Aposel 15:23 - Basef Buꞌwami Godi

²³ Esis sase'ama anom basef mail pepa ma lagof amam biam Judas naloma Sailas ma'i na'ama ma'i, “Afa' aposel agufufai sahopepa afa'ipei, afa' dei' wanda'ago basef amama mafe'mago ipe' sahin owan owa' Judaipei. Ipe' pape wambel Antioki ma etap hiagoma Siria naloma Silisia, afa' wa'i nemaf bu'unai ma ipe'.

Aposel 15:23 Iomraidhean Croise

Matyu Nandaꞌafi 4:24

Basef Jisasi mohafel mafe'agon etap hiagoma Siria ma nanda' awesisi hiesi sataga bo'wes. Ea' esis Siria wapoti' sofa'ai hiesi awesisi sofa'as safi'mai Jisas. Enis ambagof awami manda'as sahaga sagaol, enis ambagof awami mahas maofas nif, enis same' alop nimanimi lu'wami mahas, enis lagof bo'wagah monda'alasi esis sofa'as safi'mai Jisas nanda'as sataga bo'wes hi'alas.

Aposel 11:18

Esis same' basef amama Pita na'ipasami ea' ukup mase'asa basef amama asasimi safela agel Godi sa'i, “Dei' ape' mogawa God namboma opalef esis amam nematawa owa' Judaisi ma esis wapoti' safe'ma anan sope ambagof namumi.”

Aposel 11:20

Ea' anom amam Saiprusimi maloma anom Sairinimi mafe' Antiok mawalapa basef amama ma esis Grik wapoti'. Amam mawalapa basef bu'wami ma dembinai Jisas Krais.

Aposel 14:27

Amam mataga Antiok mofala esis mowa'anias sandakolas etifigin ma'ipasa basefa maol Dembinai nape nalomam nagiambamam manda'anai. Ea' ma'i, “God nanda' eaf nagala esis amam nematawa hiesi enis owa' Judaisi ma sombale'efa Krais.”

Aposel 15:1

Anom amam mape Judiai makini' mataga Antiok ma'ipama basef esis Kristen sahin owan sape anama. Ma'ipasa basef ma'i, “I'i ipe' amam owa' pila mi'uli God fowa' gani na'ipa Mosesanai ma owa' petopa' alop ipe'inai, anona nemaf God ina nofa'epa pitanimani, owa'.”

Aposel 15:2

Amam ma'iam na'ama, manda' ukup Poli Barnabasi wandafum endilisi ma'i basef la'ifimi mandahihianamam maloma amam Judaimi. Ea' esis Kristen sandandepa Pol naloma Barnabas maloma anom amam mombale'efa Kraisi wapoti' mondowasa' Jerusalem ma'i basef amama monandonam maloma amam aposel maloma agufumi siosi.

Aposel 15:22

Ea' amam aposel maloma agufumi mumafi maol Godi maloma esis Kristen hiesi sa'i basef etifim sandandepa anom amam biam asasimi mefe' Antiok maloma Pol naloma Barnabas. Amam amama agufumi Judas agel wa'ana Barsabas naloma Sailas. Amam biam agof lu'wami la'afena esis Kristen. Ea' sa'i sosapa'am mofe' Antiok moloma Pol noloma Barnabas.

Aposel 15:4

Amam mafe' mataga Jerusalem, amam aposel maloma esis amam nematawa Kristen saloma agufumi asasimi sohafel sandalalamam sanda'mam gude amam. Ea' Pol naloma Barnabas mohafel ma'ipasa basefa maol hianai God nagiambamama manda'anai.

Aposel 15:41

Ea' Pol nafe' la'afena etap anama hiagoma Siria naloma Silisia naloma Sailas mafe' manda' esis Kristen sataga la'ifis.

Aposel 18:18

Pol ata' nape nimeguf hiami wambel anama Korin naloma esis Kristen. Ea' nanda'masa nemaf bu'unai esis nakwahis nalata sip. Sip nakwaha wambel anama na'i nefe' etap hiagoma Siria. Akwila naloma Prisila safe' salomana. Nemaf anama Pol owa' ata' nolata sip, anan natopa' auf balaga wambel anama Senkria. Dei' main, anan na'i basef la'ifimi naloma Goda na'i nonda' anom amamaga.

Aposel 21:25

Ea' esis Kristen owa' Judaisi, ape' manda' basef mafe'masi ma'ipasa basef amama fowa' mowa'ami. Esis sindumafuma sope andeande' na'ama. Esis ina sea' mafis saham saso' god baso'amunai ea' ina sea' esimbel ea' ina sea' mafis amama sowa' bagafowa ma afumi ea' ina sonda' waf aonai so'a waulanai, owa'.”

Aposel 21:3

Ea' wati ailan anama Saiprus wikila'agon nape da'isinaima. Afa' wafe' wataga etap hiagoma Siria ea' wafe' wataga wail Tair. Esis sa'i sowafa hiahaom ma sip anama wambel anama.

Aposel 23:26

“Ae' Klodius Lisias anda' basef amama mafe'mago ine' gavman dembinai nape nali'i Feliks. Nemaf bu'unai.

Aposel 6:9

Ea' anom amam mohafel ma'i basef mandahihianama maloma Stiven. Amam amama fowa' manda' maol mape owina enis epes ea' dei' mape wafifim. Ea' sofalana amam wambel Sairini naloma Aleksandria anona etap hiagoma Silisia naloma etap hiagoma Esia.

Galesia 1:21

Anom nimeguf mafe'ma ea' afe' anona wambel nape etap biefina hiagoma Siria naloma Sialisia.

Jems 1:1

Ae' Jems, ape owina God naloma Dembinai Jisas Krais anda' maola amam atom. Anda' basef amama mafe'mago ipe' epes hipei Judaipei epes wambotogw loumi 12-peleim. Ipe' pakwaha wambel ofagama ipe'ima ma pafe' pape wambel hiagoma etap anae' pape panda' maol naninani. Ae' anda'mepago danifel nafe'mago ipe'.

2 Jon 1:10

Emi egafis sifi'mai ipe' ma ina sefa'ai basef amama Kraisi, ipe' ina pigiambama epes isima pi'ipas sofe' solomepa siwis ifagw ipe'imi, owa'. Ina pinifalis pi'ipas penda'mas, “Nemaf bu'unai” esis, hapaisi.

2 Jon 1:13

God nandandepa owamena ine'ikwi nosahe'akw anani'wi ato'w. Ea' awasi owaminai sanda'menago nemaf bu'unai ma ine'. Ea' ma'um.

2 Jon 1:3

Ae' a'i Ahalomapa God noloma Jisas Krais Nogalomana Ananinai miti uwahipipa migiambamapa na'a monda'apa la'ifipa ea' monda' opalef ape'imi awanem. Amam biam monda'apa na'ama moloma waf endilisinai noloma waf ukup maimaila sahin owananai.

3 Jon 1:14

Ae' okom ma'i anona nemaf efo'o itilina, ea' afa' biafa ondatima wi'i basef amama.