Aposel 15:20 - Basef Buꞌwami Godi

²⁰ Ape' monda' anom basef mofe'ma esis mi'ipas mi'i ina sea' gwa'aimi maim sondolalimama god baso'amunai, owa'. Amama alogw awami ma'ami. Esis sihi'amago waf aonai anama so'a waulanai ea' ina sea' mafis saham sowa' bagafowa afumi, owa'. Ina sea' esimbela anom mafis amama moloma anom mafis wapoti', owa'. Ae' a'i ape' monda'masa basef amama atom mofe'ma esis.

Aposel 15:20 Iomraidhean Croise

Aposel 15:29

Ipe' ina pea' mafis saham sondolali ma god baso'amunai, owa'. Ipe' ina pea' esimbela anom mafis, owa'. Ipe' ina pea' mafis sowa' bagafowa ma afumi, owa'. Ea' pihi'ama waf anama so'a waulanai aonai. I'i ipe' pindumafuma andeande'ma pihi'ama waf anama, andeande' ipe' penda' waf bu'unai pepe andeande'.”

Aposel 21:25

Ea' esis Kristen owa' Judaisi, ape' manda' basef mafe'masi ma'ipasa basef amama fowa' mowa'ami. Esis sindumafuma sope andeande' na'ama. Esis ina sea' mafis saham saso' god baso'amunai ea' ina sea' esimbel ea' ina sea' mafis amama sowa' bagafowa ma afumi ea' ina sonda' waf aonai so'a waulanai, owa'.”

1 Korin 5:11

Ea' basef dei' anda'ami ofagema na'ama. I'i anona aman ipe' pefalona owalomepa ipe'inai nonda' waf aonai so'a waolanai o kowalanama amamaga enis epesi o nonda' lotuma god baso'omunai, ni'i basef neso' alafuga enis epes, nea' embel nohaga nogoul, nonda' wal, nohambombaga enis epes, ipe' ina pefalona alupunai ipe'inai pi'i basef pelomana, owa' hapainai. Ipe' ina pea' gwa'aimi peloma epes na'amaisi wapoti', owa'.

1 Korin 6:13

Ea' enis epes sa'i, “Gwa'aimi amama, alopi atom ea' alop napoma nea' gwa'aimi atom.” Ea' amamaga amama biefim, alop naloma gwa'aimi, anona nemaf God nohambombagam atom hi'ilam. God ina nanda' alop ape'inai ma nonda' waf aonai so'a waolanai, owa'. Anan nanda'ana nonda' maol Ananinai atona bu'unai. Ea' Anan Dembinai ma alop ape'inai numafiana.

1 Korin 6:18

Ipe' pekwaha waf aonai so'a waolanai pefa' pefe'. Anona waf hianai aonai sanda'ana alop ande' atogon. Ea' epen nanda' waf aonai so'a waolanai nanda' waf aonai ma alop ananinai atona.

1 Korin 6:9

Emi egafis sanda' waf aonai, anona nemaf ina sefe' wambel Godi, owa'. Ipe' pegawa amama o owa'? Na'ama ipe' pembaso'ma ukup ipe'imi atom. Epes sanda' waf aonai ma so'a waola enis amam nematawa saloma epes isima sanda' lotuma god baso'omunai saloma epes sahambombaga waf daso'amainai saloma amam amama ukup ma'i waf nematawainai saloma amam amama manda' waf aonai maloma anom amami

1 Korin 7:2

Ea' waf naninani aonai ma so'a waolanai nape. Ea' dei' andeande'ma amam nematawa hiesi atona etin sondase'ama deindei.

1 Korin 8:1

Dei' ae' a'i i'i basefa mafis saham sapefelam god anama baso'omunai. Endilisi, “Ape' hiapai mogawa”, si'i ipe' pa'iam. Gawa anama atona wafinai nafelai waf safela agof asasimi atom. Ea' i'i ape' ukup mimila sahin owan, amama migiambamapa motaga Kristen la'ifipai.

2 Korin 12:21

Nemaf anama ae' efe'mago ipe', God ae'anai nambimb nonda' agel ae'anai nowala ma naep ipe'imi ma alopa ipe' amam nematawa hipei fowa' panda' waf aonai owa' pemboma opalef pefe'ma Gode. Ma ipe' owa' pewa' alafugaha waf aonai so'a waolanai ma opalef awami maloma amamaga awami fowa' pali' panda'ami. Ae' umbamahema amama.

