Aposel 14:15 - Basef Buꞌwami Godi

¹⁵ “Ipe' epes, dei' maina panda'am na'ama? Afa' wandaiwa'. Afa' biafa ina God dembifai, owa'. Afa' epes atofa etin si'i ipe' wawalipipa basef bu'wami. Wawalipipa ma ipe' pekwaha god anama falafunai baso'maimi ma pefe' pembale'efa God ambal namunai nape la'ela'efi. Anan nanda' otaga ilif naloma etap maloma epes hiesi saloma naoh embel lu'wami maloma amamaga hiami mape.

Aposel 14:15 Iomraidhean Croise

Matyu Nandaꞌafi 16:16

Ea' Saimon Pita nagwamana basef na'i, “Ine' Krais, aman anama God nandandepena nasapa'ena nafi'i. Ine' nogalomana God ambal namunai napeinai.”

Jon Nandaꞌafi 5:26

Ambal namunai nape Ahalome atona. Ea' nanda' ae' Nogalomana ananiwei ea' ae' wapoti' ambal namunai napaiwei na'ama etin.

Jon Nandaꞌafi 7:18

Emi egafis sie'ipasa gawa ananinai atona, esis sa'i enis epes seafela agof asasimi lu'um. Ea' emi egafis sonda' maola sefela agel anan nasapa'as safi'i, esis epes bu'wasi, sa'i basef endilisimi atom. Basef baso'maimi ina mapomas, owa'.

Aposel 10:26

Ea' Pita nafelona na'ipana na'i, “Ine' hafel. Ae' wapoti' epen atowe si'i ine'.”

Aposel 13:32

Ea' ape' dei' ma'ipipa basef bu'wami ipe'. Amamaga amama fowa' God na'iama na'i nose'asas akusipa ape'isi,

Aposel 14:21

Pol naloma Barnabas mawalapa basef bu'wami Godi taun anama ea' mafela ukup esis amam nematawa hiesi sataga alupusi Jisasi. Anom nimeguf mafe'ma ea', motanima mafe' wambel anama Listra naloma Aikoniam naloma Antiok.

Aposel 14:7

Amam manda' maol mawalapa basef bu'wami Godi ma esis sape wambel anama.

Aposel 16:30

Ea' nofa' amam biam mawis ande' nahali'am na'i, “Ipe' dembipei, ae' enda' maina nambimb God nofa'e itanimani?”

Aposel 27:10

“Ipe' amam, peme'. I'i dei' afa' weafe'ma, nambimb otagama nimanimi ea' amamaga hiami higililam. Ina hiahaom maim atom moloma sip higililam, owa'. Ambagof afa'imi wapoti' nambimb higililam. Ae' egawam endilisi.”

Aposel 27:21

Nimeguf hiami amam ina ata' ma' gwa'aimi ea' Pol nohafel naitu la'afena amam na'i, “Ipe' peme'. Fowa' ipe' andeande'ma peme' basef ae'ami ma afa' ina okwaha Krit ufi'i ulal. I'i onda'am na'ama, afa' ina dei' ofa' nimanimi amama, ea' amamaga hiahaom maim afa'imi higililam, owa'.

Aposel 27:25

Dei' main, ae' embale'efa God anan nambimb nonda' amamaga amama motaga si'i na'ipiam.

Aposel 4:24

Esis same'am ea', hiesi ukup etifim sanda' beten safela agel Godi na'ama sa'i, “Dembinai, ine' nahapila ilif etapi, ine' nanda' etap otaga naoh maloma amamaga amama hiami mape.

Aposel 7:26

Wafilu Moses notanima nafe' natilis wapoti' ea' nati anom biam amam atom Israel mapa' wapoti'. Ea' nohape'am na'ipam na'i, ‘Ipe' etipa sahalomana owalomana penda'am na'ama owa'. Dei' maina ipe' pahambomaga ipe' etipa?’

