Aposel 13:48 - Basef Buꞌwami Godi

⁴⁸ Ea' enis epes owa' Judaisi same' basef amama sandanifel endilisi. Esis sandanifela basef Dembinai safela agel Ananinai. Ea' amam nematawa isima God nosahe'asi ma sope namisi la'ela'ef, isima sombale'efa Jisas.

Aposel 13:48 Iomraidhean Croise

Matyu Nandaꞌafi 25:46

Ea' epes isima anona nemaf sefe' sofa' amamaga awami mape la'ela'ef hihif. Ea' epes isima bu'wasi anona nemaf owagama sofa' ambal namunai sefe' sope anama sope andeande' la'ela'ef hihif.”

Matyu Nandaꞌafi 28:16

Ea' amam alupumi 11-peleim mafe' Galili mataga halaf anama Jisas nali' na'ipam meafe'ma.

Jon Nandaꞌafi 10:16

Ae' anom sipsip maitu anagon. Amam ina maitu nomon endalelemb amama, owa'. Amam maitu endalelemb anagon. Ae' okom na'iam endilisi anona nemaf efa'am mifi'i mome' maf ae'anai ekolasom mitu endalelemb etifigin ea' ae' atowe imafiam.

Jon Nandaꞌafi 11:52

Kaiafas na'i Jisas ina noga' nigiambama esis Juda etis, owa'. Anan noga' ma nigiambama epes Godi hiesi sape safe' etap hiagomai hi'ilas nefa'as sotanimani, ea' nonda'as sotaga epes hiesi wambota Godi atotona.

Aposel 13:12

Ea' gavman anama dembinai nati amamaga amama gegelalasona endilisi ma basef Dembinai ea' dei' nembale'efa Jisas.

Aposel 13:42

Ea' Pol naloma Barnabas ma'i muwis mofe' ea' esis amam nematawa sa'iam na'ama sa'i, “Nemaf anama Sabat nigi'i ape' ma'i ipe' bipa pitanima pifi'i pi'ipapa basef amama wapoti'.”

Aposel 15:2

Amam ma'iam na'ama, manda' ukup Poli Barnabasi wandafum endilisi ma'i basef la'ifimi mandahihianamam maloma amam Judaimi. Ea' esis Kristen sandandepa Pol naloma Barnabas maloma anom amam mombale'efa Kraisi wapoti' mondowasa' Jerusalem ma'i basef amama monandonam maloma amam aposel maloma agufumi siosi.

Aposel 15:31

Ea' esis satolom sandanifel ama basef amama bu'wami manda'as sataga la'ifisa bale'ef.

Aposel 2:41

Ea' epes emi egafis sofa' basef Pitai sombale'efam, esis sofa' baptais. Nemaf anama God nowa'ani epes hiesi wambota ananinai sataga hias 3,000-peleis sataga Kristen, ea' sape saloma esis isima amam nematawa sombale'efanai.

Aposel 2:47

La'ela'ef esis safela agel Godi lu'una, ea' opalef esis amam nematawa hiesi sape andi'i bo'oma esis Kristen nimeguf hiami. Ea' nimeguf la'ela'ef Dembinai nofa' enis amam nematawa sotanimani sape saloma epes hiesi isima sombale'efanai.

Aposel 20:13

Afa' wali' wafe' walata sip ea' wafe' wataga Asos. Afa' wa'i ogolopa Pol Asos ofa'ana ofe' sip. Dei' main, do'ok Pol nali' na'ipafa basef na'i nili' nefe' etap notaga Asos.

Aposel 22:10

Ea' ae' a'i, ‘Dembinai, dei' ae' atuwasi enda' main?’ Ea' Dembinai na'ipi na'i, ‘Ine' hafel nefe' niwis Damaskus ama atuwasi anona aman nofo'o ni'ipina maol hianai Godi na'i ine' neanda'menanai.’

Aposel 28:23

Ea' amam mandandepa anona nemafa amam hiami mafi'i ipat Poli. Ea' mafi'i kuhimbita mape mape mataga wambomota, anan na'i basef ofagema nawalipam. Ea' nawalapa basef alihima epes siowis wambota Godi numafias. Anan nawalapa anom basefa mi'uli fowa' gani God naso' Mosesanai maloma basef Godi amam profet fowa' ma'iami. Ama basef amama anan na'ipama basef la'ifimi nafela ukup amamumi ma mombale'efa Jisas.

Aposel 8:8

Ea' dei' esis wambel anama sofa' danifel lu'unai.

Basef Amama Pol Nandaꞌam Mafeꞌma Esis Romi 11:7

Dei' ape' ata' mi'iam mi'imama? Waf anama God nati epes na'i bo'wes andeande', anama esis Israel sanda' maol lu'unai ma sa'i sofa'anai, ina sofa'ana, owa'. Fowa' God nandandepa esis tu'wanis etis ea' amama atom sofa'ana. Na'ama esis Israel hiesi opalef asasimi maso'as ea',

Basef Amama Pol Nandaꞌam Mafeꞌma Esis Romi 13:1

Epes hiesi sope owina amam gavman. Ape' mogawa ina anona gavman nataga na'a, owa'. Maol hianai gavmani nataga lagel Godi atona. Ea' gavman amama hiami mapani, God atona nanda'am mape.

Basef Amama Pol Nandaꞌam Mafeꞌma Esis Romi 8:28

Maim amamaga ma'i meatagamapai, bu'wami awami hiami, God nanda'am manda' maol atom migiambama ape' epes ukup maimaila anani. Ape' epes nofalapa ea' ma monda' maol Ananinai mila okom Ananinai.

1 Korin 16:15

Ipe' pegawa wambota Stefanasi sali' sataga Kristen sali'ma esis Grik hiesi. Ea' esis ukup ma'ima'i endilisi la'ela'efa sanda' maol sagiambama epes Godi. Alupipei, ae' a'ipipa basef la'ifimi

Efesus 1:11

God nanda' amamaga amama hi'alam naila fowa' damba damba Anan okom na'iam. Ea' nosahe'apa mape la'ifipa maloma Jisas Krais. Dei' main, Anan naila okom ananinai si'i fowa' damba damba okom na'iam.

Efesus 1:19

Anda' beten ahali'ana ma ipe' pegawa pepel ananinai la'ela'ef nanda' maola opalef nomon ape' epes mombale'efanai. Amama lu'um endilisi. Amama na'ama etin si'i pepel ananinai lu'unai

Efesus 1:4

Dei' main, fowa' God ina dei' nanda' etap anae', ata' owa', nemaf anama nosahe'apa ea' mape la'ifipa maloma Jisas Krais. Mape amam nematawa Godi ma waf aonai ofagema a'apa.

Efesus 1:5

Anan okom nainailapa endilisi. Amama atom Anan nali' okom na'i nosahe'apa nofa'apa numafiapa mataga si'i awasi ananipai. Anan naila okom Ananinai atona nanda'ama lagel Jisas Kraisi atona.

2 Tesalonaika 3:1

Ipe' Kristen alupipei, afa' wa'i ata' wi'ipipago anom basef wapoti'. Ipe' penda' betena Goda nigiambamafa ma basef Dembinai mefe' mehip anama hiagoma mofa' agel lu'unai si'i fowa' manda'am la'afena ipe'