Aposel 13:43 - Basef Buꞌwami Godi

⁴³ Ea' esis sakwaha ipat esis Juda sa'i basef sapeinai sawisi ande' ea' esis Juda hiesi saloma enis epes hiesi sagi'mam. Esis isima saila waf esis Juda sanda' lotuwanai. Ea' amam biam mase'asa basef esis hiesi ma sape la'ifis sembale'efa God nanda' waf bu'unai ma ape' nagiambamapa etin.

Aposel 13:43 Iomraidhean Croise

Matyu Nandaꞌafi 23:15

Ipe' amam pawalipasa mi'uli Godi paloma Farisi, ae' ati uwahipipa ma nimanimi lu'wami anona nemaf meatagamipei. Ipe' malogof biamipei! Ipe' pafe' hi'agoma naoh etap wambel hiagoma, pifa'ai anona epena notaga alupunai ipe'inai nila basef ipe'imi. Anan ea' nataga alupunai ipe'inai, ea' ipe' panda' anan aona endilisi nikila' ipe' na'ama. Ipe' aopei ma peafe' wambel aonai hel nif fandumi mapoma. Ea' ipe' panda' epen anama nikila' ipe' nenda' waf aonai endilisi nandahama nefe' wambel aonai hel.

Aposel 11:23

Anan nafe' nataga nati God nanda' esis bo'wesa waf bu'unai numafias nandanifamas. Nafela ukup esis amam nematawa hiesi ma sope la'ifis sila Dembinai.

Aposel 13:50

Na'ama esis Juda safela anowa nematawa agufuwai wanda' lotuma Godi waloma anom agufumi mape taun anama lu'wagoma saha Poli naloma Barnabas sanda'am kwapete'am. Ea' sagalo'mam wambel asasinai.

Aposel 14:22

Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”

Aposel 14:3

Amam biam mapani nogota launai Aikoniam ea' mawalapa basef Dembinai la'ifim alihim. Amam ina umbamaham, owa'. Ma'ipasa basefa Dembinai nandahomas endilisi nagiambamas. Ea' Dembinai nanda' amam biam mataga la'ifim manda' ikwaf la'ifinai naninani hianai. Ea' dei' esis sogawa basef amama endilisimi atom.

Aposel 16:14

Ano'w nemata'w agili'wa Lidia kwanda' lotuma God kwape kwalomawa. Dembinai namboma okom akwa'inai kwame' basef amama Pol na'ipakwami. Akwa'w Taiatairai'wi, kwanda' maol kwanda' bisnisa luwaguf akwahimi.

Aposel 17:17

Ea' nimeguf hiami anan nafe' ipat esis Juda sa'i basef sapeinai na'i basef hiami naloma esis Juda saloma enis isima sanda' lotuma Godi. Nalomas sa'i basef sandahihianamam nahagofa ukup asasimi. Ea' nimeguf hiami nafe' anama esis sandatama etifigin sapoma na'i basef hiami nalomas sa'i sandahihianamam saloma enis safi'i sapani.

Aposel 17:34

Ea' enis epes kwaie'wis sombale'efa Jisas saila Pol safe'. Epes isima Dionisius, anan nagawa gawai ma amam mandatama etifigin Areopagus naloma ano'w nemata'w agili'wa Damaris saloma enis epes wapoti'.

Aposel 17:4

Ea' enis amam nematawa Judaisi sombale'efa Krais ea' saila Pol naloma Sailas sawis wambota Godi. Enis Grik sanda' lotuma Godi hiesi saloma anowa nematawa dembiwai hiawai esis wapoti' sawis wambota Godi saila amam biam.

Aposel 18:7

Ea' Pol nakwaha ipat esis Juda sa'i basef sapeinai nawisi ande' nafe' anona ipat notawa felefele'ma ipat anama ea' nape la'ela'ef. Ipat anama anona amani, agel ananinai Titius Jastus. Aman anama nogawa God nanda' lotumanai.

