Aposel 11:27 - Basef Buꞌwami Godi

²⁷ Nogota anama anom profet mape Jerusalemi makini' Antiok.

Aposel 11:27 Iomraidhean Croise

Matyu Nandaꞌafi 23:34

Na'ama Ae' asapa'o anom profet molomago anom amam ukup bu'wami mapeimi molomago anom gawaimi ma Baibeli amam mofo'o motagamepa. Anona nemaf ipe' peham moga', ea' anom ipe' piunda lawah usi'imi tu'wanaimi, anom pepe pela'am nomon ifagw pa'i basef papeimi. Ea' ipe' penda'am petofam anona wambel taun lu'unama ea' petofam mofa' mefe' anona taun ea' petofam pegolopam etin pefe'. Ipe' anona nemaf penda' waf aonai anama.

Luk Nandaꞌafi 11:49

panda'am na'ama si'i God anan gawa bu'unai napeinai na'i, ‘Anona nemaf ae' esapa' anom profet moloma Aposel mefe'mago esis, ea' soha anom moga' ea' anom sonda'am kwapete'am.’

Aposel 11:20

Ea' anom amam Saiprusimi maloma anom Sairinimi mafe' Antiok mawalapa basef amama ma esis Grik wapoti'. Amam mawalapa basef bu'wami ma dembinai Jisas Krais.

Aposel 11:22

Ea' esis amam nematawa Kristen sape Jerusalemi same' basef amama ea' sasapa' Barnabas nafe' Antiok.

Aposel 13:1

Esis amam nematawa Kristen sape Antioki anom amam mawalapa basef bu'wami Godi mape. Anom profet maloma anom tisa mawalipasa basef Godi isima sembale'efanai. Agof amamumi amama. Barnabas naloma Saimon agel wa'ana Niger, Lusius, anan wambel Sairininai maloma Sol maloma Manain anan alupunai Heroti gavman dembinai.

Aposel 14:26

Anama Atalia malata sip ea' nefa'am mafe' Antiok. Wambel anama fowa' esis Kristen sandandepam mapoma lagel Godi ma nandahomam manda' maol anama dei' manda'anai hi'alana. Ea' dei' motanima mafi'i wambel anama.

Aposel 15:22

Ea' amam aposel maloma agufumi mumafi maol Godi maloma esis Kristen hiesi sa'i basef etifim sandandepa anom amam biam asasimi mefe' Antiok maloma Pol naloma Barnabas. Amam amama agufumi Judas agel wa'ana Barsabas naloma Sailas. Amam biam agof lu'wami la'afena esis Kristen. Ea' sa'i sosapa'am mofe' Antiok moloma Pol noloma Barnabas.

Aposel 15:30

Ea' esis Kristen sape Jerusalemi sasapa'am mafi'i Antiok, makolasai esis Kristen etifigin mase'asa pas amama.

Aposel 15:32

Judas naloma Sailas amam profet. Dei' ma'ipasa basef hiami bu'wami esis Kristen, manda'as sataga la'ifis mafela ukup asasimi.

Aposel 18:22

Sip nafe' nail Sisaria, Pol nisila' nafe' Jerusalem nanda'mas nemaf bu'unai naloma esis Kristen hiesi. Ea' nafe' Antiok.

Aposel 2:17

‘God na' i, felefele' ma nimeguf akutaimi Ae' ese'as Ambal Bu'unai Ae'anai nope amam nematawa hiesi. Ea' efela esis batawisipa ipe'isi sowalapa basef si'i amam profet ma'iam. Ea' ihi'amba amam so'umi ipe'imi mondanda'oh motolom naep mose'am mope motolom, ea' ese'ama mo'oh mondanda'oh motolom amam hagami ipe'mi ma ihi'ambam waf ae'anai.

Aposel 21:4

Ea' afa' wafe' wagolopa enis Kristen watilis ea' wape walomas wik si'ina. Ea' Ambal Godi nafela ukup esis Kristeni ma sa'ipa Pola ina nefe' Jerusalem, owa'.

Aposel 21:9

Anan nola nematawa biawai biawa, ina dei' waso' amam, ata' owa'. God nase'awa gawa wawalapa basef ananimi si'i profet.

Aposel 6:5

Amam nematawa hiesi ukup ma'i basef amama. Ea' sandandepa Stiven, anan nembale'efa Jisasi ma Ambal Bu'unai Godi napaina nape si'inamana. Ea' sandandepa Filip naloma Prokorus maloma Nikanor naloma Timon naloma Parmenas naloma Nikolas. Aman anama Nikolas Antiokinai, fowa' nafi'i naila waf esis Judai.

1 Korin 12:10

Ea' enin epen Ambal Godi nagiambaman nase'an pepela nenda' amamaga la'ifimi si'i God nanda'ami. Ea' enin epen Ambal Godi nafelan na'i basef Godi. Enin epen nefa' gawa ma newaloga ambagof mamumami hiami, bu'wami o awami. Ea' enin negawa ma na'i diga naninani hianai. Ea' enin epen negawa ma nemboma basefa diga naninani.

1 Korin 12:28

God nahapona enis epes ananisi sape na'ama ma sios. Mali'i aposel, sagi'i profet, safe'ma wenifi, esis tisa sawalipasa basef ofagema Godi. Ea' sagi'ma amama epes isima sanda' betena sanda' la'ifimi si'i God nanda'ami. Ea' epes isima sanda' awes nanda'asi sataga bo'wes wapoti' ea' esis isima sagiambama enis epesi, saloma amam mumafi maol siosi naninani hianai saloma isima sogawa ma si'i diga naninani hianai.

1 Korin 14:32

Emi egafis sofa' presen anama Ambal Godi nafelasa sowalapa basef ananimi si'i profet, sumafi presen anama andeande'.

Galesia 2:11

Nemaf anama Pita nafi'i wambel Antiok, ae' esambala basef ananimi ma naep esis Kristen hiesi. Dei' main, anan nanda' waf aonai.

Efesus 4:11

Anan atona nase'apa presen bu'unai na'ama. Anom amam nandandepama manda' maol aposel, anom nandandepama manda' maol profet. Ea' anom nandandepama manda' maola mefe' mi'ipasa basef bu'wami Kraisi epes hiesi. Ea' anom nase'ama gawa mope pasto tisa mumafi esis Kristen mawalipasa basef bu'wami Godi ma monda' esis amam nematawa Kraisi sotaga la'ifis.