Aposel 13:15 - Basef Buꞌwami Godi

¹⁵ Ea' anona aman natalifa basefa mi'uli God naso' Mosesanai maloma basef amam profet ma'iami ea' amam agufumi Judai masapa' basef mafe'ma Pol naloma amam manda' maol etini ma'iam ma'i, “Alupipei, ipe' i'i anom basefa monda' ukup esis amam nematawai motaga la'ifim, ipe' awi kiam.”

Aposel 13:15 Iomraidhean Croise

Mak Nandaꞌafi 5:22

anona aman Jairus numafi ipat esis Juda sa'i basef sapeinai nafi'i. Anan nati Jisas ea' nindiwa nembawa notawamana, felefele'ma bo'wagah ananimi.

Luk Nandaꞌafi 16:16

Basef amam profet mawalipasami maloma basef mail mi'uli God nase' Mosesanai amama amam mawalipasam la'ela'ef mape mafi'i metambel nogota Jon nataganai. Ea' nogota anama Joni nafi'i nataga dei' basef bu'wami ma epes siowis wambota Godi numafias, amama mape mafe' mataga wambel hiagoma. Ea' epes hiesi la'ifis sanda' maol mehip ma sefe' siowis wambota Godi numafias.

Aposel 1:16

“Sahin owan ae'ipei, anom basef mail buk Baibel fowa' gani Ambal Bu'unai Godi na'ipa dembinai king Devit ma'iam na'ama ma'i aman anama Judas anona nemaf nonda' waf aonai ma nihi'amba Jisas naumbih Ananimi. Eaf ina naso', owa'. Nagal. Basef amama mataga alihim. God atona na'i, dei' basef amama mataga mandawalap. Fowa' Judas ina dei' nanda' waf aonai nawalapa Jisasa amam, ata' owa', nogota anama

Aposel 13:27

Ea' esis sape Jerusalemi saloma amam agufumi asasimi, esis ina sogawa aman anama nofa'apa motanimani, owa'. Esis ina sogawa andeande' basef amama amam profet fowa' ma'iami, owa'. Anom agufumi matalifam Sabat nimeguf hiami sapoma noma'wanai. Ea' ina sogawam, owa'. Basef amama atom mataga endilisi nemaf anama esis sanda' kotima Jisas sa'i anan aman aonai ma sahana noga'.

Aposel 15:21

Dei' main, ape' mogawa fowa' gani nafi'i nafi'i nataga dei' ma amam mawalapa basef God fowa' naso' Mosesami ofagema amama atom mawalipasam taun anama hianai. Matalifam ifagw hiami ape' Juda ma'i basef mapeimi nimeguf hiami sapoma noma'wami.”

Aposel 15:7

Amam ma'i basef hiami ma ea', Pita nohafel naitu na'ipam na'i, “Ipe' sahin owan, ipe' pegawa fowa' God nawaloga maola afa', ea' Anan nasahe'e ae' ea' ewalapa basef bu'wami ananimi ma enis epes owa' Judaisi seme'am sembale'efa God.

Aposel 18:17

Ea' esis sombalo' Sostenes agilinai numafi lotu esis Judai, sahana felefele'ma anama esis wambelisi sanda' kota. Ea' Galio ina okom napoma amamaga amama, owa'. Nape natolom etin.

Aposel 18:8

Anona aman agilinai numafi lotu esis Judai Krispus. Anan naloma esis wambota ananisi hiesi sombale'efa Dembinai. Ea' esis Korin hiesi same' basef Pol nawalipasami sombale'efa Jisas sofa' baptais.

Aposel 2:29

Ea' Pita na'ipas wapoti' na'i, “Ipe' sahope owape ae'ipei, dei' ae' a'i ewalapa basef i'ipipana aman anama akunamapa ape'inai Devit. Anan fowa' gani naga' sawana, dei' hi'agif ananinai ata' nape la'afena ape'. Basef amama Devit ina na'iama anan atona, owa'.

Aposel 2:37

Esis same' basef amama, maha opalef asasimi endilisi. Ea' sa'ipa Pita naloma anom aposel sa'i, “Ipe' sahopapa, dei' ape' monda' maina mope andeande'?”

Aposel 2:4

Ea' Ambal Bu'unai Godi nape si'inama esis atona etin hi'alas, sa'i basef Godi ma diga naninani wambel hiagoma. Ambal Bu'unai Godi anama nanda'am mataga malogof asasimi.

Aposel 20:2

Anan nafe' anama hiagoma nawalipasa basef hiami esis Kristen nanda' opalef asasimi mataga la'ifim. Ea' nafe' nataga etap hiagoma esis Grik sapoma.

Aposel 22:1

Na'iam na'ama na'i, “Ipe' sahin owan poloma ahape, ipe' peme'. Ae' a'i egwa basefa' ipe' dei' ma pegawa ae' ina anda' anona waf aonai, owa'.”

Aposel 4:36

Ea' anona aman agel ananinai Josep amam aposel manda'mana anona agel Barnabas. Agel anama ofagena na'ama, “Epen nenda' ukup epesi la'ifim.” Anan anona Livai, aman anama ailan Saiprusinai.

Aposel 7:2

Ea' Stiven na'ipama basef na'i, “Ipe' sahin owan paloma ipe' ahape wapoti' ipe' peme' ae'. Fowa' gani bafalomafa afa'inai Abraham nape etap hiagoma Mesopotamia ina dei' nafe' wambel Haran, ata' owa'. Nogota anama God Dembinai nihi'ambana nafifili howalagon ea' natagamana.

Basef Amama Pol Nandaꞌam Mafeꞌma Esis Romi 12:8

Ea' emi egafis segawa ma sefela ukup enis epes, esis senda' maol anama endilisi sefela ukup asasimi. Emi egafis sese'an amamaga enin alupini, esis sese'an hiam. Emi egafis sumafi anona maol, ukup asasimi mohafel endilisi ma maol anama sanda'anai. Emi egafis siti enin alupini uwahipin ma sigiambaman simafian, esis sendanifel sigiambaman.

1 Korin 14:3

Ea' emi egafis Ambal Godi nafelasa sa'i basef Godi si'i profet, epes isima sa'ipam sanda'am sa'ipasam sanda'as la'fisa sombale'efa Dembinai ea' sa'ipas safelasa sonda' waf bu'unai nonda' opalef asasimi awanem.

2 Korin 3:14

Ea' ukup asasimi mase'as endilisi. Dei' main, esis la'ela'ef satalifa basef mail Baibeli fowa' God na'i endilisimi atom. Nemaf mamana satalifa basef amama, lowaf anama wa'anai nape amaga Mosesi ata' nape la'ela'ef nasopama ukup asasimi nafi'i nafi'i nataga dei'. Ina nandatagah, owa'. Ama Krais atona, God nahape' lowaf anama.

1 Tesalonaika 2:3

Basef ofagema wa'ipipami ina wa'i onda' waf aonai ma ipe', owa'. Afa' ina waila basef amama falafumi baso'maimi wa'ipipam, owa'.

Hibrui 13:22

Ipe' alupipei, ae' a'ipipa basef la'ifimi, peme' basef anda'ami ma efela ukup ipe'imi enda'epa petaga la'ifipa. Dei' main, basef amama ae' anda'ama ipe', amama basef bandami atom.