Aposel 14:22 - Basef Buꞌwami Godi

²² Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”

Aposel 14:22 Iomraidhean Croise

Matyu Nandaꞌafi 10:38

Ae' efa' nimanimi awami anda' maol Godi sehe ega' lawag usi'inai tu'wanainai. Emi egafis owa' senda'am na'ama etin si'i ae' ma sieli, epes isima ina la'ifis setaga alupisi ae'asi, owa'.

Matyu Nandaꞌafi 16:24

Dei' Jisas na'ipa alupumi ananimi na'i, “Ae' efa' nimanimi anda' maol Godi sehe ega' lawag usi'inai tu'wanainai. I'i emi egafis si'i sila ae', esis senda'am na'ama etin si'i ae' ma sieili. Ea' sehagofa ukup asasimi ma maina maol esis sa'i senda'anai.

Matyu Nandaꞌafi 19:24

Ae' a'i i'ipipa wapoti', anona mafin lu'unai kamel nuwis nil nagala sagundisa luwagufanai, anama wila ma niowis. Ea' amam nematawa amamaga hiamisi sefe' siowis kingdom Godi, sonda'am ahifim endilisi ma sefe' siowis. Eaf anama ahifina endilisi nikila' maol kamel nuwis nil nagala.”

Mak Nandaꞌafi 9:47

“I'i naep ipe'imi monda'epa pewa ma waf aonai, pigiam pekwahom. Atona etin mope ma piwis wambota Godi numafipa, pepe andeande' la'ela'ef. Na'ama naem anama nonda'epa panda' waf aonai nope, nofa'epa pefe' wambel aonai nif fandumi mape la'ela'efi.”

Luk Nandaꞌafi 24:26

Krais anan ata' nili' nofa' nimanimi ea' nigi' nofa' pepel howalagon ananinai nigi'.”

Jon Nandaꞌafi 15:18

I'i esis amam nematawa saila waf etapanai si'i sonda'mepa naumbih, ipe' pegawa esis fowa' sali' sanda'ma ae' naumbih wapoti.

Jon Nandaꞌafi 15:20

Ipe' ukup mopoma basef amama ae' a'ipipa emi andeande'. Basef amama ma'i Ae' Dembiwei ipe'iwei ma'i epen agel a'ani nanda' opeh etini, enin ina nape ilifa dembinai ananinai, owa'. Ae' sali' sanda'me waf aonai, ea' nambimb esis sonda'mepa waf aonai, sonda'epa awepa wapoti'. I'i esis sila basef ae'ami, nambimb esis siela basef ipe'imi wapoti'. Owa'etin.

Jon Nandaꞌafi 16:33

Ae' a'i ipe' pepe pelome opalef ipe'imi mope awanem. Na'ama dei' a'ipipa basef amama. Etap anae' ipe' peme' opalef nimanim. Pepe la'ifipa! Dei' main, ae' agalo'ma waf aonai etapanai ikila'ana ea'.”

Jon Nandaꞌafi 3:5

Ea' Jisas nagwamana na'ipana na'i, “Ae' a'ipina endilisi, i'i Ambal Bu'unai Godi owa' nenda'an dambaina embel, ina nambimb la'ifin niowis wambota Godi, owa'etin. Ea' i'i Ambal Bu'unai Godi nolan dambain, enin wilama niowis wambota Godi.

Aposel 11:23

Anan nafe' nataga nati God nanda' esis bo'wesa waf bu'unai numafias nandanifamas. Nafela ukup esis amam nematawa hiesi ma sope la'ifis sila Dembinai.

Aposel 11:26

Natolona ea', nofa'ana nafi'i Antiok. Ea' amam biam mape afagel atotona maloma esis Kristen amam nematawa sape Antioki mawalipa epes hiesi ma basef Godi. Ea' esis amam nematawa saila Jisasi, enis epes sofalas agel anama Kristen dambadamba wambel anama Antiok.

