes hiesi owa' Judaisi samboma opalef safe'ma God ea'i, ape' ina mose'asa nimanimi esis, owa'.

Aposel 15:25

Afa' wame' basef amama ea' wa'ipasa ukup mape atogon wa'i basef wandame'mam. Ea' wandandepa amam amama biam ma osapa'am mefe'mago ipe' malomago biam ape' ukup mailam endilisi, Barnabas naloma Pol.

Aposel 15:8

God nogawa opalef esis amam nematawa hiesi ea' nihi'ambafa okom Ananinai wila ma esis. Anan nihi'ambapa na'ama ea' nase'asa Ambal Bu'unai Ananinai esis si'i fowa' nali' nase'apana ape'.

Aposel 16:4

Nimeguf hiami amam maitu mafe' wambel hiagoma ma'ipasa basef esis. Basef amama fowa' amam aposel maloma agufumi ma'iam mandame'mam Jerusalemi, amama dei' ma'ipasam esis Kristen ea' ma'ipas ma'i, “Ipe' pila basef amama.”

Aposel 5:32

Dei' afa' waloma Ambal Bu'unai Godi wawalapa basefa amamaga amama hiemi afa' watolom ogawami. God nase'asa Ambal Bu'unai Ananinai ea' ma amam nematawa saila basef ananimi.”

1 Korin 14:37

I'i emi egafis ukup mi'i Ambal Bu'unai Godi nafelasa sawalapa basef Godi si'i profet, o si'i esis sefa' anona presen bu'unai, esis sogawa basef amama dei' anda'mepami, amama mi'uli Dembinai.

1 Korin 7:25

Amam nematawa isima ata' owa' seandaso'amai, ae' mi'uli Dembinai owa'ma ie'ipas ea' awalapa nomonas ae'ami atom a'ipipa. Anan nati uwahipiwi nagiambame ea' nanda'e anda' maol Ananinai andeande'. Ea' ipe' peme' basef ae'ami andeande'.

1 Korin 7:40

Ea' ae' okom na'i na'ama. I'i akwa'w kope na'a, kondanifel endilisi. Koso' aman dambainai, ina kwandanifel, owa'. Okom ae'anai a'i basef amama ea' ae' okom na'i ae' wapoti' efa' Ambal Bu'unai Godi nape ae' nihi'ambe basef amama.

1 Tesalonaika 4:8

Basef Godi ma'i ape' ina monda' waf so'a waolanai, owa'etin. Ea' emi egafis sowa' alafugaha basef amama, ina sowa' alafugaha epes etis, owa'. Sowa' alafugaha God wapoti'. God atona nase'epa Ambal Bu'unai Ananinai.

1 Pita 1:12

Ea' God nihi'ambamam ea' amam ina manda' maol magiambama amam atoma basef amama, owa'. Manda' maol magiambama ipe', ma'i basef amama ma amamaga bu'wami anona nemaf meatagai. Ea' dei' amam mawalipipa basef bu'wami Godi ma'ipipa amamaga amama atom. Ma'ipipa ma pepel Ambal Bu'unai Ananinai nisila'i otaga ilif. Amam profet amama, ina amam atom ukup ma'i basef amama mogawam, owa'. Amam ensel wapoti' ma'i mogawam.

Revelesen 2:24

Dei' ae' a'i i'ipipa anom basef ipe' enipa amam nematawa pape wambel Taiatairai, ipe' owa' pila basef amama awami akwa'umi, owa' pila waf anama sofalana sa'i, ‘Basef mandambahi'i ma waf Satani,’ owa'. Ae' a'ipipa na'ama. Ae' ina nambimb ese'epa anom nimanimi wapoti' ma ipe', owa'.