Aposel 14:20 - Basef Buꞌwami Godi

²⁰ Ea' esis sombale'efa Godi safi'i saitu salipana, nohafel wapoti' ea' nafe' nawis taun anama. Wafilu nafe' naloma Barnabas mafe' Derbe.

Aposel 14:20 Iomraidhean Croise

Aposel 11:26

Natolona ea', nofa'ana nafi'i Antiok. Ea' amam biam mape afagel atotona maloma esis Kristen amam nematawa sape Antioki mawalipa epes hiesi ma basef Godi. Ea' esis amam nematawa saila Jisasi, enis epes sofalas agel anama Kristen dambadamba wambel anama Antiok.

Aposel 11:29

Ea' esis amam nematawa saila Jisas Kraisi sa'i basef sandame'mama sefa' anom otamba mefe'ma esis alupusi sahin owan sape Judai ma sigiambas. Esis Kristen atona etin ukup ma'i otamba ma'omasi sawalom sase'asa tu'wanim hiami mafe'ma esis sape Judiai. Enis otamba hiami sase'asa hiami ea' enis otamba kwawie'im sase'asa kwawie'im. Hiesi sanda'am na'ama etin.

Aposel 12:17

Ea' Pita nanda' lagel atona na'ipas na'i “Feso'mepa.” Ea' na'ipasa amamaga amama Dembinai nofa'ana nakwaha ipat sanda' kalabusainai nao'wana nawisi ande'. Ea' na'i, “Ipe' kipago Jems nolomago sahin owan ama amamaga amama.” Ea' nakwaha esis notanima nawisi ande' nafe' anagon.

Aposel 14:22

Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”

Aposel 14:28

Ea' mapani anom nimeguf hiami maloma esis sembale'efa Krais sailana.

Aposel 14:6

Ea' amam biam mogawa amama mafa' mafe' etap hiagoma Likonia ma wambel biefina Listra naloma Derbe ea' anona wambel felefele'ma anama.

Aposel 16:1

Pol naloma Sailas mafe' mataga Derbe ea' makwaha Derbe mafe' Listra. Wambel anama anona aman alupunai nembale'efa Jisasi nape, agilinama Timoti. Anan mama'wana ano'w nemata'w Judai'wi, akwa'w wapoti' kombale'efa Jisasi. Ea' ahalomana anona epen Grikinai.

Aposel 16:40

Ea' makwaha ipat sanda' kalabus sapeinai mawisi mafe' ipat Lidiai mati esis Kristen ma'ipasa basef manda'as sataga la'ifis ea' mafe'.

Aposel 20:1

Esis sa'i basef awanami, Pol nofalai esis Kristen safi'mai anan, na'ipasa anom basef nanda' opalef asasimi mataga la'ifim. Ea' nanda'masa nemaf bu'unai esis nakwahis nafe' etap hiagoma Masedonia.

2 Korin 6:9

Wanda'am na'ama, ina enin epen negawa afa', ea' hiesi sogwafa. Afa' si'i epes waga'i, ea' owa'etin. Afa' ata' wape namofa. God ata' nahafa bolam nanindinafa, wandanifel ea' anan ina nahafa afufa, owa'.