Aposel 28:23

Ea' amam mandandepa anona nemafa amam hiami mafi'i ipat Poli. Ea' mafi'i kuhimbita mape mape mataga wambomota, anan na'i basef ofagema nawalipam. Ea' nawalapa basef alihima epes siowis wambota Godi numafias. Anan nawalapa anom basefa mi'uli fowa' gani God naso' Mosesanai maloma basef Godi amam profet fowa' ma'iami. Ama basef amama anan na'ipama basef la'ifimi nafela ukup amamumi ma mombale'efa Jisas.

Aposel 6:5

Amam nematawa hiesi ukup ma'i basef amama. Ea' sandandepa Stiven, anan nembale'efa Jisasi ma Ambal Bu'unai Godi napaina nape si'inamana. Ea' sandandepa Filip naloma Prokorus maloma Nikanor naloma Timon naloma Parmenas naloma Nikolas. Aman anama Nikolas Antiokinai, fowa' nafi'i naila waf esis Judai.

Basef Amama Pol Nandaꞌam Mafeꞌma Esis Romi 11:6

Anan nati uwahipis nagiambamas etin nandandepas. Anan ina okom na'i anona maol bu'unai esis sanda'anai nandandepas, owa'etin. I'i esis sonda' maol bu'unai ma God nosahe'as, anan ina nati uwahipis nagiambamas etin nandandepas, owa'. I'i na'amai, waf anama nati uwahipisanai anama falafunai atona, owa' endilisinai.

Basef Amama Pol Nandaꞌam Mafeꞌma Esis Romi 3:24

Ea' God nati ape' uwahipipa nandahomapa. Ape' mombale'efa Krais Jisas ea' God na'i ape' epes bu'upai. Ape' ina mase'ana anom amamaga matalona, owa'. Anan nagiambamapa ma Krais Jisas ea' natagahepa natalapa ma mape wafifipa.

Basef Amama Pol Nandaꞌam Mafeꞌma Esis Romi 5:2

Anan atona eafa ape' mombale'efana mope nomona okom Godi nainaila ape' endilisi nandahomapa nefa'apai dei' mape andeande'. Ape' mogawa endilisi mape mohafa anona nemaf God nofa'apa mope molomana miti nafifili Ananinai. Bale'ef anama nanda'apa mandanifel ma amama.

Basef Amama Pol Nandaꞌam Mafeꞌma Esis Romi 5:21

Fowa' waf aonai nataga lu'una ma ape' hiapai dei' maga'. Ea' dei' waf God nandahomapa anai nikila' waf anama aonai. Anan nandahomapa ea' nofalapa amam nematawa bu'upai ma mofa' ambal namunai nape la'ela'ef ma Dembinai ape'inai Jisas Krais.

2 Korin 5:11

Afa' umbamahafa ma Dembinai. Amama atom dei' wanda' maola wafela nomonas epesi ma sembale'efana. Naep Godi afa' wape alihifa ea'. Ae' okom na'i na'ama a'i waf afa'inai nandawalap alihina basef mape opalef ipe'imi nomon ma'iami.

2 Korin 6:1

Afa' wanda' maol Godi wandao'oma walomana. Dei' wa'ipipa basef la'ifimi na'ama wa'i, “God nagiambamepa na'a. Na'ama ipe' ukup mose'epa waf anama nagiambamepa na'a, owa'.”

Galesia 5:1

Krais atona natagahepa mape wafifipa. Amama atom dei' ipe' pitu la'ifipa. Ina ata' pi'i aho'ma enis epes si'ipipa pitanima pepe pila mi'uli anama esis Juda sailanai wapoti', owa'.

Galesia 5:4

I'i ipe' pa'i pila mi'uli anama ma nambimb God ni'i ipe' epes bu'upei, ipe' pakwaha Krais pefalana bounai, ea' pelolama waf God nagiambamapa na'a pakwahona.

Efesus 2:8

Dei' main, God nagiambamepa na'a, amama atom dei' nofa'epa pitanimani pembale'efa Krais. Amamaga amama ina ipe' etipa panda'am, owa'etin. God atona nase'epam na'a.

