Aposel 13:25 - Basef Buꞌwami Godi

²⁵ Ea' felefele'ma Jon na'i nonda' maol ananinai hi'ilana, anan na'i, ‘Ipe' ukup ma'i ae' ma'imama? Ae' ina aman anama dembinai ipe' pape pembale'efanai, owa'. Ipe' peme'! Aman anama owagama nila ae' niefi'i, anan bu'unai nikila' ae'. Ae' ina bu'uwei ma etagaha mandelefa su ananimi, owa'.’

Aposel 13:25 Iomraidhean Croise

Matyu Nandaꞌafi 3:11

Ae' dei' apisi'ipa embela pihi'ambas ipe' pamboma opalef pakwaha waf aonai pafe'ma God. Anona aman nambimb nigi'ma ae'i ni'ifi, anan la'ifinai nikila' ae'. Anan nenda' baptaisimepa Ambal Bu'unai Godi nope nolomepa nese'epa nif la'ifimi wapoti'. Ae' ina aman bu'uwei ma eatagaha mandelefa su ananimi, owa'.

Mak Nandaꞌafi 1:7

Ea' nawalapa basef na'i, “Anona aman nambimb nigi'ma ae' niefi'i, anan la'ifinai nikila' ae'. Ae' ina aman bu'uwei ma eatagaha mandelefa su ananimi, owa'. Nambimb Anan nese'epa Ambal Bu'unai Godi nope opalef ipe'imi nomon.

Jon Nandaꞌafi 1:29

Wafilu Jon nati Jisas nafi'mai anan na'ipas na'ama na'i, “Ipe' piti aman anama anan si'i mafin sipsip nogalomana Godi. Anan nambimb nokwaha waf aonai esis amam nematawa hiesi sape etapi sanda'anai.

Jon Nandaꞌafi 1:34

Ae' atolona endilisi awalapa basef alihima anan a'iam a'i, anama anan Nogalomana Godi endilisi.”

Jon Nandaꞌafi 1:36

Ea' nati Jisas nafo'o, na'ipa alupumi ananimi nihi'ambama Jisas na'i, “Piti, anan si'i sipsip nogalomana Godi.”

Jon Nandaꞌafi 4:34

Ea' Jisas nawalapem basef na'ipam na'i, “Gwa'aimi ae'ami amama. God nasapa'e afi'i. Dei' ae' a'i ila okom ananinai atona enda' maol ananinai efe' embefana hi'ilana. Maol anama si'i gwa'aimi ae'ami.

Jon Nandaꞌafi 7:18

Emi egafis sie'ipasa gawa ananinai atona, esis sa'i enis epes seafela agof asasimi lu'um. Ea' emi egafis sonda' maola sefela agel anan nasapa'as safi'i, esis epes bu'wasi, sa'i basef endilisimi atom. Basef baso'maimi ina mapomas, owa'.

Aposel 13:36

Ape' mogawa Devit nahapila maol naila okom Godi la'afena esis amam nematawa sape saloma anani. Anom nimeguf mafe'ma ea', anan naga' nafe' naloma amam bafapana ananimi ea' folo'walana.

Aposel 19:4

Ea' Pol na'i, “Fowa' Jon napisi'as embeli na'iam na'i, ‘Ipe' pemboma opalef pewa' alafugaha waf aonai pefe'ma God pefa' baptais. Ea' pembale'efa aman anama Dembinai nambimb nigi'ma ae' nifi'i. Aman anama anan Jisas.’ ”

Aposel 20:24

Ea' ae' ina okom napoma ambal ae'anai atona nope, owa'. Ea' ina la'ifiwi ma ihapila ambal ae'anai la'ifina, owa'. Ae' a'i ila eaf anama ilana efe' embefana. Ae' a'i enda'ana hi'ilana andeande' maol anama Dembinai Jisas nasi'ianai. Maol anama ewalapa basef bu'wami Godi nagiambamapa na'a nofa'apa motanimani.

2 Korin 4:5

Dei' main, afa' ina wawalapa basefa afa' ofela agof afa'imi lu'um, owa'. Afa' wawalapama Krais Jisas atona anan Dembinai. Afa' waila waf Jisasi dei' agof a'afa wape owina ipe' wanda' maol wagiambamepa.

2 Timoti 4:7

Ae' fowa' andondombam asagih andeande'. Ae' embale'efa Krais la'ifiwi asagih andeande', dei' ataga ikwaf.

Revelesen 11:7

Amam mowalapa basef Godi hi'ilam, anona mafin lu'unai aonai nokwaha hul anama nagal nowala etini nolatawi ilif. Ea' okom numbutina nopa' nolomam. Ea' noham nofofo'asom ea' afum.