Aposel 13:51 - Basef Buꞌwami Godi

⁵¹ Ea' amam mandila'ma sopof mail bo'wagah amamumi ma mola ikwafa waf aonai napoma esis. Ea' mohafel mafe' Aikoniam.

Aposel 13:51 Iomraidhean Croise

Matyu Nandaꞌafi 10:14

I'i enin epen nendaiwa'ma nease'epa opafa nefa'epa pefe' piowis ipat ananinai ma nindaiwa' ma neame' basef ipe'imi, pehafel pekwaha ipat anama o taun anama ea' pindilamam nombol sopof mail bo'wagah ipe'imi, ma sitilipa sogawa waf aonai asasinai ofagena asasinai atona.

Mak Nandaꞌafi 6:11

I'i anona wambel owa' sofa'epa pefe' ifagw asasimi some' basef ipe'imi, ipe' penda'am na'ama. Pekwaha wambel anama pindilama nombol mail bo'wagah ipe'imi ma sitilipa sogawa waf aonai ofagena asasinai atona.”

Luk Nandaꞌafi 10:11

‘Etap ma taun anama ipe'inai maila bo'wagah afa'imi, ea' afa' upati'am motanima mefe'mago ipe'. Ama ipe' ukup mondanda' pegawa basef amama andeande'. Nemaf nataga felefele'ma epes siowis wambota Godi. Ea' ipe' pandaiwa'.’

Luk Nandaꞌafi 9:5

I'i esis owa' sofa'epa pefe' ifagw asasimi, ipe' pekwaha wambel anama pindila'ma usas etap mail bo'wagah ipe'imi ma esis sitilipa sogawa waf aonai esis sanda'anai ofagena asasinai atona.”

Aposel 14:1

Ea' Pol naloma Barnabas mafe' mataga Aikoniam mafe' mawis ipat esis Juda sa'i basef sapeinai mawalapa basef si'i mali' manda'am. Amam mawalapa basef bu'wami ea' esis Juda hiesi saloma enis epes owa' Judaisi sombale'efa God.

Aposel 14:19

Anom Juda mape Antiok naloma Aikoniam mafi'i Listra mafela ukup asasimi amam nematawa. Ea' dei' esis sakwaha otamba saha Pol sa'i endilisi anan afuna ea' sahonde'ana nawisi na'oh ande' taun anama.

Aposel 14:21

Pol naloma Barnabas mawalapa basef bu'wami Godi taun anama ea' mafela ukup esis amam nematawa hiesi sataga alupusi Jisasi. Anom nimeguf mafe'ma ea', motanima mafe' wambel anama Listra naloma Aikoniam naloma Antiok.

Aposel 16:2

Esis Kristen sahin owan Listra naloma Aikoniam sa'i waf Timoti nanda'anai bu'unai.

Aposel 18:6

Ea' esis Juda sosambala basef ananimi sanda' anan findiwana. Ea' nanda'masa anona ikwaf nihi'ambasa waf aonai esis sanda'anai. Nandilama sopof usas mail luwaguf ananimi ma'oma esis na'ipasa basef la'ifimi na'i, “I'i ipe' hegililipa, ofagema ipe'imi atom. Ae' basef a'e ma amama. Dei' ae' efe'ma iwalipa amam nematawa isima owa' Judaisi.”

2 Timoti 3:11

Ine' negawa waf aonai hianai esis sanda'meana ae' ma nimanimi amama efa'am wambel anama wenifina Antiok naloma Aikoniam naloma Listra. Ine' negawa amamaga nimanimi sanda'meam efa'ami. Ea' Dembinai natagahowe ma amamaga amama nimanimi hiami sanda'meami.