Aposel 14:1 - Basef Buꞌwami Godi

¹ Ea' Pol naloma Barnabas mafe' mataga Aikoniam mafe' mawis ipat esis Juda sa'i basef sapeinai mawalapa basef si'i mali' manda'am. Amam mawalapa basef bu'wami ea' esis Juda hiesi saloma enis epes owa' Judaisi sombale'efa God.

Aposel 14:1 Iomraidhean Croise

Mak Nandaꞌafi 7:26

Akwa'w Finisiai'wi anona etap hiagoma Siria. Akwa'w ina Judai'wi, owa'. Kwa'i diga Griki. Ea' kwahali' Jisas mehipa netofama'wa ambal aonai nape nogama'w akwa'ukwi.

Jon Nandaꞌafi 12:20

Epes hiesi safe' Jerusalem ama gwa'aimi amama lu'wami sonda' lotuma God. Ea' anom Grik wapoti' mafe' malomas.

Jon Nandaꞌafi 7:35

Ea' amam Juda atom manda'ipama ma'i, “Aman anama na'i nefe' eti ma afa' weagolopana? Anan nambimb nefe'ma esis Juda afa'isi saloma esis Grik sapoma ea' niwalipa esis Grik, a' amon?

Aposel 11:21

Ea' pepel Dembinai atona nape naloma amam, amama atom dei' amam nematawa hiesi samboma opalef safi'mai Dembinai.

Aposel 13:43

Ea' esis sakwaha ipat esis Juda sa'i basef sapeinai sawisi ande' ea' esis Juda hiesi saloma enis epes hiesi sagi'mam. Esis isima saila waf esis Juda sanda' lotuwanai. Ea' amam biam mase'asa basef esis hiesi ma sape la'ifis sembale'efa God nanda' waf bu'unai ma ape' nagiambamapa etin.

Aposel 13:46

Ea' Pol naloma Barnabas ina umbamaham, owa'. Amam la'ifim ma'ipasam alihim ma'i, “Endilisi, afa' ata' wi'ipipa basef Godi ipe' Juda pili'. Ea' ipe' pewa' alafugaha basef amama. Amama ipe' pa'iam pa'i, ‘Ape' mandaiwa'ma mofa' ambal namunai ma mope andeande' la'ela'ef.’ Ipe' pa'i na'ama dei' ipe' peme'. Afa' dei' okwaha ipe' ofe' ugi'ma epes owa' Judaisi wi'ipasa basef amama.

Aposel 13:5

Ea' mataga Salamis, mawis nomon ipat esis Juda sa'i basef sapeinai ma'ipasa basef bu'wami Godi, Jon Mak wapoti' nape nalomam nagiambamam.

Aposel 13:51

Ea' amam mandila'ma sopof mail bo'wagah amamumi ma mola ikwafa waf aonai napoma esis. Ea' mohafel mafe' Aikoniam.

Aposel 14:19

Anom Juda mape Antiok naloma Aikoniam mafi'i Listra mafela ukup asasimi amam nematawa. Ea' dei' esis sakwaha otamba saha Pol sa'i endilisi anan afuna ea' sahonde'ana nawisi na'oh ande' taun anama.

Aposel 14:2

Ea' enis epes Juda ina sombale'efa God, owa'. Esis safela ukupa enis amam nematawa owa' Judaisi ea' sanda' epes isima opalef aoma esis Kristen.

Aposel 14:21

Pol naloma Barnabas mawalapa basef bu'wami Godi taun anama ea' mafela ukup esis amam nematawa hiesi sataga alupusi Jisasi. Anom nimeguf mafe'ma ea', motanima mafe' wambel anama Listra naloma Aikoniam naloma Antiok.

Aposel 16:1

Pol naloma Sailas mafe' mataga Derbe ea' makwaha Derbe mafe' Listra. Wambel anama anona aman alupunai nembale'efa Jisasi nape, agilinama Timoti. Anan mama'wana ano'w nemata'w Judai'wi, akwa'w wapoti' kombale'efa Jisasi. Ea' ahalomana anona epen Grikinai.

Aposel 16:2

Esis Kristen sahin owan Listra naloma Aikoniam sa'i waf Timoti nanda'anai bu'unai.

Aposel 17:12

Ea' dei' amam nematawa Juda hiesi sombale'efa Krais. Ea' anowa nematawa hiawai agof lu'wami waloma anom Grik hiami wapoti' sembale'efana.

Aposel 17:17

Ea' nimeguf hiami anan nafe' ipat esis Juda sa'i basef sapeinai na'i basef hiami naloma esis Juda saloma enis isima sanda' lotuma Godi. Nalomas sa'i basef sandahihianamam nahagofa ukup asasimi. Ea' nimeguf hiami nafe' anama esis sandatama etifigin sapoma na'i basef hiami nalomas sa'i sandahihianamam saloma enis safi'i sapani.

Aposel 17:4

Ea' enis amam nematawa Judaisi sombale'efa Krais ea' saila Pol naloma Sailas sawis wambota Godi. Enis Grik sanda' lotuma Godi hiesi saloma anowa nematawa dembiwai hiawai esis wapoti' sawis wambota Godi saila amam biam.

