Aposel 13:46 - Basef Buꞌwami Godi

⁴⁶ Ea' Pol naloma Barnabas ina umbamaham, owa'. Amam la'ifim ma'ipasam alihim ma'i, “Endilisi, afa' ata' wi'ipipa basef Godi ipe' Juda pili'. Ea' ipe' pewa' alafugaha basef amama. Amama ipe' pa'iam pa'i, ‘Ape' mandaiwa'ma mofa' ambal namunai ma mope andeande' la'ela'ef.’ Ipe' pa'i na'ama dei' ipe' peme'. Afa' dei' okwaha ipe' ofe' ugi'ma epes owa' Judaisi wi'ipasa basef amama.

Aposel 13:46 Iomraidhean Croise

Matyu Nandaꞌafi 10:6

Ipe' pefe' ma esis epes hiesi Israel etisi sape si'i sipsip higilalam.

Matyu Nandaꞌafi 21:41

Ea' amam pris dembemi maloma amam agufumi Judai magwamana ma'ipana ma'i, “Namanani anan nonda'mam waf aonai endilisi ma amam amama manda' waf aonai noham moga'. Ea' nose'asa aof anama nefe'ma enis epes sumafiana ama nogota gwa'aimi mieilana esis sose'ana anom gwa'aimi anan.”

Matyu Nandaꞌafi 21:43

Ea' ae' dei' a'ipipa. God nambimb nelefata basefa waf bu'unai ma ipe' piowis kingdom Ananinai ea' nose'asam enis epes nambimb sombale'efana sonda' waf bu'unai. [

Matyu Nandaꞌafi 25:46

Ea' epes isima anona nemaf sefe' sofa' amamaga awami mape la'ela'ef hihif. Ea' epes isima bu'wasi anona nemaf owagama sofa' ambal namunai sefe' sope anama sope andeande' la'ela'ef hihif.”

Luk Nandaꞌafi 24:47

Ama agel ananinai anona nemaf alupusi ananisi sili' sowalapa basef Jerusalem ea' si'ipasam amam nematawa hiesi hi'ilas sape wambel hiagomai ma seamboma opalefa God nokwahomasa waf aonai esis sanda'anai.

Jon Nandaꞌafi 1:11

Anan nafi'i nataga ofagama etap hiagoma esis Juda, ea' epes hiesi Ananisi ina sogawana sa'i sofa'ana sembale'efana, owa'etin.

Jon Nandaꞌafi 4:22

Ipe' panda' lotuma amamaga ipe' owa' peagawami. Ea' ape' Juda manda' lotuma amamaga ape' mogawami. Basef ofagema ma ape' manda' lotu amama. God nofa' amam nematawa setanimani, amama matagama ape' Juda atepa.

Aposel 13:14

Ea' makwaha wambel anama Perga mafe' mataga anona wambel Antiok nape etap hiagoma Pisidia. Anom nimeguf mafe'ma ea', nemaf anama Sabat esis Juda sapoma noma'wanai amam mafe' mawis ipat Juda sa'i basef sapeinai ea' matoma balata.

Aposel 13:26

Ipe' sahin owan, ipe' epes hiesi pataga wambota Abrahami, enipa owa' Judaipei panda' lotuma Godi, peme'. Dei' basef amama God nasapa'am mafi'mai ape' hiapai. Basef amama ma anan nambimb nofa'apa mokwaha waf aonai motanimani.

Aposel 13:5

Ea' mataga Salamis, mawis nomon ipat esis Juda sa'i basef sapeinai ma'ipasa basef bu'wami Godi, Jon Mak wapoti' nape nalomam nagiambamam.

Aposel 19:9

Ea' enis sasopama opalef la'ifis endilisi, ina sombale'efa Jisas, owa'. Esis sa'i basef awami ma eaf Dembinai ma naep esis amam nematawai. Ea' dei' Pol nakwaha esis hiesi nao'wa esis Kristen etis safe' salomana. Ea' Pol nawalapa basef nimeguf hiami la'ela'ef ipat anama Tiranusi, anama sawalipasa basefa.

