Aposel 15:11 - Basef Buꞌwami Godi

¹¹ Ape' mogawa eaf anama Dembinai Jisas nagiambamapa etin, dei' God nofa'apa matanimani ea' ananipai, ape' maloma esis wapoti'.”

Aposel 15:11 Iomraidhean Croise

Basef Amama Pol Nandaꞌam Mafeꞌma Esis Romi 3:24

Ea' God nati ape' uwahipipa nandahomapa. Ape' mombale'efa Krais Jisas ea' God na'i ape' epes bu'upai. Ape' ina mase'ana anom amamaga matalona, owa'. Anan nagiambamapa ma Krais Jisas ea' natagahepa natalapa ma mape wafifipa.

Basef Amama Pol Nandaꞌam Mafeꞌma Esis Romi 5:15

Waf God nandahomapa anai ma Jisas Krais naloma waf aonai Adam nanda'anai ina na'ama etin, owa'. Aman anama Adam atotona nanda' waf aonai, dei' nanda' epes hiesi saga'. Ea' God nandahomapa, waf anama nataga lu'una endilisi ma aman atotona Jisas Krais. Ea' ape' dei' mofa' amamaga amama presen Godi nikila' ga' anama ea' nataga lu'una endilisi ma nandahoma epes hiesi.

Basef Amama Pol Nandaꞌam Mafeꞌma Esis Romi 6:23

Waf aonai nagwamasa awami ma isima sanda' maola waf aonai. Awami amama. Esis anona nemaf soga' etin higililas. Ea' God dei' nase'apai presen bu'unai etin, anama ambal namunai nape la'ela'efi ma mope la'ifipa moloma Krais Jisas.

1 Korin 16:23

Ae' a'i okom Dembinai Jisasi nainaila ipe' nigiambamepa na'a nope nolomago ipe' nonda'epa petaga la'ifipa.

2 Korin 13:14

Ae' a'i Dembinai Jisas Krais niti uwahipipa nigiambamepago na'a ma okom Godi bu'unai nainailipa. Ea' a'i Ambal Bu'unai Ananinai nope noloma ipe' hipei ma pelomana opalef etifim pepe.

2 Korin 8:9

Endilisi, ipe' pegawa eaf dembinai Jisas Krais nagiambamapa na'a. Eaf anama na'ama. Fowa' anan amamaga hiamunai, ea' dei' nataga wafinai endilisi. Nagiambamepa na'a nataga nape kwahunai, amama atom dei' ipe' pefa' waf bu'unai naloma amamaga hiami bu'wami.

Galesia 1:6

Ae' gegelalasowe ma ipe' pakwaha waf bu'unai God nofalepa, naloma Jisas Krais nagiambamepa na'a. Dei' ipe' pakwaham mehip paila anom basef dambaimi.

Galesia 2:16

Ape' mogawa God ina okom napoma epen inima nembale'efa mi'uli ananinai ea' nanda' epen inima bo'wen andeande', owa'. Epen nembale'efa Jisas Kraisi atona, God nofalan na'i bo'wen andeande'. Ape' wapoti' mombale'efa Jisas Krais ea' God na'i ape' epes bu'upai Ananipai ma mombale'efa Krais. Ea' mi'uli owa'. Dei' main, ina enin epen naila mi'uli anama God naso' Mosesanai, dei' God nofalan na'i enin bo'wen andeande', owa'.

Taitus 2:11

Ape' mogawa okom Godi lu'unai nainaila ape' ma nigiambamapa na'a anama nataga nandawalap ea', epes hiesi wambota lounai agufisi saloma agof a'asi hi'alas satolona. Ama nofa' amam nematawa nokwahomapa waf aonai mutanimani mofe'ma anan.

Revelesen 5:9

Ea' manda' anona awaf dambainai na'ama ma'i, “Ine' bu'winai endilisi ma nefa'ai buk anama nahape' mandof tep anama hianai mowa'anai. Dei' main, esis sahena naga', esimbel ine'imi matala epes isima wapoti' sotanimani nase'anas God. Ine' natala esis amam nematawa hiesi hi'alasa epes hiesi wambotagw hiami mamumami, diga naninani hianai, alop naninani hianai ma epes sape etap hiagoma wambel hiagoma ma sotanimani.