Aposel 13:2 - Basef Buꞌwami Godi

² Esis Kristen sakwaha gwa'aimi sanda' lotuma God atona sape. Ea' Ambal Bu'unai Godi na'ipas na'i, “Ipe' pendandepa Barnabas naloma Sola maol anama ae' efalam andandepam meanda'anai.”

Aposel 13:2 Iomraidhean Croise

Matyu Nandaꞌafi 17:21

Owa' anona eaf peatofa ambagof amama awami, owa'etin. Pekwaha gwa'aimi ma penda' beten, ea' amama atom.”]

Matyu Nandaꞌafi 6:16

Maim nimeguf ipe' pekwaha gwa'aimi, ina penda'am si'i amam amama mambaso'mami ma'i malogof biami manda'ami ma manda' amagah amamumi awasim, owa'. Amam manda' amagah aom na'ama ma epes satolom sogawa sa'i amam mokwaha gwa'aimi. Ae' a'ipipa endilisi amam mofa'am ea' amamaga amama ma danifel amamunai. Epes isima sati waf anama amamunai, ea' ma'um amama atom.

Matyu Nandaꞌafi 9:38

Ipe' pihali' Dembinai ofagonama aofi. Pihali'ana ma nosapa' epes hiesi sefe' sonda' maola sola gwa'aimi ananimi sembe'am etifigin.”

Luk Nandaꞌafi 10:1

Dembinai nandandepa anom alupumi ananimi 72-peleim nasapa'am mafe' biam atom mali'ana mafe'. Anan nasapa'am mafe' taun wambel hiagoma anan na'i neafe'agoma.

Luk Nandaꞌafi 2:37

Ea' waulunama'w naga'. Ea' kwape etin, kwafe' kwafe' dei' afagof akwa'umi mataga 84-peleim. Akwa'w ina kwakwaha ipat lu'unai Godi anom nimeguf, owa'etin. Akwa'w kololama gwa'aimi kwape kwanda' beten ea' kwanda' lotu kwahapila opeh Godi kwanda'am kwafe' owamb alip.

Aposel 10:19

Pita ata' nape okom natanea nape ma amamaga amama ea' Ambal Bu'unai Godi na'ipana na'i, “Neme'! Amam amama wanom ma'i mogolopa ine'.

Aposel 10:30

Ea' Kornilius nagwamana na'i, “Amamaga natagama ae'i ma dei' nimeguf wenif mafe' ea', amama na'ama. Ae' ape anda' beten ipat ae'anai nogota aon nasa 3 klok. Nogota ea' na'ama etin si'i dei'. Anda' beten ape ea', ati anona aman naitu felefele'ma naep ae'ami, luwaguf maim ananimi mafifil endilisi.

Aposel 13:3

Ea' esis sakwaka gwa'aimi sanda' beten, sawamona lagofa amam biam sasapa'am mafe'.

Aposel 13:4

Ambal Bu'unai Godi nasapa' amam biam mafe' makini' anona wambel Selusia. Ea' malata anona sip mefa'am mafe' anona ailan Saiprus.

Aposel 14:26

Anama Atalia malata sip ea' nefa'am mafe' Antiok. Wambel anama fowa' esis Kristen sandandepam mapoma lagel Godi ma nandahomam manda' maol anama dei' manda'anai hi'alana. Ea' dei' motanima mafi'i wambel anama.

Aposel 20:28

Ipe' pimafi ipe' andeande' ea' pimafi esis amam nematawa isima Ambal Bu'unai Godi nandandepepa ea' ma pimafiasi. Ipe' pindumafuma andeande' ma pimafi esis Kristen sios Godi andeande' si'i sanda' maoli sumafi sipsip andeande'. God natala esis Kristen ea' ma esimbel ananimi atom.

Aposel 22:21

Dembinai na'ipi na'i, ‘Ine' fo'o. Nambimb ae' esapa'ena nefe' eaf laogoma ma enis amam nematawa hiesi owa' Judaisi sogawa ae'i.’ ”

Aposel 4:36

Ea' anona aman agel ananinai Josep amam aposel manda'mana anona agel Barnabas. Agel anama ofagena na'ama, “Epen nenda' ukup epesi la'ifim.” Anan anona Livai, aman anama ailan Saiprusinai.

Aposel 6:4

Ea' afa' opoma onda' beten etin ea' wi'ipasa basef Godi amam nematawa wigiambamas.”

Aposel 8:29

Ea' Ambal Bu'unai Godi na'ipa Filip na'i, “Ine' fo'o felefele'ma aman anama nefe' neloma karis nanima.”

Aposel 9:15

Ea' Dembinai na'ipana nasapa'ana na'i, “Ine' fo'o. Aman anama nambimb nonda' maol Ae'anai. Ae' andandepana ea' ma nefe' ni'ipasa basefa agel ae'anai enis amam nematawa owa' Judaisi soloma amam dambami king asasimi moloma esis Israel wapoti'.

