Aposel 13:52 - Basef Buꞌwami Godi

⁵² Esis alupusi sombale'efa Jisasi sandanifel endilisi ea' pepel Ambal Bu'unai Godi nape si'ina esis.

Aposel 13:52 Iomraidhean Croise

Matyu Nandaꞌafi 5:12

Opalef ipe'imi mope awanem pepe pendanifel. Dei' main? Amamaga hiami bu'wami ipe'imi ma'oh heven ilif. Esis isima sanda' waf aonai ma ipe' na'ama etin si'i fowa' gani sanda' waf aonai ma profet amama mape fowa'imi.

Aposel 11:29

Ea' esis amam nematawa saila Jisas Kraisi sa'i basef sandame'mama sefa' anom otamba mefe'ma esis alupusi sahin owan sape Judai ma sigiambas. Esis Kristen atona etin ukup ma'i otamba ma'omasi sawalom sase'asa tu'wanim hiami mafe'ma esis sape Judiai. Enis otamba hiami sase'asa hiami ea' enis otamba kwawie'im sase'asa kwawie'im. Hiesi sanda'am na'ama etin.

Aposel 2:4

Ea' Ambal Bu'unai Godi nape si'inama esis atona etin hi'alas, sa'i basef Godi ma diga naninani wambel hiagoma. Ambal Bu'unai Godi anama nanda'am mataga malogof asasimi.

Aposel 2:46

Ea' esis hiesi nimeguf la'ela'ef safe' ipat lu'unai Godi sanda' lotuwanai. Ea' safe' sa' gwa'aimi ifagw asasimi atona etin. Esis sandanifel ukup bo'om sose'as gwa'aimi ma sigiambama enis epes ea' sandanifel sa' gwa'aimi etifigin.

Aposel 4:31

Esis sanda' betena ea', same' ipat anama sapeinai nandakoto'. Ea' Ambal Bu'unai Godi si'inama esis hiesi sataga la'ifis ea' sawalapa basef Godi. Esis ina umbamahasa amam agufumi Judai, owa'.

Aposel 5:41

Ea' amam aposel makwaha amam dambami Juda mumafi koti ea' mafe' mawis ande'. Manifela God na'i aho'ma mofa' nimanimi ma agel Jisasi.

Basef Amama Pol Nandaꞌam Mafeꞌma Esis Romi 14:17

Waf anama sa' gwa'aimi embelanai, anama ina ofagena ma siowis wambota Godi numafias, owa'etin. Anama waf bu'unai naloma opalef awanemi maloma waf sandanifelamanai atona. Ambal Bu'unai Godi nase'apai waf anama.

Basef Amama Pol Nandaꞌam Mafeꞌma Esis Romi 15:13

Ape' mogawa endilisi God nagiambamapa ma mope andeande'. God anan ofagonama amama. Dei' ae' a'i ipe' pembale'efana nonda' danifel lu'unai noloma opalef awanemi motaga si'ima ipe'. Ea' a'i pepel Ambal Bu'unai Ananinai nonda'epa pegawa endilisi God nigiambamepa ea' piti pepel Ananinai.

Basef Amama Pol Nandaꞌam Mafeꞌma Esis Romi 5:3

Ape' ina mandanifela amama atom, owa'. Ape' mandanifela nimanimi meatagamapa wapoti'. Dei' main, ape' mogawa mofa'ama monda'apa la'ifipa.

2 Korin 8:2

Nimanimi lu'wami matagama esis ea' amama magwamba opalef asasimi endilisi. Ea' nogota anama esis sape amamaga a'as endilisi. Ea' esis sofa' danifel lu'unai nalomam. Ea' esis ukup ma'i enis Kristen kwahusi, satama otamba maim hiami ma sigiambamas.

Galesia 5:22

Ea' Ambal Bu'unai Godi nawalapai waf bu'unai na'ama. Waf ukup maimaila enis epes, danifel, opalef awanemi, waf nape natilisa sonda'mena waf aonai, waf sati uwahipisanai, waf ukup bo'oma enis epes nigiambamas, nanda' amamaga andeande' ma naep epesi God wapoti',

1 Tesalonaika 1:6

Amama atom dei' pegawam paila Dembinai. Amamaga nimanimi matagamepa, ea' pefa' basef Godi, Ambal Bu'unai Godi nafela opalef ipe'imi pandanifel.

Jems 1:2

Ipe' sahin owan ae'ipei, maim nimeguf amamaga meagwambipei motagamepa, ukup ipe'imi mi'i andeande' pendanifel etin pepan.

1 Pita 4:13

Ea' ipe' pendanifel pefa' nimanimi amama. Ama anona nemaf agel lu'unai ananinai noloma nafifili ananinai notaga, nemaf anama ipe' pendanifel endilisi.