Aposel 13:38 - Basef Buꞌwami Godi

³⁸ Amama atom dei' ae' a'i ipe' sahin owan pegawa basef ape'imi amama. Aman anama nakwaha waf aonai ipe' panda'anai.

Aposel 13:38 Iomraidhean Croise

Matyu Nandaꞌafi 1:21

Nambimb kola awani aman, awani inima anan nigiambama amam nematawa hiesi ma neakwaha waf aonai asasinai nofa'as sotanimani. Na'ama dei' ine' nenda'managel Jisas. Basef ofagema ma agel anama na'i, anan aman nofa' epes ananisi ma seape andeande'.”

Luk Nandaꞌafi 24:47

Ama agel ananinai anona nemaf alupusi ananisi sili' sowalapa basef Jerusalem ea' si'ipasam amam nematawa hiesi hi'ilas sape wambel hiagomai ma seamboma opalefa God nokwahomasa waf aonai esis sanda'anai.

Jon Nandaꞌafi 1:29

Wafilu Jon nati Jisas nafi'mai anan na'ipas na'ama na'i, “Ipe' piti aman anama anan si'i mafin sipsip nogalomana Godi. Anan nambimb nokwaha waf aonai esis amam nematawa hiesi sape etapi sanda'anai.

Aposel 10:43

Amam profet hiami ma'iama anan na'ama ma'i, ‘La'ifimi agel ananinai atona God nakwaha waf aonai esis amam nematawa emi egafis sembale'efanai.’ ”

Aposel 2:14

Ea' Pita nohafel naitu naloma amam aposel 11-peleim ea' noga na'i mehip nawalapa basefa esis amam nematawa hiesi na'i, “Ipe' Juda alupipei paloma ipe' amam nematawa hipei ipe' pape Jerusalem, ipe' pembe' aligaha basef ae'ami, ma pegawa amamaga amama.

Aposel 2:38

Ea' Pita na'ipas na'i, “Ipe' hipei pemboma opalef ipe'imi pila God ea' ipe' hipei atona etin pefa' baptaisa agel Dembinai Jisas Krais ma God nokwaha waf aonai ipe'inai. Ipe' penda'am na'ama, nambimb God nese'epa Ambal Bu'unai Ananinai nope nolomepa.

Aposel 28:28

Ea' Pol na'ipam basef akutaimi na'i, “Dei' ae' a'i ipe' pegawa basefa God nofa'apa nokwahomapa waf aonai motanima mufi'mai anan. Amama anan nasapa'am mafe'ma esis amam nematawa sololama Godi. Esis isima nambimb sila basef amama, ea' ipe' owa'.”

Aposel 4:10

Ipe' hipei peme' basef ae'ami pegawa andeande'. Esis hiesi Israel wapoti' seme'ama sogawam andeande' ma pepel agel Jisas Krais Nasaretinai atona dei' aman anama ambo'ona endilisi nohafel naitu naep ipe'imi. Jisas ipe' paundana lawag usi'inai tu'wanainai pahana afuna, ea' dei' God nafelana nohafel hi'agif wapoti'.

Aposel 5:31

Ea' God nofa'ana nalata ilif nahaponana nape lagel da'isinai ananinai. Ea' nape agilinai ma nigiambama ape' Israel hiapai. Anan na'i nofa'apa ma momboma opalef mila God nokwaha waf aonai ape' manda'anai.

Efesus 1:7

Krais atona naga' natagahepa ma waf aonai natalepa esimbel Ananimi. Ea' nakwaha waf aonai ape' manda'anai. Anan nanda'am na'ama si'i okom Godi nainailapa endilisi ma waf nagiambamapa na'a.

Efesus 4:32

Ipe' penda' waf so'umbilinai ma esis alupusi ea' piti uwahipis. Ipe' pekwahomasa waf aonai esis sanda'mepanai, si'i God nakwahomepa waf aonai ipe' panda'anai ma agel Kraisi.

Kolosi 1:14

Nogalomana ananinai atona natagahepa ma pepel anama ma dei' makwaha waf aonai ape' manda'anai mape wafifipa.

Hibrui 8:6

Ea' Jisas nanda' maol anama nondolalima God ea' maol anama nikila' endilisi maol amam pris fowa'imi manda'anai si'i basef amama dambaimi mikila' basef fowa'imi God na'i endilisimi atom naloma Moses. Basef amama dambaimi, Jisas Anan nape la'afena God naloma epes Ananisi ma basef amama mikila' basef amama fowa'imi. Amama atom dei' basef amama dambaimi mataga mawalapai basef bu'wami endilisimi mikila' fowa'imi.

Hibrui 9:22

Basef amama ma mi'uli anama na'i felefele'ma amamaga amama hiami mosa'opam esimbel atoma motaga bo'om andeande'. I'i esimbel ina molo, God ina nekwaha waf aonai epes sanda'anai, owa'.

1 Jon 2:12

Ipe' awasi ae'ipei, God nakwaha waf aonai ipe' panda'anai hi'alana ma agel Kraisi. Amama atom dei' anda' basef amama mafe'mago ipe'.