Aposel 12:3 - Basef Buꞌwami Godi

³ Ea' anan nati esis Juda sandanifel ma amama ea' nanda' kalabusima Pita wapoti' nemaf anama esis Juda sanda' gwa'aimi lu'wami sa' bret wafinai owa' neatifi.

Aposel 12:3 Iomraidhean Croise

Matyu Nandaꞌafi 26:17

Nemaf anama sali' sa' anom gwa'aimi sa'i Pasova esis sa' bret anama owa' neatef lu'unai ea' amam alupumi ananimi mafi'mai anan mahali'ana ma'i, “Ine' na'i afa' ofe' ondondomba ipat eti ma ine' nea' gwa'aimi amama?”

Jon Nandaꞌafi 12:43

Amam agufumi amama ukup ma'i epes seafela agof amamumi atom lu'um. Ea' amam ina ukup ma'i God nefelam agof amamumi, owa'.

Jon Nandaꞌafi 19:11

Ea' Jisas nagwamana basef na'i, “I'i God nape heven ilifi owa' nease'ena pepel ine', ine' etina ina la'ifina ma netalogofa ae', owa'. I'i nehe ega', waf anama aonai. Ea' amam amama mofa'e afi'mai ine', waf amamunai aonai lu'unai endilisi, nikila' waf aonai ine' nanda'anai.”

Jon Nandaꞌafi 21:18

Endilisi ae' a'ipina, fowa' ine' ata' so'uso'win, ine' nowaho' let ea' nafe' mamagoma nomonas ine'imi ma'i neafe'ma. Ea' anona nemaf ine' netagama hagena, ine' nesa'ma lagof ine'imi ma anona aman nowaho'mena let nohapilina nefe' anama ine' nandaiwa'ma neafe'ma.”

Aposel 12:4

Anan nombalo' Pita nanda'ana nanda' kalabus. Ea' nanda'ana nafe'ma soldia wambotagw biami biam mumafiana. Herot okom na'i ota' Pita nape wambota atotona soldia biami biami mumafiana ma esis Juda sope sea' gwa'aimi lu'wami sa'i Pasova ma hi'ilam, nefa'ai Pita nuwisi ande'ma naep amam nematawa hiesi sotolona ma nohana noga'.

Aposel 2:14

Ea' Pita nohafel naitu naloma amam aposel 11-peleim ea' noga na'i mehip nawalapa basefa esis amam nematawa hiesi na'i, “Ipe' Juda alupipei paloma ipe' amam nematawa hipei ipe' pape Jerusalem, ipe' pembe' aligaha basef ae'ami, ma pegawa amamaga amama.

Aposel 20:6

Nimeguf amama esis Juda sagwa' gwa'aimi saloma bret owa' niatifi, yis a'anai. Nimeguf amama mafe'ma hi'alam, afa' walata anona sip wakwaha Filipai ea' wafe'. Wafe', nimeguf wanom biam mafe' hi'alam watagama amam mali' mafi'i Troas mape wik si'ina.

Aposel 24:27

Afagof biam mafe'ma hi'alam, Festus nofa' maol Filiksi. Ea' Feliks na'i ata' nonda' ukup esis Judai mope andeande'. Ea' ata' nanda' Pol nape nanda' kalabus.

Aposel 25:9

Na'ama Festus na'i nonda' ukup esis Judai mope bo'om. Ea' nahali' Pol na'i, “Ine' na'i nefe' Jerusalem ama nambimb eme'enama basef ine'imi gani?”

Aposel 4:13

Amam agufumi mati Pita naloma Jon maitu la'ifim ma'i basef amama. Ea' agufumi mogawa amam biam ina manda' skul, owa'. Amam lelaimi atom. Ea' amam agufumi ukup mohafel kwapete'am ukup matamea ma amam. Ea' mogawa amam biam ma'i fowa' mape maloma Jisas.

Galesia 1:10

Ipe' ukup mape ma'imama ma basef amama? Pa'i ae' a'iama enis epes sinifelowe sefela agel ae'anai? Owa'. Ae' a'i God atotona opaf bo'onama ae'. Ipe' pa'iam pa'i a'iama enis epes sinifelowe? Owa'. I'i enda' maola ai'ipa enis epesa opalef bo'oma ae', ae' ina aman anda' maola Kraisi, owa'. Ae' ambaso'ami. Owa'. Ae' anda' maola Krais atona.

1 Tesalonaika 2:4

God atona nagwambafa natolofa wape andeande' ea' nase'afa maol afa' ma wawalapa basef bu'wami Ananimi. Ea' amama atom dei' wawalapam. Afa' ina wanda' maola epes sinifela maol afa' wanda'anai, owa'. Wanda' maola God atona nondanifela maol Ananinai, Anan atona nawaloga afa' nogawafa.