Aposel 11:16 - Basef Buꞌwami Godi

¹⁶ Ea' ae' okokoma basef amama Dembinai wapoti'. Amama ma'i, ‘Jon napisi'as embel ea' ina embel atom, owa'. Atuwasi pefa' Ambal Bu'unai Godi nupaipa.’

Aposel 11:16 Iomraidhean Croise

Matyu Nandaꞌafi 3:11

Ae' dei' apisi'ipa embela pihi'ambas ipe' pamboma opalef pakwaha waf aonai pafe'ma God. Anona aman nambimb nigi'ma ae'i ni'ifi, anan la'ifinai nikila' ae'. Anan nenda' baptaisimepa Ambal Bu'unai Godi nope nolomepa nese'epa nif la'ifimi wapoti'. Ae' ina aman bu'uwei ma eatagaha mandelefa su ananimi, owa'.

Mak Nandaꞌafi 1:8

Ae' apisi'ipa embel atom wafimi ea' Anan owa'. Nambimb Anan nupisi'ipa Ambal Bu'unai Godi nuwisipa nope nolomepa.”

Luk Nandaꞌafi 24:8

Ea' awau ukup mandanda'ma basef amama fowa' na'iami.

Luk Nandaꞌafi 3:16

Ea' Jon nagwamasa basef na'ipas na'i, “Ae' apisi'ipa embel atom. Ea' anona aman nambimb niefi'i, anan la'ifinai nikila' ae'. Ae' ina aman bu'uwei ma eatagaha mandelefa su ananimi, owa'etin. Nambimb anan nese'epa Ambal Bu'unai Godi nope opalef ipe'imi nomon ea' nese'epa nif wapoti'.

Jon Nandaꞌafi 1:26

Ea' Jon nagwamam na'ipam na'i, “Ae' apisi'as embel atom wafimi, ea' anona aman nape la'afena ipe', ina pegawana.

Jon Nandaꞌafi 1:33

I'I God owa' nie'ipi basef amama ae' ina egawa anan, owa'. Ea' God nasapa'e afi'i ma iepisi'asa embel anan na'ipi na'i, ‘Ine' niti Ambal bu'unai Ae'anai nisila'i ma ea' aman anama ea' ma'una. Anan nambimb nesapa'i Ambal Bu'unai Godi nope nolomepa.’

Jon Nandaꞌafi 14:26

Ea' anan nigiambamepa ma nonda'epa la'ifipa, anan Ambal Bu'unai Godi. Anama Ahalome nambimb nesapa'ana nifi'i ma agel ae'anai. Ea' nowalipipa ma amamaga hiami, nefela nomonas ipe'imi ma ukup mopoma basef hiami ali' a'ipipami.

Jon Nandaꞌafi 16:4

Ea' dei' a'ipipa ea' ma amamaga amama. Ama nemaf anama neataga ma esis sonda'epa na'ama, ipe' ukup mondanda'ma basef amama dei' a'ipipami.

Aposel 1:5

Fowa' Jon napisi' amam nematawa hiesi embel. Ea' ipe' nambimb God nonda' baptaisimipa Ambal Bu'unai Ananinai.”

Aposel 20:35

Maol hianai ae'anai, ae' ahi'ambepa ma ape' monda' maol la'ifipa migiambama isima emi egafis owa' la'ifisa sigiambama esesi. Ea' ape' ukup mopoma basef amama Dembinai Jisas na'iami. Anan na'i na'ama na'i, ‘Danifel enin epen nese'as amamaga anasi nikila' danifel epen inima nefa'ami. God nofalo'ma epen inima nikila' inima nefa'asi.’ ”

1 Korin 12:13

Dei' main, ape' hiapai mofa' baptaisa Ambal Bu'unai Godi atotona. Nanda'apa mataga alop atotona, esis Juda saloma esis owa' Judaisi saloma esis sape wafifisi, saloma esis agof a'asi sape owina enis epes wapoti'. Ape' hiapai mofa' Ambal Godi atotona nape nalomapa la'ela'ef.

2 Pita 3:1

Ipe' alupipei endilisi, basef amama mafe'ma bifi anda'am mail okwatih mafe'mago ipe'. Basef amama biefim mali'i maloma amama ase'epam ipe' ma mefela ukup bu'wami ipe'imi ma pegawa basef amama andeande'.