Aposel 11:29

Ea' esis amam nematawa saila Jisas Kraisi sa'i basef sandame'mama sefa' anom otamba mefe'ma esis alupusi sahin owan sape Judai ma sigiambas. Esis Kristen atona etin ukup ma'i otamba ma'omasi sawalom sase'asa tu'wanim hiami mafe'ma esis sape Judiai. Enis otamba hiami sase'asa hiami ea' enis otamba kwawie'im sase'asa kwawie'im. Hiesi sanda'am na'ama etin.

Aposel 13:43

Ea' esis sakwaha ipat esis Juda sa'i basef sapeinai sawisi ande' ea' esis Juda hiesi saloma enis epes hiesi sagi'mam. Esis isima saila waf esis Juda sanda' lotuwanai. Ea' amam biam mase'asa basef esis hiesi ma sape la'ifis sembale'efa God nanda' waf bu'unai ma ape' nagiambamapa etin.

Aposel 14:20

Ea' esis sombale'efa Godi safi'i saitu salipana, nohafel wapoti' ea' nafe' nawis taun anama. Wafilu nafe' naloma Barnabas mafe' Derbe.

Aposel 14:28

Ea' mapani anom nimeguf hiami maloma esis sembale'efa Krais sailana.

Aposel 15:32

Judas naloma Sailas amam profet. Dei' ma'ipasa basef hiami bu'wami esis Kristen, manda'as sataga la'ifis mafela ukup asasimi.

Aposel 15:41

Ea' Pol nafe' la'afena etap anama hiagoma Siria naloma Silisia naloma Sailas mafe' manda' esis Kristen sataga la'ifis.

Aposel 18:23

Pol napani nogota launai kwaukwawie' Antiok ea' notanima nafe' wapoti' anona wambel hiagoma ganigani ma etap hiagoma Galesia naloma Frigia fowa' nali' nafe'ma. Ea' nanda' maol nanda' esis Kristen hiesi sataga la'ifis ma sombale'efa Krais.

Aposel 6:7

Ea' basef Godi mafe'agon hi'alogon. Amam nematawa hiesi sape Jerusalemi sataga alupusi Jisasi sataga hias endilisi. Ea' pris amama hiami wapoti' mombale'efa Jisas mailana.

Aposel 9:16

Nambimb ae' ihi'ambana nimanimi lu'wami nefa'ami ma nowalapa agel ae'anai. Na'ama ine' dei' fo'o netolona.”

Basef Amama Pol Nandaꞌam Mafeꞌma Esis Romi 8:17

Ape' mape awasi Godi. Ea' anona nemaf mofa' amamaga bu'wami Ahalomapai moloma amamaga anan nambe'ama Krais numafiami mofa'am moloma Krais. I'i dei' ape' mofa' nimanimi molomana, anona nemaf mofa' pe bu'unai endilisi nonda'apa mififil molomana.

1 Korin 1:8

Jisas Krais nambimb nonda'epa ma pepe la'ifipa la'ela'ef pefe' petagama nemaf akutainai. Nemaf anama Dembinai ape'inai Jisas Krais niefi'ianai ipe' basef ofagema a'epa nemaf anama.

Filipai 1:29

Dei' main, God nase'epa waf bu'unai ma penda' opeh Kraisi. Anan ina nase'epa waf pembale'efana atona, owa'. Anan nase'epa waf anama pefa' nimanimi wapoti' ma agel Ananinai.

Kolosi 1:23

Ea' ipe' pembale'efa basef bu'wami Godi la'ifipa la'ela'ef ma pitu la'ifipa endilisi si'i olaf nali'i nanda' ipat la'ifina. Na'ama ukup mose'epama pegawa endilisi anona nemaf pefa' amamaga amama bu'wami basef bu'wami Ananimi ma'iami. Basef amama pame'am ea' sawalipasama epes hiesi sape etap hiagoma. Basef amama ae' Pol ataga aman anda' maola awalipasami.

1 Tesalonaika 3:13

Wa'i ipe' penda' waf anama ma God nonda'epa petaga la'ifipa opalef ipe'imi. Ama anona nemaf Dembinai ape'inai netambel nifi'i nulumai esis hiesi sambale'efanai sape andeande' ma ipe' pepe bo'wepa andeande' basef a'epa ma naep Godi ahalomapa ape'inai.

