Aposel 14:26 - Basef Buꞌwami Godi

²⁶ Anama Atalia malata sip ea' nefa'am mafe' Antiok. Wambel anama fowa' esis Kristen sandandepam mapoma lagel Godi ma nandahomam manda' maol anama dei' manda'anai hi'alana. Ea' dei' motanima mafi'i wambel anama.

Aposel 14:26 Iomraidhean Croise

Aposel 11:19

Fowa' amam maha Stiven naga'i manda' nimanimi lu'wami matagama esis Kristen amam nematawa mahas. Ea' esis sembale'efanai safa' safe' ganigani ea' sataga anona wambel Antiok safe' anona etap hiagoma biefigin Saiprus naloma Fonisia sawalapa basef Godi ma esis Juda etis.

Aposel 11:20

Ea' anom amam Saiprusimi maloma anom Sairinimi mafe' Antiok mawalapa basef amama ma esis Grik wapoti'. Amam mawalapa basef bu'wami ma dembinai Jisas Krais.

Aposel 11:23

Anan nafe' nataga nati God nanda' esis bo'wesa waf bu'unai numafias nandanifamas. Nafela ukup esis amam nematawa hiesi ma sope la'ifis sila Dembinai.

Aposel 11:26

Natolona ea', nofa'ana nafi'i Antiok. Ea' amam biam mape afagel atotona maloma esis Kristen amam nematawa sape Antioki mawalipa epes hiesi ma basef Godi. Ea' esis amam nematawa saila Jisasi, enis epes sofalas agel anama Kristen dambadamba wambel anama Antiok.

Aposel 11:27

Nogota anama anom profet mape Jerusalemi makini' Antiok.

Aposel 14:19

Anom Juda mape Antiok naloma Aikoniam mafi'i Listra mafela ukup asasimi amam nematawa. Ea' dei' esis sakwaha otamba saha Pol sa'i endilisi anan afuna ea' sahonde'ana nawisi na'oh ande' taun anama.

Aposel 14:21

Pol naloma Barnabas mawalapa basef bu'wami Godi taun anama ea' mafela ukup esis amam nematawa hiesi sataga alupusi Jisasi. Anom nimeguf mafe'ma ea', motanima mafe' wambel anama Listra naloma Aikoniam naloma Antiok.

Aposel 14:23

Ea' mandandepa agufumi mumafi esis Kristeni mandanda' ma sios amama hiami. Amam makwaha gwa'aimi manda' betena manda' esis sope la'ifisa lagel Dembinai anama sembale'efana.

Aposel 15:22

Ea' amam aposel maloma agufumi mumafi maol Godi maloma esis Kristen hiesi sa'i basef etifim sandandepa anom amam biam asasimi mefe' Antiok maloma Pol naloma Barnabas. Amam amama agufumi Judas agel wa'ana Barsabas naloma Sailas. Amam biam agof lu'wami la'afena esis Kristen. Ea' sa'i sosapa'am mofe' Antiok moloma Pol noloma Barnabas.

Aposel 15:30

Ea' esis Kristen sape Jerusalemi sasapa'am mafi'i Antiok, makolasai esis Kristen etifigin mase'asa pas amama.

Aposel 15:40

Ea' Pol nao'wa Sailas nalomana mafe'. Ea' esis Kristen hiesi sasapa'am sa'i, “Okom lu'unai Dembinai nope nolomepa nigiambamepa numafipa.”

Aposel 20:32

Dei' anda'epa ukup mopoma God noloma basef ananimi. Basef amama ma'ipipa Anan okom nainailipa ma nagiambamepa etin. Amama la'ifima monda'epa petaga la'ifipa mose'epa amamaga bu'wami atom God nase'asam amam nematawa anan nanda'as bo'wes ea' Ananisi etis.

Basef Amama Pol Nandaꞌam Mafeꞌma Esis Romi 15:19

Ambal Bu'unai Godi nase'e pepel ananinai nanda'e la'ifiwi ma anda' ikwaf la'ifinai naninani. Epes hiesi sati maol anama ea' same' basef Godi sailam. Damba damba anda'am Jerusalem awalapa basef bu'wami ma Krais afe' laogoma hi'alagon etambili etap hiagoma Ilirikum.

2 Korin 1:12

Afa' wandanifel ma amamaga amama. Basef mape opalef ape'imi nomon mawalapa basef amama ma'ipafa wafe' waf bu'unai andeande' ma waf opalef bu'wami God naso' afa'. Gawa epes etapasi ina nawalapa waf anama ma afa', owa'etin. God nati uwahipifa endilisi nagiambamafa na'a dei' wanda' waf na'ama. Wanda' waf anama na'ama la'afena epes hiesi sape etap anae' ea' wanda'am na'ama hianai ma ipe'.

Galesia 2:11

Nemaf anama Pita nafi'i wambel Antiok, ae' esambala basef ananimi ma naep esis Kristen hiesi. Dei' main, anan nanda' waf aonai.

Kolosi 1:25

Ae' ataga aman anda' maol agiambama sios amam nematawa Godi na'ama. God nandandepe dei' ataga aman anda' maol a'ipipa basef hiami ananimi hi'alam.

Kolosi 1:28

Ea' afa' wawalapa basef Kraisi wawalipa epes hiesi ma gawa hianai naninani bu'unai. Afa' wa'i wihi'amba epes hiesi atona etin sefe'ma Kraisa sope epes Ananisi endilisi sope la'ifisa Anan.

Kolosi 4:17

Ea' ipe' pi'ipago Arkipus na'ama pi'i, “Ine' nimafi maol anama nefa'ana ma Dembinai andeande' nimbefana.”

2 Timoti 4:2

ine' ni'ipasa basef Godi la'ela'ef. Nemaf anama esis sondandombam ma some' basef, ni'ipasam. Ea' maina nemaf esis sandaiwa' ma some'am, ni'ipasam etin. Ni'ipasam ma mohagofa basef amama baso'maimi. Ni'ipasa basef la'ifimi ma sokwaha waf aonai esis sanda'anai. Ea' nefela ukup asasimi nenda'as sotaga la'ifisa bale'ef, niwalipasa waf aonai nenda'as so'uso'umbemas. Niwalipasa basef amama si'i okom Godi na'iami.