Aposel 14:5 - Basef Buꞌwami Godi

⁵ Esis epes ina Judaisi saloma esis sanda'ipama sa'i basef sandame'mam saloma amam agufumi asasimi ea' sa'i sonda' Pol naloma Barnabas aom. Sa'i sokwaha otamba soham afum.

Aposel 14:5 Iomraidhean Croise

Matyu Nandaꞌafi 5:44

Ea' dei' ae' a'ipipa anom basef a'i, ipe' ukup mimila naumbih ipe'isi pese'as opalef, penda' betena God niegiambama isima sanda'mepa waf aonai.

Luk Nandaꞌafi 6:28

Ipe' pihali' Goda nonda'mas waf bu'unai ma epes isima sanda'mepa waf aonai. Ea' penda' betena epes isima sanda'epa aopei.

Aposel 13:45

Na'ama esis Juda sati amam nematawa hiesi sandakolasi, ea' ukup kowalam endilisi. Ea' sa'i basef awami ma Pol sa'i anan nambaso'mas.

Aposel 13:50

Na'ama esis Juda safela anowa nematawa agufuwai wanda' lotuma Godi waloma anom agufumi mape taun anama lu'wagoma saha Poli naloma Barnabas sanda'am kwapete'am. Ea' sagalo'mam wambel asasinai.

Aposel 14:19

Anom Juda mape Antiok naloma Aikoniam mafi'i Listra mafela ukup asasimi amam nematawa. Ea' dei' esis sakwaha otamba saha Pol sa'i endilisi anan afuna ea' sahonde'ana nawisi na'oh ande' taun anama.

Aposel 14:2

Ea' enis epes Juda ina sombale'efa God, owa'. Esis safela ukupa enis amam nematawa owa' Judaisi ea' sanda' epes isima opalef aoma esis Kristen.

Aposel 14:4

Ea' esis amam nematawa taun anama sandawaloga biefis. Enis opalef atifim saloma esis Juda, ea' enis saloma amam aposel biam ukup etifim.

Aposel 17:5

Ea' esis Juda kowalas opalef aoma esis hiesi sombale'efa basef Pol naloma Sailas ma'ipasami. Na'ama esis sofa' anom amam awami manda' waf aonai. La'ela'ef amam mape anama esis sandakolas etifigin sapoma. Ea' sa'ipa amam nematawa hiesi sape wambel anama safela ukup asasimi ma sopa'. Ea' safitap endilisi sa'i basef lupa'aimi safe' sawisi uta sawis ipat Jesoni ma suwis sogolopa Pol naloma Sailas. Sa'i sofa'am muwisi ande'ma sose'am amam nematawa hiesi.

2 Korin 11:26

La'ela'ef ae' afe' laogoma eaf lounai. Ae' a'i higilili ewala walembeh hiami afe'ma. Amam amama manda' waf aonai manda' wali mafe' eafi ma'i mohe. Esis esimbel etifim Judaisi sa'i sohambombage ea' epes isima owa' Judaisi wapoti' sa'i sehe. Enis epes sa'i sehe taun ea' anama etap wafiguma wapoti', naoh embel wapoti'. Ea' anom alupumi mambaso'ami wapoti' ma'i mohambombage.

1 Tesalonaika 2:14

Ipe' Kristen alupipei, pefa' nimanimi na'ama etin si'i esis sombale'efa basef Godi sape etap hiagoma Judiai. Esis sombale'efa Jisas Krais, ea' sataga amam nematawa Godi. Amama atom dei' esis Juda sase'as nimanimi enisa alop asasinai na'ama etin si'i ipe' wambel atotona sase'epa nimanimi.

1 Tesalonaika 2:16

Ea' sasopama eafa afa' i'ipasa basef Godi esis sololama Anani ma nofa'as sotanimani sope andeande'. Esis Juda sanda'as na'ama dei' sowatani waf aonai asasinai la'ela'ef nataga lu'una endilisi. Fowa' God natilis na'a ea' dei' okom wandafunai Ananinai nafi'i natagamas nemaf akutainai nonda'as awes higilalas.

1 Tesalonaika 2:2

Fowa' wali' wafe' wambel anama Filipai ea' sanda'afa aofa alop afa'inai, wame' nimanimi endilisi. Ipe' pegawa. Ea' God afa'inai nanda' opalef afa'imi la'ifim. Ea' afa' ina umbamahafa wandafa'ma esis naumbih, owa'. Afa' la'ififa wafo'o wawalapa basef bu'wami Godi ma ipe'.

2 Timoti 3:11

Ine' negawa waf aonai hianai esis sanda'meana ae' ma nimanimi amama efa'am wambel anama wenifina Antiok naloma Aikoniam naloma Listra. Ine' negawa amamaga nimanimi sanda'meam efa'ami. Ea' Dembinai natagahowe ma amamaga amama nimanimi hiami sanda'meami.