Aposel 13:8 - Basef Buꞌwami Godi

⁸ Ea' aman anama agel ananinai diga Griki sa'i Elimas, nanda' ambagofi nasambala basef amam biam ma'iami. Na'i nomboma okom gavman anama dembinai ma ina nambimb nembale'efa basef Godi.

Aposel 13:8 Iomraidhean Croise

Jon Nandaꞌafi 1:41

Andru nali' name' basef Jisasi atom, netambel nagolopa Saimon, ea' na'ipana na'i, “Afa' wati Mesaia ea'.” Ape' dei' mamboma agel anama Mesaia ma'i Krais, God nandandepana nasapa'ana nafi'i.

Aposel 13:12

Ea' gavman anama dembinai nati amamaga amama gegelalasona endilisi ma basef Dembinai ea' dei' nembale'efa Jisas.

Aposel 18:12

Anona nemaf anona aman agilinama Galio nataga nape gavman dembinai ma etap hiagoma esis Grik sapoma. Nogota anama esis Juda sa'i basef sandame'mam sombalo' Pol sofa'ana safe'ma kot sambaso'mana sa'i,

Aposel 19:38

I'i Demitrius noloma amam manda' maola anani mi'i monda' basefa epen emi, anona nemaf monda'ama kot. Amam jas mape. Amam Demitriusami mi'ipam.

Aposel 6:7

Ea' basef Godi mafe'agon hi'alogon. Amam nematawa hiesi sape Jerusalemi sataga alupusi Jisasi sataga hias endilisi. Ea' pris amama hiami wapoti' mombale'efa Jisas mailana.

Aposel 8:9

Ea' anona aman nape wambel anama agilinama Saimon. Aman anama fowa' nanda' ambagofi nape la'ela'ef nafi'i nataga dei' nemaf anama. Ea' nanda' ukup esis amam nematawa Samariaisi ukup matamea mafe'. Anan Saimon na'iam na'i, “Ae' aman dembiwei.”

Aposel 9:36

Anona wambel Jopa ano'w nemata'w kwaila Jisasi kwape, agel akwa'unai Tabita. Diga esis Griki sofala'w sa'i Dorkas, agel anona mafin sa'i dia. La'ela'ef akwa'w kwanda' waf bu'unai ma kwagiambama esis amam nematawa kwahusi ma gwa'aimi maim.

2 Timoti 3:8

Fowa' Janes naloma Jambris manda' naumbih maloma Moses, mowa' alafugahana. Na'ama etin dei' epes isima sanda' naumbiha basef endilisimi sowa' alafugaham. Ukup asasimi aom endilisi, ea' bale'ef asasinai sambaso'am etin. Esis ina sembale'efa God endilisi, owa'.