Aposel 18:4

Nimeguf hiami esis Juda sapoma noma'wanai, Pol nafe' ipat esis Juda sa'i basef sapeinai ea' na'i nofela ukup asasimi ma sombale'efa Jisas, esis Juda saloma esis Grik wapoti'.

Aposel 18:8

Anona aman agilinai numafi lotu esis Judai Krispus. Anan naloma esis wambota ananisi hiesi sombale'efa Dembinai. Ea' esis Korin hiesi same' basef Pol nawalipasami sombale'efa Jisas sofa' baptais.

Aposel 19:10

Ea' nanda'am na'ama etin nape afagof biam. Esis amam nematawa hiesi sape etap hiagoma Esiai wambel hiagoma same' basef Dembinai, esis Juda saloma isima owa' Judaisi wapoti'.

Aposel 19:17

Ea' epes hiesi sape Efesusi, Juda saloma esis owa' Judaisi wapoti' same' basef amama ea' umbamahas kwapete'as. Ea' safela agel Dembinai Jisasi lu'una.

Aposel 19:8

Ea' Pol nafe' nawis ipat esis Juda sa'i basef sapeinai nawalapa basef bu'wami Godi. Anan nanda'am na'ama etin nape aomb wanemb. Ina umbamahana, owa'. Anan la'ifina na'ipas. Anan naloma esis sape sa'i basef etin, na'ipasa nefela ukup asasimi ma sogawa siowis nomon wambota Godi numafias la'ela'ef.

Aposel 2:47

La'ela'ef esis safela agel Godi lu'una, ea' opalef esis amam nematawa hiesi sape andi'i bo'oma esis Kristen nimeguf hiami. Ea' nimeguf la'ela'ef Dembinai nofa' enis amam nematawa sotanimani sape saloma epes hiesi isima sombale'efanai.

Aposel 20:21

Ae' a'i basef la'ifimi ma esis Juda saloma isima owa' Judaisi wapoti' ma sowa' alafugaha waf aonai somboma opalef sefe'ma God, sombale'efa dembinai ape'inai Jisas.

Aposel 21:28

Ea' soga sa'i mehip na'ama sa'i, “Ipe' epes Israelipei, pigiambamapa aman anama na'ipa epes hiesi wambel hiagoma nasambala epes hiesi Israela mi'uli anama Godi fowa' gani Moses nawalipasanai naloma ipat lu'unai Godi wapoti'. Ea' ina amama atom, owa'. Anan nao'wai enis epes owa' Judaisi safi'i sawisi nomon ipat anama sanda'ana aona.”

Aposel 9:20

Ea' dei' atef nafe' ifagw hiami esis Juda sa'i basef sapeimi nawalapa basef Jisasi na'i, “Jisas anan nogalomana Godi.”

Basef Amama Pol Nandaꞌam Mafeꞌma Esis Romi 1:16

Ae' ina umbamahe ambal aona ewalipasa basef bu'wami Godi, owa'. Ae' embale'efa basef amama bu'wami la'ifiwi endilisi. Dei' main, amama pepel Godi nofa' emi egafis seambale'efanai sotanimani. Esis Juda sembale'efana sali' ea' ipe' hipei owa' Judaipei pagi'.

Basef Amama Pol Nandaꞌam Mafeꞌma Esis Romi 10:12

Esis Juda saloma isima owa' Judaisi ea' na'ama etin, God Anan Dembinai atotona ape' hiapai. Ea' anan nagiambamapa nase'apa waf bu'unai etina emi egafis sofalona,

Galesia 2:3

Taitus anan alupunai ae'anai, amam mogawa anan aman Grikinai. Ea' amam ina matopa'mana alop si'i amam Juda manda'am, owa'. Ma'i aho'ma anan.

Galesia 3:28

Dei' ina enis epes sape dambesi ma enis epesa naep Godi, owa'. Esis Juda ina sape dambesa isima owa' Judaisi, emi egafis agof a'asi ina sape owina epes agufisi, amam ina mape dambema awau nematawa, owa'. Ipe' hipei pape la'ifipa paloma Jisas Krais pataga etifipa.

Kolosi 3:11

Ea' dei' Krais atona Dembinai nape nali'ma epes hiesi. Esis Grik saloma esis Juda saloma enis owa' Judaisi, esis anona diga, isima sape aolopi sololama waf bu'unai, agufisi, agof a'asi, waf sa'iana epes isima falafunai atona. Krais atona Dembinai nape nali'ma epes isima hiesi, nape nomona epes hiesi hi'alas.

2 Timoti 3:11

Ine' negawa waf aonai hianai esis sanda'meana ae' ma nimanimi amama efa'am wambel anama wenifina Antiok naloma Aikoniam naloma Listra. Ine' negawa amamaga nimanimi sanda'meam efa'ami. Ea' Dembinai natagahowe ma amamaga amama nimanimi hiami sanda'meami.