Aposel 13:39 - Basef Buꞌwami Godi

³⁹ Mi'uli anama God naso' Mosesanai anama ina la'ifina ma nokwaha waf aonai ipe' panda'anai ma pepe wafifipa andeande', owa'. Na'ama aman anama nakwaha waf hianai aonai ma ipe' emi egafipa pembale'efa anan, ma pepe wafifipa bo'wepa ma naep Godi.

Aposel 13:39 Iomraidhean Croise

Luk Nandaꞌafi 10:25

Anona aman gawainai nawalipasa mi'uli Godi nohafel na'i nogwamba Jisas nememe'mana. Ea' na'ipana na'i, “Dembinai, ae' enda' maina nambimb efa' ambal namunai eape andeande' la'ela'ef?”

Luk Nandaꞌafi 10:28

Ea' Jisas na'ipana na'i, “Amama ine' nagwa basef andeande'. Ine' nenda'am na'ama ma nambimb neape ambal namunai la'ela'ef.”

Jon Nandaꞌafi 1:17

Fowa' God nase'ana mi'uli Moses ea' Moses nawalipas. Ea' Jisas Krais nikila' Moses nagiambamapa etin ma waf endilisinai.

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Aposel 10:43

Amam profet hiami ma'iama anan na'ama ma'i, ‘La'ifimi agel ananinai atona God nakwaha waf aonai esis amam nematawa emi egafis sembale'efanai.’ ”

Basef Amama Pol Nandaꞌam Mafeꞌma Esis Romi 10:10

Dei' main, ape' mombale'ef opalef ape'imi God na'i ape' amam nematawa mataga bu'upai andeande' ea'. Ea' mawalapa bale'ef ape'inai malogof ape'imi God nofa'apa nokwahomapa waf aonai motanimani.

Basef Amama Pol Nandaꞌam Mafeꞌma Esis Romi 3:19

Ea' dei' ape' mogawa maim basef Godi mape mi'uli Anan fowa' naso' Mosesanai na'i ape' Juda mope owina mi'uli anama milana. Ea' ina la'ifipa mailana andeande', owa'. Ea' ina enin epen la'ifina ni'i, “Ae' epen bu'uwei andeande',” owa'etin. Ape' epes hiapai ganima hiagoma, ofagema mapoma ape' ma naep Godi anona nemaf nowaloga ape' nowalapa waf aonai ape' manda'anai.

Basef Amama Pol Nandaꞌam Mafeꞌma Esis Romi 3:20

Dei' main, waf anama maila mi'uli anama, owa' enin epen atitin anona nemaf nefa' agel epen bu'unai andeande' ma naep Godi, owa'. Mi'uli anama nihi'ambapa waf aonai ape' manda'anai.

Basef Amama Pol Nandaꞌam Mafeꞌma Esis Romi 4:15

Dei' main, mi'uli anama nawalapa okom wandafunai Godi ma nose'as nemanimi isima sosambala basefa mi'uli anama. I'i ape' owa' mila basefa mi'uli anama, God okom wandafunai napomapa. I'i mi'uli anama owa', God ina ni'i epes sumbisila' mi'uli anama satopa'ana, owa'.

Basef Amama Pol Nandaꞌam Mafeꞌma Esis Romi 4:24

Manda'ama ape' wapoti'. Ape' membale'efa God nafela Jisas Dembinai ape'inai nohafel hi'agif. Amama atom God nati bale'ef ape'inai ea' na'i ape' epes bu'upai.

Basef Amama Pol Nandaꞌam Mafeꞌma Esis Romi 5:1

Basef ofagema mape mali'i amama, bale'ef ape'inai atona dei' God nofalapa epes bu'upai. Amama atom dei' Dembinai ape'inai Jisas Krais nanda'apa mape opalef etifim awanem maloma God.

Basef Amama Pol Nandaꞌam Mafeꞌma Esis Romi 5:20

Ea' mi'uli anama God fowa' naso' Mosesanai natagama esis sogawa waf esis sanda'anai aona satopa' mi'uli anama. Ea' esis ina sakwaha waf anama aonai, owa'. Sanda'ana hianai endilisi. Ea' eaf God nandahomasanai nataga lu'una endilisi ma esis.

