Aposel 13:6 - Basef Buꞌwami Godi

⁶ Amam mafe' mataga wambel hiagoma nape ailan anama Saiprusi, ea' mafe' mataga wambel Pafos nape di'inai. Ea' mati anona aman anan Judainai. Anan nanda' ambagof nanda' amamaga mamumami baso'maimi. Anan profet nambaso'ma esis hiesi, agilinama Barjisas.

Aposel 13:6 Iomraidhean Croise

Matyu Nandaꞌafi 16:17

Ea' Jisas nagwamana basef Pita na'i, “Saimon, ine' nogalomana Jonai, ine' nendanifel endilisi. Dei' main, ina anona aman etapanai nihi'ambena basef amae' na'iam, owa'. Ahalome atona nape heveni nihi'ambenam na'iam.

Matyu Nandaꞌafi 24:24

Dei' main, nemaf anama anom amam mombaso'am mi'i amam Krais o mi'i amam profet motaga monda' ikwaf la'ifinai naninani hianai si'i God atona nanda'anai. Endilisi i'i amam la'ifim, mombaso'ma amam nematawa God nasahe'as ea' mohambombagas. Owa'. Hapaisi.

Matyu Nandaꞌafi 7:15

Ipe' pindumafuma andeande'ma amam profet mambaso'mami ma'i mawalipasa basef Godi. Amam mafi'i mambaso'mepa manda' ufunufeni mataga patolom ande' atogon mape bo'om sa'umbilim si'i sipsip. Ea' ukup amamumi nomon aom endilisi ma ipe' ma'i mohambombagepa mohepa si'i nombagw wandafumi. Ea' ipe' ina peme'am, owa'.

Mak Nandaꞌafi 10:46

Ea' Jisas nao'wa alupumi ananimi mafe' mataga Jeriko. Ea' ma'i mokwaha Jeriko mefe' moloma amam nematawa hiesi, mataga eaf nawis wambel, ea' anona aman naep mase'anai Bartimeus, nogalomona Timeusi, tol nape felefele'ma eaf. Anan nape nandailasa gwa'aimi moni maim.

Aposel 13:13

Pol naloma amam malomanai makwaha wambel Pafos ea' mefa' nefa'am mafe' anona wambel Perga nape anona etap hiagoma Pamfilia. Ea' aman anama Jon nakwaha amam notanima nafe' Jerusalem.

Aposel 13:8

Ea' aman anama agel ananinai diga Griki sa'i Elimas, nanda' ambagofi nasambala basef amam biam ma'iami. Na'i nomboma okom gavman anama dembinai ma ina nambimb nembale'efa basef Godi.

2 Korin 11:13

Amam amama aposel mambaso'ami manda' maol baso'omunai. Amam mondola'wifa etina amam aposel Kraisi, ea' mambaso'ami.

2 Timoti 3:8

Fowa' Janes naloma Jambris manda' naumbih maloma Moses, mowa' alafugahana. Na'ama etin dei' epes isima sanda' naumbiha basef endilisimi sowa' alafugaham. Ukup asasimi aom endilisi, ea' bale'ef asasinai sambaso'am etin. Esis ina sembale'efa God endilisi, owa'.

1 Jon 4:1

Alupipei ae'ipei, amam profet mambaso'mami mafe'agon anama etap hiagoma. Ipe' ina pembale'efa epes isima hiesi sa'i, “Ae' Ambal Bu'unai Godi napaiwei.” Owa'. Ipe' ata' pegwaloga ambagof amama hiami pendendomam ama pegawa amam mataga mafi'i Ambal Bu'unai Godi o owa'?

Revelesen 19:20

Aman anama natoma hos afitinai nikila' mafin anama nape aolupi naloma profet anama nawalapa basef baso'maimi nikila'am nanda'am manda' kalabus. Profet anama fowa' nanda' pepel si'i God atona nanda'anai ma naep mafin anama nape aolupi. Waf anama atona nambaso'ma epes sofa' ikwafa mafin anama nape aolupi ea' sanda' lotuma ambal atona ananinai. Mafin anama naloma profet anama nambaso'ami amam biam ata' mape ambagof namumi sokwahom mafe' nif lu'wami fandom otam batafumi agel salfa hul lu'unai nowala owa' notambili.