Aposel 12:7 - Basef Buꞌwami Godi

⁷ Ea' mehip ensel Dembinai nataga naloma howalagon nawis ipat sanda' kalabusanai nomon. Ea' ensel naha lambeh Pitai ninimbalona na'ipana na'i, “Ine' hafel mehip.” Ea' sen pele'atana etin lagof Pitai nowa na'oh etap.

Aposel 12:7 Iomraidhean Croise

Matyu Nandaꞌafi 2:13

Amam amama gawaimi mafe' ea', Josep na'oh nandondo'oh anona ensel Dembinai nafi'mai anan na'ipana na'i, “Ine' hafel ne'wa awani inima neloma mama'wana anani'wi pefe' laogoma etap hiagoma Isip. Ea' pipani Isip ama nambimb peme' ae' i'ipina wapoti', pitanimani. Dei' main, King Herot atuwasi ni'ipa soldia ananimi mogolopa awani inima ma mohan neaga'.”

Luk Nandaꞌafi 2:9

Ea' anona ensel nafi'i nalumai howalogon Dembinai, howalama amam ea' umbamaham endilisi.

Luk Nandaꞌafi 24:4

Ea' awau ukup matamea mafe'ma amama. Ea' mehip wati anom amam biam mataga felefele'ma awou. Luwaguf amamumi membal endilisi.

Aposel 10:30

Ea' Kornilius nagwamana na'i, “Amamaga natagama ae'i ma dei' nimeguf wenif mafe' ea', amama na'ama. Ae' ape anda' beten ipat ae'anai nogota aon nasa 3 klok. Nogota ea' na'ama etin si'i dei'. Anda' beten ape ea', ati anona aman naitu felefele'ma naep ae'ami, luwaguf maim ananimi mafifil endilisi.

Aposel 12:23

Ea' Herot ina ata' nafela agel Godi, owa'. Na'ama dei' atef ensel Dembinai nahana. Ea' asagof iguf so'uso'umi mahana mahahape' alop ananinai ea' afuna.

Aposel 12:6

Wafilu Herot na'i nofa' Pita nefe' ma kot. Ea' nemaf anama owa' ata' notaga ulal owamb anama Pita na'oh la'afena anom soldia biam. Amam mowa' Pita sen biefina. Anom soldia maitu mumafi uta ipat anama sanda' kalabusanai.

Aposel 12:8

Ea' ensel na'ipana na'i, “Ine' waho' let nugundisa lowaf la su bo'wagah ine'imi.” Ea' Pita nanda'am si'i ensel na'ipana. Ea' ensel na'ipana wapoti' na'i, “La siot ine'inai nila ae' nifi'i.”

Aposel 16:26

Ea' mehip suwambon lu'unai nakoto' olalef mombalo' ipat anama sanda' kalabus sapeinai. Ea' utagw mandawisi', sen nowa' esis hiesi sanda' kalabusi nandatagah.

Aposel 2:24

Ea' God nafelona nohafel wapoti' nakwaha ekep pahana ma naga'i. Dei' main, ga' anama ina la'ifina ma nombale'ana, owa'.

Aposel 5:19

Ea' owamb anona ensel Dembinai nafi'i nawisi' uta lu'unai endalelemba kalabus ea' nafelai amam aposel mawisi ande' na'i,

Aposel 9:3

Ea' Sol nafe' nataga felefele'ma Damaskus, mehip anona nafifili howalagon nafi'i nisila'i heven ea' mafifimana.

Efesus 5:14

Dei' main, maim amamaga mataga alihim mandawalap, amama mataga mape howalagoma. Amama atom dei' anom basef mape ma'i na'ama ma'i, “Ipe' epes pa'ihi dei' hafel mehip pekwaha koh! Ipe' pehafel hi'agif ea' Krais nese'epa howalagon mififima ipe'.”

Hibrui 1:14

Dei' amam ensel emi egafum? Amam ambagof bu'wami Godi. Anan nasapa'am mafi'i ma migiambama epes isima dei' God nofa'as sotanimani ma anona nemaf sofa' pe bu'unai.

Revelesen 18:1

Amama mafe'ma ea', ati anona ensel nakwaha heven nisila'i. Anan pepel napainai endilisi, sosaf ananinai howalagon nanda' etap hiagoma mafifil howalagon.