Aposel 22:21

Dembinai na'ipi na'i, ‘Ine' fo'o. Nambimb ae' esapa'ena nefe' eaf laogoma ma enis amam nematawa hiesi owa' Judaisi sogawa ae'i.’ ”

Aposel 26:20

Ae' ali' awalapa basefa esis amam nematawa sape Damaskusi ea' awalapama epes sape Jerusalemi ea' awalapama esis sape etap hiagoma Judia ea' afe' awalapama isima sololama Godi wapoti'. Ae' awalapa basefa penda' maol peloma waf bu'unai nendahama epes somboma opalef sefe'ma God.

Aposel 28:28

Ea' Pol na'ipam basef akutaimi na'i, “Dei' ae' a'i ipe' pegawa basefa God nofa'apa nokwahomapa waf aonai motanima mufi'mai anan. Amama anan nasapa'am mafe'ma esis amam nematawa sololama Godi. Esis isima nambimb sila basef amama, ea' ipe' owa'.”

Aposel 3:26

Ea' God nandandepa aman anama nanda' maol ananinai, nasapa'ana nali' nafi'mai ipe' ma nonda'epa petaga la'ifipa ma pemboma opalef atona etin pekwaha waf aonai ipe' panda'anai.”

Aposel 4:13

Amam agufumi mati Pita naloma Jon maitu la'ifim ma'i basef amama. Ea' agufumi mogawa amam biam ina manda' skul, owa'. Amam lelaimi atom. Ea' amam agufumi ukup mohafel kwapete'am ukup matamea ma amam. Ea' mogawa amam biam ma'i fowa' mape maloma Jisas.

Aposel 7:51

Ipe' epes pesambala basefi. Ipe' owa' pegawa basef Godi si'i enis epes owa' sogawa Godi. Ipe' pandaiwa' ma peme' basef Godi ma opalef aligah ipe'imi. La'ela'ef ipe' pesambala Ambal Bu'unai Godi. Ipe' panda'am na'ama etin si'i fowa' gani bafasepa ehasepa ipe'isi sanda'am.

Aposel 9:20

Ea' dei' atef nafe' ifagw hiami esis Juda sa'i basef sapeimi nawalapa basef Jisasi na'i, “Jisas anan nogalomana Godi.”

Basef Amama Pol Nandaꞌam Mafeꞌma Esis Romi 1:16

Ae' ina umbamahe ambal aona ewalipasa basef bu'wami Godi, owa'. Ae' embale'efa basef amama bu'wami la'ifiwi endilisi. Dei' main, amama pepel Godi nofa' emi egafis seambale'efanai sotanimani. Esis Juda sembale'efana sali' ea' ipe' hipei owa' Judaipei pagi'.

Basef Amama Pol Nandaꞌam Mafeꞌma Esis Romi 2:10

Ea' God anona nemaf nose'asa pe bu'unai ma nafifili noloma agof lu'wami moloma opalef awanemi epes isima hiesi sanda' waf bu'unai. Esis Juda sili' ea' isima owa' Judaisi sigi'.

Filipai 1:14

Esis sahin owan hiesi ukup mapoma ae' anda' kalabus. Ea' opalef asasimi la'ifim sape la'ifisa Dembinai, sakwaha umbamahas dei' saitu la'ifis la'ela'ef sikila' fowa' sape sawalapa basef Godi.

Hibrui 11:34

Ea' mahefa nif lu'wami fandumi. Amam mafa' mafe'ma mindihi'ama bainah ea' ina mapisilam, owa'. Amam ina mape la'ifim, ea' nambimb mofa' pepel Godi. Ea' mataga la'ifim endilisi ma wandaf mahagofa amam soldia hiami epes esis anona wambota.