Aposel 11:30 - Basef Buꞌwami Godi

³⁰ Esis sanda'am na'ama, sasapa' Barnabas naloma Sol mofa' otamba amama mafe'ma amam agufumi mumafi esis Kristen sape Jerusalemi.

Aposel 11:30 Iomraidhean Croise

Aposel 12:1

Nogota anama dembinai king Herot naha enis amam nematawa Kristen sefa' nimanimi.

Aposel 12:25

Barnabas naloma Sol manda' maol God nase'amanai hi'alana Jerusalem ea' motanima mafe' Antiok mao'wa Jon Mak nafe' nalomam.

Aposel 14:23

Ea' mandandepa agufumi mumafi esis Kristeni mandanda' ma sios amama hiami. Amam makwaha gwa'aimi manda' betena manda' esis sope la'ifisa lagel Dembinai anama sembale'efana.

Aposel 15:2

Amam ma'iam na'ama, manda' ukup Poli Barnabasi wandafum endilisi ma'i basef la'ifimi mandahihianamam maloma amam Judaimi. Ea' esis Kristen sandandepa Pol naloma Barnabas maloma anom amam mombale'efa Kraisi wapoti' mondowasa' Jerusalem ma'i basef amama monandonam maloma amam aposel maloma agufumi siosi.

Aposel 15:23

Esis sase'ama anom basef mail pepa ma lagof amam biam Judas naloma Sailas ma'i na'ama ma'i, “Afa' aposel agufufai sahopepa afa'ipei, afa' dei' wanda'ago basef amama mafe'mago ipe' sahin owan owa' Judaipei. Ipe' pape wambel Antioki ma etap hiagoma Siria naloma Silisia, afa' wa'i nemaf bu'unai ma ipe'.

Aposel 15:4

Amam mafe' mataga Jerusalem, amam aposel maloma esis amam nematawa Kristen saloma agufumi asasimi sohafel sandalalamam sanda'mam gude amam. Ea' Pol naloma Barnabas mohafel ma'ipasa basefa maol hianai God nagiambamama manda'anai.

Aposel 15:6

Ea' amam aposel maloma agufumi mumafi maol Godi mandakolas etifigin mape monandona basef amama.

Aposel 16:4

Nimeguf hiami amam maitu mafe' wambel hiagoma ma'ipasa basef esis. Basef amama fowa' amam aposel maloma agufumi ma'iam mandame'mam Jerusalemi, amama dei' ma'ipasam esis Kristen ea' ma'ipas ma'i, “Ipe' pila basef amama.”

Aposel 20:17

Afa' wataga Miletus, Pol nasapa' basef mafe' Efesus nofala amam agufumi esis Kristeni mufi'mai anan.

Aposel 21:18

Ama wafilu nemaf gi'maifi Pol nafe' nalomafa ma niti Jems. Ea' amam agufumi hiami ma esis Kristeni mape malomana.

Aposel 4:36

Ea' anona aman agel ananinai Josep amam aposel manda'mana anona agel Barnabas. Agel anama ofagena na'ama, “Epen nenda' ukup epesi la'ifim.” Anan anona Livai, aman anama ailan Saiprusinai.

1 Timoti 4:14

Fowa' agufumi mumafi siosi mawamona lagofa ine'. Ambal Bu'unai Godi nafelam manda' betena ine' ea' anom amam ma'i basefa presen anama God nasi'inanai na'a. Dei' nenda' maol la'ifina nimafi presen anama andeande' God nali' nase'enana na'ai.

1 Timoti 5:17

Amam agufumi mumafi ipe' Kristen manda' maol andeande' endilisi, ipe' pinifelom penda'am andeande' pimafiam pese'am gwa'aimi maim bif etif mikila' peso' anom agufumi ma siosi. Agufumi manda' maol Godi mawalipasa basef ofagema Ananimi ipe' pimafiam na'ama etin andeande'.

1 Timoti 5:19

I'i enin epen etitin ni'i, “Agilinai anama numafi esis Kristeni nonda' waf aonai, ine' owa' neme'anama basef ananimi, hapaimi. I'i epes bias o wenis si'i basef amama ma waf aonai anan nanda'anai, ine' neme'as.”

Taitus 1:5

Ae' akwahina napani ailan Krita nendondomba opeh amama ata' owa' nimbefama nambimb nendandepa anom agufumi mumafi esis Kristeni wambel hiagoma, si'i fowa' a'ipina. Ea' basef amamumi mape na'ama.

Jems 5:14

I'i enin epen ipe'ini awen, enin nefala amam agufumi siosi mifi'i monda'man beten mohali' God ea' mokolo'wa wel bu'wami alop ananinai ma agel Dembinai. Ama nonda' epen inima bo'wen.

1 Pita 5:1

Ipe' agufipei pimafi esis Kristeni, ae' a'i efela ukup ipe'imi enda'epa petaga la'ifipa. Ae' wapoti' ae' agiliwei imafi esis Kristen. Fowa' aitu ati Krais nofa' nimanimi egawam. Ea' anona nemaf wapoti' itu elomepa ma miti nafifili lu'unai Ananinai notaga. Dei' a'ipipa basef la'ifimi na'ama a'i,

2 Jon 1:1

Ae' agiliwei imafi esis Kristen anda' basef mafe'mago ine', nemata'w God nandandepa'wi kwaloma awasi akwa'usi. Ae' okom nainaila ipe' endilisi. Ina ae' atowe okom nainailipa, owa'. Amam nematawa hiesi sogawa basef endilisimi, esis wapoti' ukup maimailipa.

3 Jon 1:1

Ae' agiliwei imafi esis Kristen, anda' anom basef mafe'mago ina' alupinai Gaius. Ae' okom nainailina endilisi.