Basef Amama Pol Nandaꞌam Mafeꞌma Esis Romi 5:9

Anan naga' esimbel ananimi malo dei' God nofalapa epes bu'upai. Amama atom dei' ape' mogawa endilisi Krais natagahepa ma okom wandafunai Godi.

Basef Amama Pol Nandaꞌam Mafeꞌma Esis Romi 8:1

Basef amama mali'i ofagema amama. Ape' amam nematawa mape la'ifipa maloma Krais Jisas, ina ata' anom basef dei' ma God nonda'mapa basef lu'wami mofa' nimanimi ma waf aonai ape' manda'anai, owa'etin.

Basef Amama Pol Nandaꞌam Mafeꞌma Esis Romi 8:3

Maol anama mi'uli anama God fowa' naso' Mosesanai owa' la'ifina nonda'ana, God nanda'ana. Dei' main, opalef ape' epesi ina la'ifim. Dei' God nanda' maol anama na'ama. Nasapa'i Nogalomana Ananinai atona nafi'i nataga si'i ape' epes manda' waf aonai. Ama nokwahomapa waf aonai hi'alana. Anan nafi'i ma nokwaha waf aonai ape' epesi noloma nimanimi ma waf anama ea' God nase'anam mapoma anan atona. God nanda'am na'ama dei' nanda' basefa waf aonai ape' manda'anai.

Basef Amama Pol Nandaꞌam Mafeꞌma Esis Romi 9:31

Ea' esis Israel sanda' maol lu'unai ma saila mi'uli God fowa' naso' Mosesanai ma sefa' waf anama bu'unai, esis ina sefa'ana, owa'.”

1 Korin 6:11

Fowa' enipa panda' waf anama. Ea' dei' God nasa'opepa nosahe'epa ea' Ananipei etipa si'ipa. God nanda'epa pataga epes bu'upei ma naep Ananimi. Anan nanda'epa na'ama etina agel Dembinai Jisas Kraisi ma Ambal Bu'unai God ape'inai.

Galesia 2:16

Ape' mogawa God ina okom napoma epen inima nembale'efa mi'uli ananinai ea' nanda' epen inima bo'wen andeande', owa'. Epen nembale'efa Jisas Kraisi atona, God nofalan na'i bo'wen andeande'. Ape' wapoti' mombale'efa Jisas Krais ea' God na'i ape' epes bu'upai Ananipai ma mombale'efa Krais. Ea' mi'uli owa'. Dei' main, ina enin epen naila mi'uli anama God naso' Mosesanai, dei' God nofalan na'i enin bo'wen andeande', owa'.

Galesia 2:19

Dei' main, mi'uli anama nahe si'i aga'. Ina la'ifina nefela ae' wapoti', owa'. Dei' nahe aga' ma etaga epe namowe efa' ambal namunai ila okom Godi. Ea' ae' ape la'ifiwi ma Krais aga' ail alomana lawag usi'inai tu'wanainai.

Galesia 3:8

Fowa' gani basef Baibelimi ma'iam alihima anona nogota owagama God nonda' esis owa' Judaisi sombale'efa anan, sotaga bo'wes ma naep ananimi. Fowa' basef Baibelimi ma'ipa Abrahama basef bu'wami Godi. Mihi'ambana ma'i, “Owagama God nonda' ine' ma nigiambama epes hiesi sape etapi sotaga bo'wes sope andeande'.”

Galesia 5:3

A'i i'ipa ipe' amam hipei wapoti'. Emi aman ni'i aho'ma motopa'mana alop ananinai, anan nila mi'uli anama hianai hi'ilana.

Hibrui 10:11

Amam pris hiami maitu manda' maol mondolali ma God manda'ana nimeguf hiami. Ea' ofa anama amam manda'anai ina la'ifina nakwaha waf aonai epes sanda'anai, owa'.

Hibrui 10:4

Esimbel bulmakau noganai maloma meme ina la'ifima mokwaha waf aonai esis sanda'anai, owa'.

Hibrui 7:19

Dei' main, mi'uli anama ina nanda' epes sataga bo'wes andeande' ma naep Godi, owa'. Ea' dei' God nandoga anona eaf, anama bu'unai nikila' mi'uli anama, dei' eaf anama atona ape' mogawa endilisi God nagiambamapa ea' mefe' felefele'ma Anan.