1 Korin 8:4

Waf sa' mafis saham sondolali saso' god baso'omunai ina waf endilisinai, owa'. Waf anama ikwaf atona wafinai. Ina god baso'omunai nape, owa'. God endilisinai anan atona nape.

Efesus 4:17

Dei' a'i i'ipipa anom basef. Ipe' pape la'ifipa paloma Jisas Dembinai dei' a'ipipa basef la'ifima ma agel Ananinai. Ipe' ina ata' pila waf anama sololama Godi sailanai, owa'. Hapainai. Epes isima ukup asasimi mapoma waf falafunai atona.

1 Tesalonaika 1:9

Dei' esis etis sa'i basefa ipe' pandanifel pa'i nemaf bu'unai ma afa' ea' pame' basef afa'imi fowa' afa' wanofa wafe'mago ipe'. Esis sa'i ipe' pakwaha amamaga amama ambagof awami fowa' ipe' panda' lotumami. Ea' pamboma opalef pafe'ma God. Ea' dei' panda' maola God endilisinai, owa' neaga'i, nape la'ela'ef.

1 Timoti 3:15

I'i owa' efo'o etaga ulal, ine' nitiago basef amama negawa waf anama esis sape andeande' ma wambota anama Godi. Wambota anama esis sios amam nematawa Godi ambal namunai napainai. Sios Godi si'i olaf la'ifinai nanda' basef endilisimi la'ifimi.

Hibrui 3:12

Alupipei Ae'ipei, ipe' pindumafuma andeande'. Na'ama enin sahin owan ipe'isi okom ninila waf aonai nekwaha bale'ef ananinai newa' alafugama God nape la'ela'efi.

Jems 5:17

Aman anama Elaija fowa'inai, anan aman si'i ape' epes mape etapi. Anan okom napoma God ea' nanda' beten nahali'ana ma nasopama asaf, ea' ina nalai etap asasinai nogota laona afagof si'imi wanom tu'waninai.

Revelesen 14:7

Anan noga na'i mehip na'ama na'i, “Nogota nataga ea' ma God nowaloga epes hiesi ma kot. Ipe' umbamehepa ma Anan pila basef ananimi, pefela agel ananinai. Ipe' penda' lotuma God, Anan nanda' heven naloma etap naloma naoh embel maloma embel amama hiami mataga etap owini.”

Revelesen 19:10

Ea' ae' indiwa nembawa balaga etawa felefele'ma bo'wagah enseli ma enda' lotumana, ea' na'ipi na'i, “Ina nenda'am na'ama, owa'. Ae' alupuwei ine'iwei aloma ine' naloma sahopena ine'imi, afa' wandao'oma wanda' opeh Godi atom waloma esis hiesi sembale'efa basef endilisimi Jisas nawalipasami. Ine' nenda' lotuma God atona. Ape' mogawa basef amama endilisimi Jisas nawalapama ipe'ami, amama mafela amam profet mawalipasa basef Godi.”

Revelesen 19:19

Ea' ati mafin anama lu'unai nape aolupi naloma dembemi king amama etapami maloma soldia amamumi mandatama mape. Amam ma'i mopa' moloma aman anama natoma hos afitinai naloma soldia ananimi.

Revelesen 22:9

Ea' ensel anama na'ipi na'i, “Ine' owa' nenda'am na'ama, owa'. Ae' ina dembiwei, owa'. Ae' alomena wandao'oma wanda' opeh etini waloma sahopena ine'imi profet fowa'imi maloma epes isima hiesi saila basefa buk anae'. Ine' nenda' lotu ma God atona.”

Revelesen 4:11

“Ine' God afa'inai Dembinai afa'inai. Ine' la'ifinai bu'unai endilisi ma epes hiesi sondanifela ine' sofela agel ine'inai lu'una. Ine' la'ifinai. Dei' main, ine' nanda' amamaga hiami. Okom ine'inai atona na'iam nanda'am mataga. Ea' dei' amamaga amama hiami mape ambal napaim.”