Filipai 3:16

Ape' mope na'ama. Waf bu'unai mefa'ana ea', anama mombalo'ana la'ifipa.

Filipai 4:1

Dei' ipe' alupipei ae'ipei, ae' okom nainailipa a'i itilipa ea' pape laogona ae'. Ofagema ma andanifel, andanifel ma ipe' etipa si'i agel lu'unai amamaga bu'wami anona nemaf efa'ami. Ipe' pitu la'ifipama Dembinai si'i basef ali' a'ipipami.

Kolosi 1:23

Ea' ipe' pembale'efa basef bu'wami Godi la'ifipa la'ela'ef ma pitu la'ifipa endilisi si'i olaf nali'i nanda' ipat la'ifina. Na'ama ukup mose'epama pegawa endilisi anona nemaf pefa' amamaga amama bu'wami basef bu'wami Ananimi ma'iami. Basef amama pame'am ea' sawalipasama epes hiesi sape etap hiagoma. Basef amama ae' Pol ataga aman anda' maola awalipasami.

Kolosi 1:28

Ea' afa' wawalapa basef Kraisi wawalipa epes hiesi ma gawa hianai naninani bu'unai. Afa' wa'i wihi'amba epes hiesi atona etin sefe'ma Kraisa sope epes Ananisi endilisi sope la'ifisa Anan.

Taitus 2:11

Ape' mogawa okom Godi lu'unai nainaila ape' ma nigiambamapa na'a anama nataga nandawalap ea', epes hiesi wambota lounai agufisi saloma agof a'asi hi'alas satolona. Ama nofa' amam nematawa nokwahomapa waf aonai mutanimani mofe'ma anan.

Hibrui 12:15

Ipe' pindumafuma andeande'. Na'ama enin alupini ipe'ini newa ma waf aonai nelolama God nigiambaman etina nefa'an netanimani nepe andeande'. Na'ama enin alupini ipe'ini nenda' waf aonai si'i lawag aonai nail nola gwa'aimi awami, ea' nese'epa nimanimi ipe' nenda' ipe' hipei petaga awepa ma naep Godi.

Hibrui 13:9

Ipe' pindumafuma andeande'. Na'ama anom basef hiami mamumami mufi'i momboma opalef ipe'imi ea' pekwaha eaf Godi. I'i ukup ape'imi la'ela'ef mopoma God nagiambamapa na'a, na'ama andeande'. Opalef ape'imi ina motaga la'ifima mila mi'uli epesi ma mea' gwa'aimi mamumami, owa'. Waf anama saila mi'uli anama ina nagiambama amam nematawa sailanai, owa'.

1 Pita 5:12

Ae' a'ipa owalome Sailas nanda'ago basef amama ae'ami bandami mafe'mago ipe'. Ae' ati anan nanda' maol Kraisi andeande'. Ea' a'ipipago basef amama endilisimi God nigiambamapa na'a. Dei' pitu la'ela'ef ma amama. Anda' basef amama a'i efela ukup ipe'imi enda'epa petaga la'ifipa.

2 Pita 3:14

Alupipei ae'ipei endilisi, ipe' ukup mope mohafa amamaga amama meataga. Ea' ipe' penda' maol la'ifipa pimafi ipe' pepe bo'wepa andeande'ma waf aonai a'epa ma naep Godi, pepe opalef etifim peloma God.

1 Jon 2:28

Ipe' awasi ae'ipei, ae' okom nainailipa a'i pepe la'ifipa peloma Anan ama anona nemaf notaga nondawalap, ape' ina ambagof aom, owa'. Ape' mitu la'ifipa ma naep Ananimi.

2 Jon 1:9

Emi egafis sakwaha basef Kraisi ma simbisila' sefe' sila anom basef, God ina nape opaf epes isima, owa'. Emi egafis sembale'efa basef Kraisi la'ifis la'ela'ef, dei' Ahalomana naloma Nogalomana wapoti' mape la'ifim maloma epes isima nomon ukup asasimi.