Aposel 11:26 - Basef Buꞌwami Godi

²⁶ Natolona ea', nofa'ana nafi'i Antiok. Ea' amam biam mape afagel atotona maloma esis Kristen amam nematawa sape Antioki mawalipa epes hiesi ma basef Godi. Ea' esis amam nematawa saila Jisasi, enis epes sofalas agel anama Kristen dambadamba wambel anama Antiok.

Aposel 11:26 Iomraidhean Croise

Matyu Nandaꞌafi 28:19

Na'ama dei' ipe' pefe' wambel hiagoma piwalipa amam nematawa sape wambotogw hiami piwalipasa basef bu'wami ae'ami, penda'as sotaga alupisi ae'asi ma siela basef Ae'ami andeande' ea' pipisi'as embela agel Ahalomei noloma Ae'anai noloma Ambal Bu'unai Ananinai.

Jon Nandaꞌafi 2:2

Esis sofala Jisas naloma alupumi ananimi wapoti' mafi'i mati sandase'ama.

Aposel 1:15

Anom nimeguf mafe'ma ea', esis Kristen 120-peleis hiesi sandatama etifigin sape ea' Pita nohafel naitu na'i,

Aposel 11:20

Ea' anom amam Saiprusimi maloma anom Sairinimi mafe' Antiok mawalapa basef amama ma esis Grik wapoti'. Amam mawalapa basef bu'wami ma dembinai Jisas Krais.

Aposel 11:22

Ea' esis amam nematawa Kristen sape Jerusalemi same' basef amama ea' sasapa' Barnabas nafe' Antiok.

Aposel 11:27

Nogota anama anom profet mape Jerusalemi makini' Antiok.

Aposel 11:29

Ea' esis amam nematawa saila Jisas Kraisi sa'i basef sandame'mama sefa' anom otamba mefe'ma esis alupusi sahin owan sape Judai ma sigiambas. Esis Kristen atona etin ukup ma'i otamba ma'omasi sawalom sase'asa tu'wanim hiami mafe'ma esis sape Judiai. Enis otamba hiami sase'asa hiami ea' enis otamba kwawie'im sase'asa kwawie'im. Hiesi sanda'am na'ama etin.

Aposel 14:20

Ea' esis sombale'efa Godi safi'i saitu salipana, nohafel wapoti' ea' nafe' nawis taun anama. Wafilu nafe' naloma Barnabas mafe' Derbe.

Aposel 14:22

Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”

Aposel 14:23

Ea' mandandepa agufumi mumafi esis Kristeni mandanda' ma sios amama hiami. Amam makwaha gwa'aimi manda' betena manda' esis sope la'ifisa lagel Dembinai anama sembale'efana.

Aposel 14:27

Amam mataga Antiok mofala esis mowa'anias sandakolas etifigin ma'ipasa basefa maol Dembinai nape nalomam nagiambamam manda'anai. Ea' ma'i, “God nanda' eaf nagala esis amam nematawa hiesi enis owa' Judaisi ma sombale'efa Krais.”

Aposel 14:28

Ea' mapani anom nimeguf hiami maloma esis sembale'efa Krais sailana.

Aposel 18:27

Ea' Apolos na'i nefe' esis Krik sapoma ea' esis Kristen sape Efesusi sanda' okom ananinai nataga la'ifina ma nanda'as na'ama. Esis sanda' anom basef mafe'ma esis Kristen Grikisi sa'ipasa sofa'ana. Apolos nafe' nataga Grik sapoma, nati enis amam nematawa sombale'efa Jisasi. Fowa' God nati uwahipis nagiambamas sembale'efana. Dei' Apolos nanda' maol nagiambama Kristen isima andeande' nanda'as sataga la'ifis ma sombale'efa Krais.

Aposel 19:9

Ea' enis sasopama opalef la'ifis endilisi, ina sombale'efa Jisas, owa'. Esis sa'i basef awami ma eaf Dembinai ma naep esis amam nematawai. Ea' dei' Pol nakwaha esis hiesi nao'wa esis Kristen etis safe' salomana. Ea' Pol nawalapa basef nimeguf hiami la'ela'ef ipat anama Tiranusi, anama sawalipasa basefa.

Aposel 20:1

Esis sa'i basef awanami, Pol nofalai esis Kristen safi'mai anan, na'ipasa anom basef nanda' opalef asasimi mataga la'ifim. Ea' nanda'masa nemaf bu'unai esis nakwahis nafe' etap hiagoma Masedonia.

Aposel 20:30

Ea' enis epes ipe'isi etis sohafel si'i basef baso'maimi atoma somboma ukup esis Kristeni sefe' silas.

Aposel 21:4

Ea' afa' wafe' wagolopa enis Kristen watilis ea' wape walomas wik si'ina. Ea' Ambal Godi nafela ukup esis Kristeni ma sa'ipa Pola ina nefe' Jerusalem, owa'.

