Aposel 15:18 - Basef Buꞌwami Godi

¹⁸ Fowa' gani endilisi Ae' Dembiwai awalapa basef amama.’

Aposel 15:18 Iomraidhean Croise

Matyu Nandaꞌafi 13:35

Anom basef anona aman profet fowa' gani nanda'ami dei' mataga alihim mandawalap mapan. Profet anama na'iam na'ama na'i, “Anona nemaf ae' ie'i malogel i'i basef womun etin. Ae' ie'i basef mape mandambahi'i dambadamba God nanda' ilif etap mafi'i mafi'i mataga dei'.”

Matyu Nandaꞌafi 25:34

Ea' ae' dembiwei king i'ipa esis isima sape lagel kwahisinai i'i, ‘Ipe' Ahalome ae'anai nofalo'mepa ma pendanifel, ipe' piwis kingdom Ananinai pefa' amamaga amama ipe'imi fowa' etap owa' ata' neatagai ma'omipei.

Aposel 17:26

Aman atona anan God nanda' epes amam nematawa hiesi sataga etap anae'. Ea' nanda'as sape etap hiagoma. Anan atona nanda' nimeguf ma'uma'um mandahama esis sape eti. Ea' nandandepa etap nafe' neatambela naloma wambel asasima.

Efesus 1:11

God nanda' amamaga amama hi'alam naila fowa' damba damba Anan okom na'iam. Ea' nosahe'apa mape la'ifipa maloma Jisas Krais. Dei' main, Anan naila okom ananinai si'i fowa' damba damba okom na'iam.

Efesus 1:4

Dei' main, fowa' God ina dei' nanda' etap anae', ata' owa', nemaf anama nosahe'apa ea' mape la'ifipa maloma Jisas Krais. Mape amam nematawa Godi ma waf aonai ofagema a'apa.

Efesus 3:9

Ea' God nagiambamas na'a nihi'ambasa okom Ananinai maloma waf hianai Ananinai epes hiesi. Okom anama naloma waf anama ananinai hianai damba damba nape nandambaho' nafi'i nataga dei'. Ea' dei' nanda' amamaga hiami hi'alam mataga mape nase'e maol anama awalapa amama mape mandambahi'i alihim.

2 Tesalonaika 2:13

Fowa' gani dambadamba God nosahe'epa ma nofa'epa petanimani pambale'efa basef endilisimi. Ama pepel Ambal Bu'unai Ananinai nanda'epa bo'wepa. Ea' la'ela'ef wanifela Goda ipe'. Kristen alupipei, okom Dembinai nainailipa

1 Pita 1:20

God owa' ata' nonda' etap anae' notagae, Anan nandandepa Krais ea' ma naga' si'i sipsip anama. Nimeguf amama hiami dei' magi' matagai, Anan nataga nandawalap alihina ma nagiambamepa.

Revelesen 13:8

Anona buk ambal namunai napainai na'oh. Esis sanda' agof epes Godi etis mape buk anama ma nogota anama fowa' gani God nanda' etap anae'. Buk anama sipsip anama noganai fowa' esis sahana naga'. Amam nematawa hiesi etapasi agof asasimi owa' mope buk anama, epes isima hiesi sanda' lotuma mafin anama.

Revelesen 17:8

Mafin anama nape aolupi, ine' natolona ea'. Fowa' anan nape, dei' ina ata' nape, owa'. Anona nemaf nokwaha hul anama nowala owa' notambili nolatowi ilif ea' nefe' higililana owa'etin. Enis epes etapasi God ina nanda' agof asasimi mape buk ambal namunai ma nemaf anama fowa' dambadamba anan nanda' etap, owa'. Amam nematawa isima anona nemaf siti mafin anama nape aolupi gegelelesis kwapete'as. Dei' main, fowa' anan nape, dei' owa', anona nemaf, anan notaga wapoti'.