Aposel 15:1 - Basef Buꞌwami Godi

¹ Anom amam mape Judiai makini' mataga Antiok ma'ipama basef esis Kristen sahin owan sape anama. Ma'ipasa basef ma'i, “I'i ipe' amam owa' pila mi'uli God fowa' gani na'ipa Mosesanai ma owa' petopa' alop ipe'inai, anona nemaf God ina nofa'epa pitanimani, owa'.”

Aposel 15:1 Iomraidhean Croise

Jon Nandaꞌafi 7:22

Ea' ipe' patopa'mam alop nogamepa ipe'imi nemaf anama Sabat papoma noma'wanai. Dei' main? Ipe' paila mi'uli anama fowa' God naso' Mosesanai. Moses atona ina nali' na'ipipa panda' waf anama, owa'. Dambadamba waf anama nali' natagama amam agufumi Judai fowa'imi mali'i.

Aposel 1:15

Anom nimeguf mafe'ma ea', esis Kristen 120-peleis hiesi sandatama etifigin sape ea' Pita nohafel naitu na'i,

Aposel 15:22

Ea' amam aposel maloma agufumi mumafi maol Godi maloma esis Kristen hiesi sa'i basef etifim sandandepa anom amam biam asasimi mefe' Antiok maloma Pol naloma Barnabas. Amam amama agufumi Judas agel wa'ana Barsabas naloma Sailas. Amam biam agof lu'wami la'afena esis Kristen. Ea' sa'i sosapa'am mofe' Antiok moloma Pol noloma Barnabas.

Aposel 15:23

Esis sase'ama anom basef mail pepa ma lagof amam biam Judas naloma Sailas ma'i na'ama ma'i, “Afa' aposel agufufai sahopepa afa'ipei, afa' dei' wanda'ago basef amama mafe'mago ipe' sahin owan owa' Judaipei. Ipe' pape wambel Antioki ma etap hiagoma Siria naloma Silisia, afa' wa'i nemaf bu'unai ma ipe'.

Aposel 15:24

Afa' wame'am enis epes afa'isi safo'o sanda'epa pehafel gegelalasipa kwapete'epa ma basef asasimi, sanda'epa umbamahepa ukup matamea. Esis sanda'am na'ama sa'i somboma ukup ipe'imi. Ea' afa' ine' wa'ipas safo'o sanda'epa na'ama, owa'.

Aposel 15:3

Esis Kristen sasapa'am mafe' ea' mafe' la'afena etap hiagoma Fonisia naloma Samaria. Ma'ipasa basef esis Kristen sape etap anama biefina ma sogawa God namboma ukupa enis epes owa' Judaisi. Esis Kristen same' basef amama manda' esis sandanifel endilisi.

Aposel 15:32

Judas naloma Sailas amam profet. Dei' ma'ipasa basef hiami bu'wami esis Kristen, manda'as sataga la'ifis mafela ukup asasimi.

Aposel 15:5

Ea' anom Farisi mombale'efa Kraisi mohafel ma'ipa esis ma'i, “Ipe' petopa'mama alop amamunai, pi'ipama mila wafa mi'uli God fowa' gani na'ipa Mosesanai.”

Aposel 21:20

Amam mame'am ea', mafela agel Godi lu'una. Ea' ma'ipa Pol ma'i, “Sahalomafa, ine' negawa esis Juda tausen hiesi endilisi sombale'efa Jisas sataga Kristen. Ea' Kristen isima hiesi la'ifis endilisi ma saila mi'uli anama God fowa' naso' Mosesanai.

Aposel 6:14

Ape' mame' anan na'i, ‘Aman anama Jisas Nasaretinai nambimb nohambombaga ipat anama lu'unai Godi ea' nonda' anona waf dambainai noho'ofa waf hianai fowa' gani Moses na'ipapanai.’ ”

Galesia 2:1

Afagof hiami 14-peleim mafe'ma ea', ae' afe' Jerusalem wapoti'. Aloma Barnabas wafe' etin. Ae' ao'wa Taitus wapoti' nafe' nalomafa.

Galesia 5:6

Emi egafis sepe la'ifisa Krais Jisas, waf anama matopa' alopanai o owa' motopa' alopanai anama falafunai atona owa' la'ifina. Ea' waf sombale'efa Krais atona nawalapai waf ukup maimailasanai. Amama bu'wami endilisi mikila'.

Galesia 6:12

Anom amam la'ifim endilisi ma'i motopa'mepa alop ipe'inai. Dei' maina amam manda'am na'ama? Ma'i mofa' agof lu'wami ma naep epesi. Amam ukup ma'i na'ama ma'i, “Na'ama enis epes sogawa afa' si'i afa' wawalipasa basefa Jisas Krais naga' lawag usi'inai tu'wanainai ea' sohafa oga'.”

Kolosi 2:16

Na'ama dei' ipe' ina pi'i aho'ma anona aman nombaso'ma ipe' ni'ipipa anona mi'uli ma waf sa' gwa'aimi embel ma anona nemaf lu'unai sanda' lotuwanai o sanda' anom gwa'aimi ma aon dambainai notaga o nemaf sabat sapoma noma'wanai, owa'.

Kolosi 2:8

Ipe' pindumafuma andeande'. Na'ama enin epen nese'epa basef wafimi o basef gawaimi epes sa'iami nembaso'mepa nomboma opalef ipe'imi ma basef amama si'i saolo' mafis matolo' esalef. Basef amama ina mataga Krais, owa. Amama bafasapa ehasapa ape'isi sa'ipapami mataga waf etapanai atona.