Aposel 26:28

Ea' king Agripa na'ipa Pol na'i, “Nogota anama bandana ine' na'i nenda'e etaga Kristen?”

Aposel 6:1

Nogota anama esis alupusi saila Jisasi sataga hias endilisi. Ea' esis Juda hiesi enis sa'i diga Griki safitap saloma enis Juda sa'i diga Hibrui ea' sa'i, “Nimeguf hiami ipe' pagiambama esis amam nematawa isima gwa'aimi maim a'asi, ea' anowa nematawa alifiwai ape'iwai owa'.”

Aposel 6:5

Amam nematawa hiesi ukup ma'i basef amama. Ea' sandandepa Stiven, anan nembale'efa Jisasi ma Ambal Bu'unai Godi napaina nape si'inamana. Ea' sandandepa Filip naloma Prokorus maloma Nikanor naloma Timon naloma Parmenas naloma Nikolas. Aman anama Nikolas Antiokinai, fowa' nafi'i naila waf esis Judai.

Aposel 9:19

Ea' na' gwa'aimi nataga la'ifina wapoti'. Sol nape anom nimeguf naloma amam alupumi Jisasi Damaskus.

Aposel 9:38

Wambel Lida nape felefele' ma Jopa. Ea' esis alupusi Jisasi same' basefa Pita nape Lida, sasapa' amam biam mafe'ma anan mahali'ana na'ama ma'i, “Ine' nifi'mai afa'. Ni'i ota' ota' owa'.”

1 Korin 11:18

A'i ili' i'ipipa amama. Nogota anama ipe' pandakolas panda' lotu, ipe' pandawal etin. Ae' ame' basefa ipe' na'ama. Ea' ae' okom na'i endilisi ipe' pandawal, o owa'?

1 Korin 12:12

Alop ape' epesi etifina ea' wa'awa'ana hianai ea' alop anama hianai lu'una sa'ona nafe' nail alop si'ina atotona. Krais wapoti' na'ama etin.

1 Korin 14:23

Ea' i'i esis amam nematawa Godi hiesi sondowa'anima etifigin ama ipe' hipei pi'i basefa diga naninani ma enis epes owa' sefa' presen anama o enis owa' seambale'efa Kraisi sifi'i sope solomepa, si'i, “Ipe' pahaga pagaoli.”

1 Korin 4:17

Ea' asapa' Timoti nafe'mago ipe'. Anan nogalome ae'anai wanda' maol Dembinai. Anan numafi maol anama andeande'. Ae' okom nailana endilisi, dei' asapa'ana ma nambimb nefela ukup ipe'imi ma basef mihi'ambepa fe' pe ae'ami aila waf Kraisi. Ae' awalipa esis amam nematawa Godi sape wambel anama hiagoma ma basef maloma waf ae'anai ea' amama atom.

Efesus 3:15

Ape' hiapai mape etap maloma sape ilif wapoti', ape' amam nematawa wambotagw hiami mofa' agof ape'imi ma Anan atona.

Jems 2:7

God nase'epa agel bu'unai Krais ea' ipe' Ananipei. Epes isima etis sa'i basef awami sanda' findiwama agel anama.

1 Pita 4:14

I'i enis siti ipe' pitu la'ifipama Kraisa si'ipipa basef awami findiwaimi, andeande', ipe' pendanifel. Dei' main, nimanimi amama mihi'ambepa Ambal Bu'unai Godi nafifili dei' napaipa.

1 Pita 4:16

Ea' i'i ipe' pefa' nimanimi ma pataga Kristen, andeande'. Ipe' ina ambagof aoma amama pefa'am, owa'. Ipe' pinifela Goda pepan epes Kraisi.

1 Jon 2:27

Ea' ipe', Krais nase'epa Ambal Bu'unai Ananinai. Ea' Ambal Ananinai nape nalomepa opalef ipe'imi nomon. Amama atom dei' ipe' ina gawa a'epa ma enin epen newalipipa, owa'. Ambal Bu'unai Kraisi nawalipapa ma amamaga hiami ina nambaso'mapa, owa'. Dei' ipe' pembale'efa Krais pape la'ifipa paloma anan.

Revelesen 3:18

Ea' ese'epa gawa ma ipe'. Gol Ae'ami dei' fandom mataga bo'om endilisi. Andeande'ma ipe' petalom petaga bu'upei amamaga hiami endilisi. Andeande'ma petala luwaguf afitimi pelam muli'akwa alop ipe'inai ma esis ina siti alop ipe'inai nope wafifina ea' ambagof aom, owa'. Andeande'ma ipe' petala anona marasin penda'ana naep ipe'imi ma piti andeande'.