Aposel 13:16 - Basef Buꞌwami Godi

¹⁶ Ea' Pol nohafel nafela lagel na'i basef na'i, “Ipe' Israel hipei paloma ipe' enipa epes panda' lotuma Godi, ipe' peme' basef ae'ami.

Aposel 13:16 Iomraidhean Croise

Matyu Nandaꞌafi 11:15

Ipe' emi egafipa aligah magalipei, peme' basef amama andeande'.

Luk Nandaꞌafi 1:22

Anan nawisi ande', ina na'i anom basefa esis, owa'. Na'ama esis sogawana sa'i anan nati anom amamaga mandati na'ami ipat lu'unai Godi nomon. Ea' anan nape nanda'masa lagel atona na'ipasa amamaga, ea' malogel ananinai nase'ana nape.

Luk Nandaꞌafi 1:50

Okom dahowinai ananinai nape la'ela'ef ma emi egafis umbamahasa sa'i sila Anan. Ea' nape la'ela'ef naloma epes isima sope na'ama etin dei' awasi bafasas ehasas anona nemaf seatagai.

Luk Nandaꞌafi 23:40

Ea' anona nail wa'oli na'ipana mehip na'i, “Ine' nefa' nimanimi na'ama etin si'i aman anama. Ine' owa' umba mehenama Gode?

Aposel 10:2

Anan aman nanda' lotu naloma epes hiesi ananisi sape ipat ananinai sanda' lotu ma God. Anan nase'as moni maina esis Juda kwahusi otamba maim a'asi. Ea' la'ela'ef nanda' betena God.

Aposel 10:35

Anan okom nainaila emi egafis sanda' lotuma anan sanda' waf bu'unai.

Aposel 12:17

Ea' Pita nanda' lagel atona na'ipas na'i “Feso'mepa.” Ea' na'ipasa amamaga amama Dembinai nofa'ana nakwaha ipat sanda' kalabusainai nao'wana nawisi ande'. Ea' na'i, “Ipe' kipago Jems nolomago sahin owan ama amamaga amama.” Ea' nakwaha esis notanima nawisi ande' nafe' anagon.

Aposel 13:26

Ipe' sahin owan, ipe' epes hiesi pataga wambota Abrahami, enipa owa' Judaipei panda' lotuma Godi, peme'. Dei' basef amama God nasapa'am mafi'mai ape' hiapai. Basef amama ma anan nambimb nofa'apa mokwaha waf aonai motanimani.

Aposel 13:46

Ea' Pol naloma Barnabas ina umbamaham, owa'. Amam la'ifim ma'ipasam alihim ma'i, “Endilisi, afa' ata' wi'ipipa basef Godi ipe' Juda pili'. Ea' ipe' pewa' alafugaha basef amama. Amama ipe' pa'iam pa'i, ‘Ape' mandaiwa'ma mofa' ambal namunai ma mope andeande' la'ela'ef.’ Ipe' pa'i na'ama dei' ipe' peme'. Afa' dei' okwaha ipe' ofe' ugi'ma epes owa' Judaisi wi'ipasa basef amama.

Aposel 19:33

Esis Juda sasapa' Aleksander nafe' la'afena esis saitu sa'i basefa. Ama sa'i anan ni'ipasa anom basef. Ea' Aleksander nafela lagel na'i nogwamasa basef esis amam nematawa.

Aposel 2:14

Ea' Pita nohafel naitu naloma amam aposel 11-peleim ea' noga na'i mehip nawalapa basefa esis amam nematawa hiesi na'i, “Ipe' Juda alupipei paloma ipe' amam nematawa hipei ipe' pape Jerusalem, ipe' pembe' aligaha basef ae'ami, ma pegawa amamaga amama.

Aposel 2:22

Ea' Pita na'ipas wapoti' na'i, “Ipe' epes Israelipei, ipe' peme' basef amama. Dei' i'ipipa aman anama Jisas Nasaretinai. Ipe' pegawa maol ahalomana la'ifinai naloma pepel anama God nanda'anai la'afena ipe' ma lagel aman anama. Amama mihi'ambepa andeande' aman anama God nasapa'ana nafi'i.

Aposel 21:40

Ea' soldia anama na'i aho'mana na'i. Pol naitu bulasan anama, nafela lagel nanda'ana de'inda' ma esis amam nematawa sosopama malogof. Ea' Pol na'ipasa basef diga Hibrui.

Aposel 22:22

Esis Juda same' basef Poli mafe' matagama basef amama ma'i epes isima ina Judaisi. Ea' esis sa'i mehip sa'i, “Epes amama ina mope etap, owa'. Hana ma afuna!”

Revelesen 2:11

Ipe' emi egafipa aligah mapaipei, peme' andeande' basef amama Ambal Bu'unai Godi nawalapama esis amam nematawa Kristen. Emi egafis situ la'ifisa sili'amona wandafa waf aonai, anona nemaf ga' anama neafe'ma bifi ina nohambombagas nonda'as sefe' wambel aonai, owa'.

Revelesen 2:17

Ipe' aligah mapaipei peme' andeande' basef amama Ambal Bu'unai Godi nawalapama esis amam nematawa Kristen. Emi egafis situ la'ifisa sili'amona wandafa waf aonai, Ae' anona nemaf ese'asa gwa'aimi Ae'ami bu'wami mandambaho' mape heveni. Gwa'aimi amama agilima mana. Ea' ese'asa anom otamba bu'wami afitimi atona etin, ea' enda' anona agel namunai nil otamba amama. Ina enin epen negawa agel anama, owa'etin. Epen nefa' otam anama, enin etin negawana.

Revelesen 2:29

Ipe' emi egafipa aligah mapaipei peme' andeande' basef amama Ambal Bu'unai Godi nawalapama esis amam nematawa Kristen.

Revelesen 2:7

Ipe' emi egafipa aligah mapaipei peme' andeande' basef amama Ambal Bu'unai Godi nawalapama sios esis amam nematawa Godi! Emi egafis situ la'ifis sili'amona wandafa waf aonai, anona nemaf Ae' i'i aho'ma esis sea' su'utip lawag anama epes se'am sofa' ambagof namumi. Lawag anama notawa aof Godi agiliguma Paradais.