Basef Amama Pol Nandaꞌam Mafeꞌma Esis Romi 1:1

Ae' Pol ape owina Krais Jisas anda' maola anan atona. God nofale ma enda' maol aposel ea' nosahe'e ma ewalapa basef bu'wami ananimi.

Basef Amama Pol Nandaꞌam Mafeꞌma Esis Romi 10:15

I'i God owa' nosapa'i amam amama, dei' amam mefe' mowalapam mi'imama? Owa'etin. Si'i Baibel na'i na'ama na'i, “Ahalomafa! Maol anama epes sofa'i basef bu'wami ae'ami sifi'i, anama bu'unai endilisi!”

Basef Amama Pol Nandaꞌam Mafeꞌma Esis Romi 15:16

Ea' anan nanda'e ape anda' maola Krais Jisas anda'am la'afena esis sololama Godi owa' Judaisi. Anda' maol si'i amam mondolali ma Godi awalapa basef bu'wami ananimi. Ae' a'i efa'ai epes isima owa' Judaisi sifi'mai Anan ea' Ambal Bu'unai Ananinai nonda'as sotaga epes Godi etis bo'wes andeande' ese'anas Anan si'i ofa anan okom na'iami endilisi.

1 Korin 12:11

Ambal Bu'unai Godi anama atona nanda' maol nawalapa presen anama hianai. Ama okom ananinai atona nase'as presen anama bu'unai nafe'ma epes hiesi atona etin.

1 Korin 7:5

Ipe' bipa pandase'ama ea' anan ina newa' alafuga akwa'w nonda'ima alop ananinai, owa'. Ea' akwa' wapoti' ina kowa' alafuga anan, owa'. Ea' i'i ipe' ukup mope etifima pihi'ama alop nogota bandana ma penda' beten, ipe' pi'i aho'ma penda' beten endilisinai. Ea' penda' alop nondaloma wapoti'. Na'ama ukup mose'epama pimafi alop andeande' ea' Satan nogwambepa penda' waf aonai.

2 Korin 11:27

Ae' efa' nimanimi lu'wami mamumami. Owambeh hiami la'ela'ef ina a'oh andeande', owa'. Nimeguf hiami ina a' gwa'aimi embel maim, owa'. Eap nase'e nolomahe a'i ega' etin. Anom nimeguf hiemi elelama gwa'aimi, luwaguf maim a'e nomanamb mae.

2 Korin 6:5

Esis sahafa sanda'afa wanda' kalabus. Esis naumbih sanda'afa aofa sa'ipafa awagon. Afa' wanda' maol lu'unai endilisi. Ina wa' gwa'aimi wape wa'oh andeande', owa'.

Galesia 1:15

Ea' fowa' gani mama'we ata' owa' kolae, God nagiambame na'a nosahe'e nofale ma enda'mana maol. Anom nimeguf mafe'ma ea' nemaf anama anan na'i nihi'ambe Nogalomana Ananinai ma iwalipasa basef bu'wami ananimi isima sololama Godi, nemaf anama ae' ina afe' ahali' enin epena maol anama, owa'.

Efesus 3:7

God nandandepa ae' anda' maol awalapa basef amama bu'wami. Anan okom nainaili nagiambame na'a nanda'e la'ifiwi, amama atom dei' ape anda' maol anama.

Kolosi 4:17

Ea' ipe' pi'ipago Arkipus na'ama pi'i, “Ine' nimafi maol anama nefa'ana ma Dembinai andeande' nimbefana.”

1 Timoti 2:7

Ea' dei' God nanda'e ape aposela ewalapa basef bu'wami Ananimi. Ae' a'i endilisi, ina ambaso'am. Anan nanda'e ape dembiwei tisa ma enis epes hiesi sololama Godi ma sombale'efa basef amama endilisimi.

2 Timoti 1:11

Anan nali' nandandepe anda' maol anama awalapa basef bu'wami Godi ma epes hiesi. Ae' aposel God nasapa'e awalapa basef Ananimi, ae' tisa dembiwei anda' maol Jisasi.

2 Timoti 2:2

Basef hiami ine' name' fowa' awalapama naep epes hiesi, amama newalapama anom amam bu'wami mogawa basef andeande'i ma mi'ipa enis epes andeande'.

2 Timoti 4:11

Dei' Luk atona nape nalome. Ine' ne'wa Mak nolomena nifi'i nehaponameana. Dei' main, andeande'ma anan nigiambame ma maol Godi.

2 Timoti 4:5

Ea' ine' la'ela'ef okom nopeina andeande' nimafi alop ine'inai andeande'. Nemaf anama nimanimi motagamena nepe la'ifina nenda' maol Godi newalapa basef bu'wami ma esis amam nematawa sololama Godi. Nenda' maol anama ma nigiambamas nenda'ana endilisi nimbefana.

Hibrui 5:4

Maol anama nondolalima Godi nofa' agel lu'unai. Ea' ina anona aman la'ifina ma nanda' maol anama na'i okom ananinai atona, owa'. God nali' nofalana, ea' nanda' maol anama, si'i fowa' nofala Aron.