Aposel 13:5 - Basef Buꞌwami Godi

⁵ Ea' mataga Salamis, mawis nomon ipat esis Juda sa'i basef sapeinai ma'ipasa basef bu'wami Godi, Jon Mak wapoti' nape nalomam nagiambamam.

Aposel 13:5 Iomraidhean Croise

Matyu Nandaꞌafi 20:26

Ea' waf anama ina nepoma ipe', hapainai. Emi aman nope dembinai ma ipe', anan ata' nili' nope si'i nanda' maol etina ipe' hipei.

Aposel 12:12

Anan negawa amama ea', nafe' ipat Mariai, Jon Mak mama'wana nati esis Kristen sandakolas etifigin sape ipat anama atona sape sanda' beten.

Aposel 12:25

Barnabas naloma Sol manda' maol God nase'amanai hi'alana Jerusalem ea' motanima mafe' Antiok mao'wa Jon Mak nafe' nalomam.

Aposel 13:14

Ea' makwaha wambel anama Perga mafe' mataga anona wambel Antiok nape etap hiagoma Pisidia. Anom nimeguf mafe'ma ea', nemaf anama Sabat esis Juda sapoma noma'wanai amam mafe' mawis ipat Juda sa'i basef sapeinai ea' matoma balata.

Aposel 13:46

Ea' Pol naloma Barnabas ina umbamaham, owa'. Amam la'ifim ma'ipasam alihim ma'i, “Endilisi, afa' ata' wi'ipipa basef Godi ipe' Juda pili'. Ea' ipe' pewa' alafugaha basef amama. Amama ipe' pa'iam pa'i, ‘Ape' mandaiwa'ma mofa' ambal namunai ma mope andeande' la'ela'ef.’ Ipe' pa'i na'ama dei' ipe' peme'. Afa' dei' okwaha ipe' ofe' ugi'ma epes owa' Judaisi wi'ipasa basef amama.

Aposel 14:1

Ea' Pol naloma Barnabas mafe' mataga Aikoniam mafe' mawis ipat esis Juda sa'i basef sapeinai mawalapa basef si'i mali' manda'am. Amam mawalapa basef bu'wami ea' esis Juda hiesi saloma enis epes owa' Judaisi sombale'efa God.

Aposel 15:37

Ea' Barnabas na'i no'wa Jon agel wa'ana Mak nofe' nolomam. Ea' Pol nandaiwa'ma anan nofe' nolomam. Dei' main, aman anama fowa' nakwaha amam gani Pamfilia notanima nafe'. Ina nalomam etin mafe' mambefa maolan, owa'.

Aposel 17:17

Ea' nimeguf hiami anan nafe' ipat esis Juda sa'i basef sapeinai na'i basef hiami naloma esis Juda saloma enis isima sanda' lotuma Godi. Nalomas sa'i basef sandahihianamam nahagofa ukup asasimi. Ea' nimeguf hiami nafe' anama esis sandatama etifigin sapoma na'i basef hiami nalomas sa'i sandahihianamam saloma enis safi'i sapani.

Aposel 18:4

Nimeguf hiami esis Juda sapoma noma'wanai, Pol nafe' ipat esis Juda sa'i basef sapeinai ea' na'i nofela ukup asasimi ma sombale'efa Jisas, esis Juda saloma esis Grik wapoti'.

Aposel 19:22

Ea' nasapa' amam biam magiambamanai Timoti naloma Erastus mafe' etap hiagoma Masedonia. Ea' Pol ata' nape etap hiagoma Esia anom nimeguf wapoti'.

Aposel 19:29

Ea' epes hiesi sape taun anama sanda'am sa'i mehip endilisi. Ea' sohafel safe' anama sondowa'anima sa'i basefa. Sahondo' Gaius naloma Aristarkus Masedoniaimi mafi'i maloma Poli mafe' maloma esis.

Aposel 19:8

Ea' Pol nafe' nawis ipat esis Juda sa'i basef sapeinai nawalapa basef bu'wami Godi. Anan nanda'am na'ama etin nape aomb wanemb. Ina umbamahana, owa'. Anan la'ifina na'ipas. Anan naloma esis sape sa'i basef etin, na'ipasa nefela ukup asasimi ma sogawa siowis nomon wambota Godi numafias la'ela'ef.

Aposel 9:20

Ea' dei' atef nafe' ifagw hiami esis Juda sa'i basef sapeimi nawalapa basef Jisasi na'i, “Jisas anan nogalomana Godi.”

Kolosi 4:10

Aristarkus anan nanda' kalabus nalome, anan wapoti' na'iago nemaf bu'unai ma ipe'. Ea' Mak wapoti', Barnabas taganamana nanda'mepago nemaf bu'unai ma ipe' wapoti'. I'i netagama ipe', pe'wanago si'i ae' a'ipipago.

2 Timoti 4:11

Dei' Luk atona nape nalome. Ine' ne'wa Mak nolomena nifi'i nehaponameana. Dei' main, andeande'ma anan nigiambame ma maol Godi.