2 Timoti 1:8

Ine' owa' ambal aona ni'ipasa basef Dembinai apa'inai, owa'. Ea' ina ambal aona ma ae' wapoti', owa'. Ae' anda' maola Dembinai dei' anda' kalabus. Ine' nefa' pepel Godi ma netaga la'ifina nefa' nimanimi nelome owalapa basef bu'wami Ananimi.

2 Timoti 3:12

Emi egafis sope la'ifis soloma Krais Jisas ma sila waf Godi andeande', naumbih asasisi anona nemaf sonda'as kwapete'as.

1 Pita 2:21

God nofalai ipe' ma pila waf anama pefa' nimanimi ma waf bu'unai ipe' panda'anai. Dei' main, Krais atona name' nimanimi ma nagiambamapa. Ea' nihi'ambepa waf anama bu'unai ananinai ma pilana.

1 Pita 5:10

God anan ofagonama waf anama nigiambamepa na'a. Ipe' pepe la'ifipa peloma Jisas Krais, amama atom dei' God nofalepa ma pepe nafifili pepel ananinai nape la'ela'ef. Ea' dei' ipe' pame' nimanimi nogota bandana. Anom nimeguf mofe'ma ea', anan Atona nonda'epa pataga bo'wepa ea' nonda'epa pitu la'ifipa si'i olaf la'ifinai nanda ipat notawa la'ifina.

1 Pita 5:9

Ipe' pitu la'ifipa ma pewa' alafugahana pili'amonana. Dei' main, sahin owan ipe'isi sape etap hiagomai esis sofa' nimanimi na'ama etin.

2 Pita 1:11

I'i ipe' pilam, anona nemaf God nonda' eaf nogal alihina pendanifel pefe' piwis wambel Jisas Krais Dembinai ape'inai nape la'ela'efa. Anan atona nofa'apa motanimani.

Basef Ifimba Jut Nandaꞌafi 1:3

Alupipei endilisi, ae' okom nainailipa. Ae' ali' a'i enda' anom basef mil okwatip mefe'mago ipe' ma God nefa'apa motanimani. Anan nefa' ipe' peloma ae' wapoti'. Ea' owa. Dei' a'i ata' enda' anom basef i'ipipago efela ukup ipe'imi ma penda' maol la'ifipa pimafiago basef endilisimi Kraisi ape' mombale'efami. Ama pehagasa naumbih amama mahagofa basef amama Kraisi. Bale'ef anama God nase'apana ape' hiapai amam nematawa Ananipai nemaf anama atotona mape la'ela'ef.

Revelesen 1:9

Ae' Jon sahalomepa ipe'iwei. Ae' alomepa, ape' hiapai Jisasi atepa mape la'ifipa malomana. Ae' alomepa mandao'oma mofa' nimanimi ma muwis wambota Godi numafiapa. Ape' mape la'ifipa maloma Jisas ea' ape alomepa mandao'oma ape' hiapai mape so'umbel mape maitu la'ifipa na'ama etina mofa' nimanimi. Ae' awalapa basef Godi maloma basef endilisimi ma opeh Jisas nanda'ami. Amama atom dei' esis sandaiwa'me sagalo'me afi'i ape ailan agiliguma sa'i Patmos.

Revelesen 2:10

Ipe' ina umbamehepama nambimb pefa' nimanimi, owa'. Ipe' peme'! Nambimb Satan nonda' enipa penda' kalabusa nogwamba ipe' pefa' nimanimi amama nimeguf 10-peleim. Ea' kwawie', ipe' pembale'efa Ae' pitu la'ifipa ma enis si'i sehepa pega', pitu la'ifipa pembale'efa Ae'. Ama Ae' anona nemaf ease'epa ambal namunai ipe' si'i amamaga bu'wami esis sasagih sikila' sefa'ami.

Revelesen 7:14

Ea' agwamana basef a'i, “Dembinai ae'inai, ine' etina negawas.” Ea' Anan na'ipi na'i, “Epes isima fowa' sape etap sofa' nimanimi lu'wami ma lagof esis naumbih. Esis sasa'opa luwaguf asasimi ma esimbel sipsip anama noganai, dei' mataga afitim.