Aposel 13:1 - Basef Buꞌwami Godi

¹ Esis amam nematawa Kristen sape Antioki anom amam mawalapa basef bu'wami Godi mape. Anom profet maloma anom tisa mawalipasa basef Godi isima sembale'efanai. Agof amamumi amama. Barnabas naloma Saimon agel wa'ana Niger, Lusius, anan wambel Sairininai maloma Sol maloma Manain anan alupunai Heroti gavman dembinai.

Aposel 13:1 Iomraidhean Croise

Matyu Nandaꞌafi 27:32

Amam mohafel mafe' etin, mati anona aman Saimon Sairininai. Ea' amam soldia masapa'ana ma niegiambama Jisas nofa' lawag ananinai.

Luk Nandaꞌafi 3:1

Anona afagel anona gavman dembinai esis Romi Taiberius Sisar nape dembinai ma etap hiagoma esis Romi afagof 14-peleim hi'alama anona afagel wapoti', nafe'ma 15-peleim, Pontius Pailat ata' nape dembinai gavmana etap hiagoma Ituria naloma Trakonitis wambel hiagoma Herot ata' nape dembinai numafi wambel hianai etap hiagoma Galili. Ea' Lisanias nape dembinai gavman numafi wambel hiagoma etap hiagoma Abilene.

Aposel 11:30

Esis sanda'am na'ama, sasapa' Barnabas naloma Sol mofa' otamba amama mafe'ma amam agufumi mumafi esis Kristen sape Jerusalemi.

Aposel 12:25

Barnabas naloma Sol manda' maol God nase'amanai hi'alana Jerusalem ea' motanima mafe' Antiok mao'wa Jon Mak nafe' nalomam.

Aposel 13:9

Ea' aman anama Sol, sofalana Poli, anan pepel la'ifinai Ambal Bu'unai Godi napainai. Ea' anan natiti Elimas na'ipana na'i,

Aposel 15:32

Judas naloma Sailas amam profet. Dei' ma'ipasa basef hiami bu'wami esis Kristen, manda'as sataga la'ifis mafela ukup asasimi.

Aposel 15:35

Ea' Barnabas naloma Pol ata' mapani Antiok maloma anom amam hiami wapoti' mawalapa basef bu'wami Dembinai mawalipasam.

Aposel 19:6

Ea' Pol nawamona lagofa esis, Ambal Bu'unai Godi nafi'mai esis nafelas sa'i diga naninani sawalapa basef si'i amam profet ma'iami.

Aposel 21:9

Anan nola nematawa biawai biawa, ina dei' waso' amam, ata' owa'. God nase'awa gawa wawalapa basef ananimi si'i profet.

Aposel 4:36

Ea' anona aman agel ananinai Josep amam aposel manda'mana anona agel Barnabas. Agel anama ofagena na'ama, “Epen nenda' ukup epesi la'ifim.” Anan anona Livai, aman anama ailan Saiprusinai.

Aposel 9:1

Fowa' basef amama ata' owa' motagae, nogota anama Sol nanda'am na'ama. Anan na'i basef la'ifimi endilisi ma naha esis alupusi saila Dembinai nohas soga'. Ea' nafe'ma pris dembinai nape nali'ma pris hiami.

Basef Amama Pol Nandaꞌam Mafeꞌma Esis Romi 16:21

Wanda' maol atini Timoti anan nasapa'ago danifel ma nemaf bu'unai ma ipe'. Lusius naloma Jeson naloma Sosipater, amam Juda wapoti' si'i ae', amam wapoti' masapa' nemaf bu'unai ma ipe'.

1 Korin 11:4

I'i emi aman Ambal Bu'unai Godi nefelona na'ipasa basef Godi si'i profet o nanda' beten ama siti anan nase'ala balaga, aman anama nanda' agel Kraisi nowala.

1 Korin 13:2

I'i Ambal Bu'unai Godi nose'e presen amamaga bu'wami nefele ma ewalipasa basef Godi ma egawa okom hiami Godi mape mandamabahi'i hi'ilam, ama egawa gawa hianai wapoti', ma embale'efa God la'ifiwi endilisi ma la'ifiwi ma i'ipama halafutagw mindiki'ah mefe' gani to'wan, ea' ae' owa' okom ninila esis amam nematawa endilisi, ae' falafuwei atowe.

1 Korin 13:8

Waf anama ukup maimaila enis epes endilisi, anama anona nemaf ina higililana, owa'etin. Ea' waf anama Ambal Godi nafelapa ma mowalapa basef ananimi, anama anona nemaf higililana hi'ilana. Presen anama bu'unai ma epes sogawa sa'i diga naninani, diga anama anona nemaf hi'ilana. Presen anama epes sogawa ma waf Godi, gawa anama anona nemaf hi'ilana wapoti'.

1 Korin 14:29

Ea' amam profet biam o wanom Ambal Bu'unai Godi nafelama mowalapa basef Ananimi, amam mowalapam. Ea' anom amam mowaloga basef amama.

1 Korin 14:32

Emi egafis sofa' presen anama Ambal Godi nafelasa sowalapa basef ananimi si'i profet, sumafi presen anama andeande'.

1 Korin 9:6

Ina andeande'ma ae' eloma Barnabas atofa onda' maola ofa' otamba afa'imi, ea' enis epes ipe' etipa pigiambamas pimafiasa otamba. Na'ama owa'.

Galesia 2:13

Enis Kristen Juda wapoti' umbamahas sakwaha esis owa' Judaisi saila Pita. Barnabas wapoti' umbamahana nanda'am na'ama etin si'i esis.

Galesia 2:9

Esis Kristen sa'i agufumi asasimi Jems naloma Jon naloma Pita. Amam mogawa God nagiambame na'a nase'e maol anama. Ea' manda'afa alupufai onda' maol atotona Godi. Ea' amam wanom ma'i aho' maso'afa lagof aloma Barnabas mihi'amba esis afa' waloma amam wape opalef etifim wanda' maol Godi atona. Ea' amam wanom ma'i aho'ma ondawalagatanima ma afa' biafa ofe' ma esis owa' Judaisi, ea' amam mafe'ma esis Juda.

Efesus 4:11

Anan atona nase'apa presen bu'unai na'ama. Anom amam nandandepama manda' maol aposel, anom nandandepama manda' maol profet. Ea' anom nandandepama manda' maola mefe' mi'ipasa basef bu'wami Kraisi epes hiesi. Ea' anom nase'ama gawa mope pasto tisa mumafi esis Kristen mawalipasa basef bu'wami Godi ma monda' esis amam nematawa Kraisi sotaga la'ifis.

Filipai 4:22

Ea' amam nematawa hiesi Godi sandanifel sanda' nemaf bu'unai ma ipe'. Esis isima sanda' opeh ipat Sisar gavman dembinai esis Romi, esis wapoti' sandanifel ma sanda'mepago nemaf bu'unai ipe'.

1 Tesalonaika 5:20

Ipe' ina pewa' alafugaha basef Godi Ambal Bu'unai nafelas sa'ipipami, owa'.