Galesia 5:19

Waf opaf apinai epes hiesi sogawana ea' nape alihina. Anama na'ama. So'a waol, waf aonai, ukup mohafema waf aonai,

Efesus 5:3

Waf anama hianai so'a waolanai, neloma waf aonai alop atonai neloma kowalasanai, ipe' ina penda'ana, owa'. Basefa waf anama ina mataga la'afena ipe', owa'. Dei' main, ine' andeande'ma ape' amam nematawa Godi manda' waf anama, owa'.

Kolosi 3:5

Ipe' peha waf aonai hianai etapanai opaf apinai noga', waf anama na'ama. Waf so'a waolanai naloma waf aonai, waf anama aonai ukup mohafemanai, ukup ma'i anom amamaga enis epesi. Waf anama si'i waf saila god baso'omainai.

1 Tesalonaika 4:3

Okom Godi nape na'ama. Ipe' amam nematawa pepe bo'wepa andeande' ananipei etipa ma pindihi'ama waf anama so'a waolanai.

Hibrui 12:16

Na'ama enin epen atitin nila waf aonai so'a waulanai. Ipe' pindumafuma andeande'. Na'ama enin epen atitin nese'ana alafuga God si'i fowa' Iso nanda'ama natala gwa'aimi nogota bandana ea' nakwaha amamaga bu'wami ahalomana nandondombam ma'omanai.

Hibrui 13:4

Ipe' amam nematawa pandase'ama ea'i, penda' waf anama notaga nope andeande'. Ipe' ina penda' waf aonai, owa'. Dei' main, ipe' pegawa anona nemaf God nogwamipei waf aonai ma amam nematawa sanda' waf so'a waulanai saloma amam nematawa isima sahambombaga waf sandaso'amainai.

1 Pita 4:3

Fowa' ipe' pape nogota launai ea' pafe' paila waf naninani aonai esis sololama Godi ukup ma'ianai. Waf anama na'ama, waf aonai so'a waolanai, ukup mahaga magaolasanai, ukup mohafela waf aonai ea' sa' embel la'ifimi ma ukup mahaga magaol ea' sa' gwa'aimi embel la'ifimi nogota launai ea' sandatama etifigin sa' embel la'ifimi mamumami sosambala basef Godi ma sanda' waf aonai, sanda' lotuma god baso'omunai. Nogota pafe' paila waf anama dei' hi'alana.

Revelesen 10:2

Anan nahapila anona buk so'unai lagof ananimi, nandauf na'oh. Anan nawamona bo'waga ananinai da'isinai natoma naoh ea' aonai nahaponana etap wata'ita.

Revelesen 10:8

Ea' malogel fowa' ame'ana heveni na'ipi wapoti' na'ama na'i, “Ine' fo'o fa'ai buk anama nandauf nape lagel ensel naitu naoh maloma etapi.”

Revelesen 2:14

Ea' Ae' a'i i'ipipa anom basefa waf aonai ipe' panda'anai dei' ata' napomepa. Enis amam nematawa sape salomepa Pergamum, esis ata' saila waf anama si'i anona aman Balam fowa' nanda'anai la'ifis. Waf aman anama na'ama. Fowa' gani anan nihi'amba anona aman Balak nambaso'mana nanda' esis amam nematawa Israelisi sowa sanda' waf aonai. Ea' Balak nafela ukup esis Israeli ma sagwa' mafis maloma gwa'aimi amama saso' god baso'omunai sanda' waf aonai so'a waolanai.

Revelesen 2:20

Ea' Ae' anom basefa waf aonai ipe' panda'anai. Ipe' pati nemata'w akwama Jesebel kwape kwalomepa. Akwa'w kwa'i, ‘Ae' profet a'i basef Godi mandambahi'i.’ Owa', kwambaso'mepa kwawalipa ipe' panda' maola ae'i panda' waf so'a waolanai aonai ma pa' gwa'aimi amama sondolali saso' god baso'omunai.

Revelesen 9:20

Enis epes hiesi ina afisa amamaga amama awami wenifim, ina samboma opalefa sakwaha waf aonai, owa'. Esis ina sowa' alafugaha amamaga amama sanda'am lagof asasimi, owa'. Esis ina dei' sakwaha waf anama sanda' lotuma ambagof awami maloma god anama baso'omunai sanda' goli siliwa, bras otamba o lawah hiami maim sanda'ami, amamaga amama ina mati o maitu mafi'i, mame' basef, owa'.