Aposel 15:22 - Basef Buꞌwami Godi

²² Ea' amam aposel maloma agufumi mumafi maol Godi maloma esis Kristen hiesi sa'i basef etifim sandandepa anom amam biam asasimi mefe' Antiok maloma Pol naloma Barnabas. Amam amama agufumi Judas agel wa'ana Barsabas naloma Sailas. Amam biam agof lu'wami la'afena esis Kristen. Ea' sa'i sosapa'am mofe' Antiok moloma Pol noloma Barnabas.

Aposel 15:22 Iomraidhean Croise

Aposel 1:23

Pita na'iam na'ama, ea' esis Kristen sandandepa amam biam. Anona Josep, agel wa'ana Barsabas, ea' agel wa'ana wapoti' sa'i Jastus. Ea' anona Matias.

Aposel 11:19

Fowa' amam maha Stiven naga'i manda' nimanimi lu'wami matagama esis Kristen amam nematawa mahas. Ea' esis sembale'efanai safa' safe' ganigani ea' sataga anona wambel Antiok safe' anona etap hiagoma biefigin Saiprus naloma Fonisia sawalapa basef Godi ma esis Juda etis.

Aposel 11:20

Ea' anom amam Saiprusimi maloma anom Sairinimi mafe' Antiok mawalapa basef amama ma esis Grik wapoti'. Amam mawalapa basef bu'wami ma dembinai Jisas Krais.

Aposel 11:22

Ea' esis amam nematawa Kristen sape Jerusalemi same' basef amama ea' sasapa' Barnabas nafe' Antiok.

Aposel 11:27

Nogota anama anom profet mape Jerusalemi makini' Antiok.

Aposel 15:23

Esis sase'ama anom basef mail pepa ma lagof amam biam Judas naloma Sailas ma'i na'ama ma'i, “Afa' aposel agufufai sahopepa afa'ipei, afa' dei' wanda'ago basef amama mafe'mago ipe' sahin owan owa' Judaipei. Ipe' pape wambel Antioki ma etap hiagoma Siria naloma Silisia, afa' wa'i nemaf bu'unai ma ipe'.

Aposel 15:25

Afa' wame' basef amama ea' wa'ipasa ukup mape atogon wa'i basef wandame'mam. Ea' wandandepa amam amama biam ma osapa'am mefe'mago ipe' malomago biam ape' ukup mailam endilisi, Barnabas naloma Pol.

Aposel 15:27

Afa' dei' wasapa'ago Judas naloma Sailas ama nambimb mi'ipipa basef amama atom afa' wa'iam wanda'am mail pepa mafe'mago ipe'.

Aposel 15:3

Esis Kristen sasapa'am mafe' ea' mafe' la'afena etap hiagoma Fonisia naloma Samaria. Ma'ipasa basef esis Kristen sape etap anama biefina ma sogawa God namboma ukupa enis epes owa' Judaisi. Esis Kristen same' basef amama manda' esis sandanifel endilisi.

Aposel 15:30

Ea' esis Kristen sape Jerusalemi sasapa'am mafi'i Antiok, makolasai esis Kristen etifigin mase'asa pas amama.

Aposel 15:32

Judas naloma Sailas amam profet. Dei' ma'ipasa basef hiami bu'wami esis Kristen, manda'as sataga la'ifis mafela ukup asasimi.

Aposel 15:40

Ea' Pol nao'wa Sailas nalomana mafe'. Ea' esis Kristen hiesi sasapa'am sa'i, “Okom lu'unai Dembinai nope nolomepa nigiambamepa numafipa.”

Aposel 16:19

Ea' nogota anama amam mumafia'wi mogawa ofagema ma eaf anama mofa' otambanai owa'. Ea' dei' mombalo' Pol naloma Sailas mahonde'am mafe'ma sandowa'anima ma mi'ipa amam agufumi mumafi koti mapoma.

Aposel 16:25

Owamb la'afina amanota Pol naloma Sailas manda' beten manda' awalef mafela agel Godi ea' enis epes sanda' kalabusi same' manda'am.

Aposel 16:29

Ea' anan numafi kalabusi mehip nofalasa nogwapin sofa'ana safi'i ea' nasagih nafi'i nawisi nomon Pol naloma Sailas mapoma. Anan umbamahana endilisi ilaus mana nape nindiwa nembawa notawa opalefima amam biam.

Aposel 17:10

Owamb nataga amam Kristen masapa' Pol naloma Sailas mafe' anona wambel Beria. Amam mafe' mataga Beria, mafe' mawis ipat lu'unai esis Juda sa'i basef sapeinai.

Aposel 17:14

Na'ama dei' atef amam Kristen masapa' Pol nakini' nafe' naoh akata. Ea' Sailas naloma Timoti atom mape Beria.

Aposel 17:4

Ea' enis amam nematawa Judaisi sombale'efa Krais ea' saila Pol naloma Sailas sawis wambota Godi. Enis Grik sanda' lotuma Godi hiesi saloma anowa nematawa dembiwai hiawai esis wapoti' sawis wambota Godi saila amam biam.

Aposel 18:5

Sailas naloma Timoti makwaha etap hiagoma Masedonia mafi'i Pol napoma, nogota anama Pol nakwaha maol anama nagundisa sel ea' la'ela'ef nawalapa basef bu'wami Godi nimeguf hiami. Nawalapa basef la'ifimi esis Juda na'ama na'i, “Jisas anan Krais, God nandandepana nasapa'ana nafi'i.”

Aposel 8:14

Amam aposel mape Jerusalemi mame' basefa esis Samaria sefa' basef Godi. Na'ama masapa' Pita naloma Jon mafe'ma esis.

2 Korin 1:19

Nogalomana Godi Jisas Krais, ae' aloma Sailas waloma Timoti wawalapa basef ananimi, anan ina na'i na'ama na'i, “A'e” naloma “Owa'” atom, owa'. Krais na'i a'e etin.

1 Tesalonaika 1:1

Ae' Pol aloma Sailas naloma Timoti wape na'ae. Ea' anda' basef amama mafe'mago ipe' amam nematawa Godi pape Tesalonaika. Ipe' pape paloma God ahalomapa ape'inai naloma Dembinai Jisas Krais. Ipe' Kristen pape paloma amam ea' amamipei si'ipa. Afa' wa'i God nigiambamepago ipe' na'a nonda' opalef ipe'imi mope awanem.

2 Tesalonaika 1:1

Ae' Pol aloma Sailas naloma Timoti wape na'ae. Ea' anda' basef amama mafe'mago ipe' Kristen pape wambel Tesalonaika. Ipe' pape paloma God ahalomapa ape'inai naloma Dembinai Jisas Krais. Ipe' Kristen pape palomam ea' amamipei si'ipa.

1 Pita 5:12

Ae' a'ipa owalome Sailas nanda'ago basef amama ae'ami bandami mafe'mago ipe'. Ae' ati anan nanda' maol Kraisi andeande'. Ea' a'ipipago basef amama endilisimi God nigiambamapa na'a. Dei' pitu la'ela'ef ma amama. Anda' basef amama a'i efela ukup ipe'imi enda'epa petaga la'ifipa.