Aposel 14:19 - Basef Buꞌwami Godi

¹⁹ Anom Juda mape Antiok naloma Aikoniam mafi'i Listra mafela ukup asasimi amam nematawa. Ea' dei' esis sakwaha otamba saha Pol sa'i endilisi anan afuna ea' sahonde'ana nawisi na'oh ande' taun anama.

Aposel 14:19 Iomraidhean Croise

Aposel 13:14

Ea' makwaha wambel anama Perga mafe' mataga anona wambel Antiok nape etap hiagoma Pisidia. Anom nimeguf mafe'ma ea', nemaf anama Sabat esis Juda sapoma noma'wanai amam mafe' mawis ipat Juda sa'i basef sapeinai ea' matoma balata.

Aposel 13:45

Na'ama esis Juda sati amam nematawa hiesi sandakolasi, ea' ukup kowalam endilisi. Ea' sa'i basef awami ma Pol sa'i anan nambaso'mas.

Aposel 14:1

Ea' Pol naloma Barnabas mafe' mataga Aikoniam mafe' mawis ipat esis Juda sa'i basef sapeinai mawalapa basef si'i mali' manda'am. Amam mawalapa basef bu'wami ea' esis Juda hiesi saloma enis epes owa' Judaisi sombale'efa God.

Aposel 14:18

Amam ma'ipasa basef amama, manda' maol lu'unai endilisi ma'ipas ina sandolalimam sanda' ofamam, owa'.

Aposel 14:2

Ea' enis epes Juda ina sombale'efa God, owa'. Esis safela ukupa enis amam nematawa owa' Judaisi ea' sanda' epes isima opalef aoma esis Kristen.

Aposel 14:21

Pol naloma Barnabas mawalapa basef bu'wami Godi taun anama ea' mafela ukup esis amam nematawa hiesi sataga alupusi Jisasi. Anom nimeguf mafe'ma ea', motanima mafe' wambel anama Listra naloma Aikoniam naloma Antiok.

Aposel 14:26

Anama Atalia malata sip ea' nefa'am mafe' Antiok. Wambel anama fowa' esis Kristen sandandepam mapoma lagel Godi ma nandahomam manda' maol anama dei' manda'anai hi'alana. Ea' dei' motanima mafi'i wambel anama.

Aposel 14:4

Ea' esis amam nematawa taun anama sandawaloga biefis. Enis opalef atifim saloma esis Juda, ea' enis saloma amam aposel biam ukup etifim.

Aposel 14:5

Esis epes ina Judaisi saloma esis sanda'ipama sa'i basef sandame'mam saloma amam agufumi asasimi ea' sa'i sonda' Pol naloma Barnabas aom. Sa'i sokwaha otamba soham afum.

Aposel 15:26

Amam biam ina umbamahama enis epes soham moga' mefela agel Dembinai ape'inai Jisas Kraisi monda' maol ananinai, owa'.

Aposel 17:13

Ea' anona nemaf esis Juda sape Tesalonaikai same' basef ma'i Pol nawalapa basef Godi Beria. Ea' safe' safela ukup esis amam nematawa sape Beriai aom.

Aposel 22:20

Fowa' esis saha Stiven naga', aman na'ipasa basefa ine' nogota anama aitu felefele' okom ae'anai bo'onama amama. Ae' aitu imafi siogw amamumi amam mahana.’

Aposel 7:58

Ea' mogwasi'ana nawis ande'. Amam do'ok mali' mambaso'mana basefi mowalia siaogw amamumi mambe'am wa'ol felefele'ma anona aman so'unai naituma agilinama Sol. Mowaliam ma'oh mokwaha otamba mehip maha Stiven.

Aposel 9:16

Nambimb ae' ihi'ambana nimanimi lu'wami nefa'ami ma nowalapa agel ae'anai. Na'ama ine' dei' fo'o netolona.”

1 Korin 15:31

Alupipei endilisi, ae' andanifel ma pape la'ifipama Krais Jisas Dembinai ape'inai. Ea' anom basef wapoti' endilisimi atom si'i amama. Nimeguf hiami la'ela'ef ae' ape si'i aga'i.

2 Korin 11:23

Ae' dei' a'i si'i epen okom nololani endilisi. I'i amam monda' maol Kraisi, ae' wapoti' anda' maol Kraisi ikila' amam. Nimanimi lu'wami, amama ae' ikila' amam ea' kalabus wapoti' anda' kalabus ikila'am. I'i enis epes soham hihif endilisi, amama wapoti' ikila'am endilisi. Nimeguf hiami ae' felefele' ma ega'.

2 Korin 11:25

Nimeguf wanom sahe ala'ota. Anona nemaf sahe otamba. Galafowa aom nimeguf wanom ea' aowe naoh embel. Ea' nemaf si'ina atotona owamb si'ina atotona ae' alemb ala naoh embel la'afen.

2 Korin 11:26

La'ela'ef ae' afe' laogoma eaf lounai. Ae' a'i higilili ewala walembeh hiami afe'ma. Amam amama manda' waf aonai manda' wali mafe' eafi ma'i mohe. Esis esimbel etifim Judaisi sa'i sohambombage ea' epes isima owa' Judaisi wapoti' sa'i sehe. Enis epes sa'i sehe taun ea' anama etap wafiguma wapoti', naoh embel wapoti'. Ea' anom alupumi mambaso'ami wapoti' ma'i mohambombage.

1 Tesalonaika 2:14

Ipe' Kristen alupipei, pefa' nimanimi na'ama etin si'i esis sombale'efa basef Godi sape etap hiagoma Judiai. Esis sombale'efa Jisas Krais, ea' sataga amam nematawa Godi. Amama atom dei' esis Juda sase'as nimanimi enisa alop asasinai na'ama etin si'i ipe' wambel atotona sase'epa nimanimi.

2 Timoti 3:11

Ine' negawa waf aonai hianai esis sanda'meana ae' ma nimanimi amama efa'am wambel anama wenifina Antiok naloma Aikoniam naloma Listra. Ine' negawa amamaga nimanimi sanda'meam efa'ami. Ea' Dembinai natagahowe ma amamaga amama nimanimi hiami sanda'meami.