Aposel 11:14 - Basef Buꞌwami Godi

¹⁴ Ama ni'ipina anom basef ine' ma basef amama etoma God nigiambama ine' neloma esis wambota ine'inai soloma esis sanda' maol ine'imi ma nofa'epa petanimani.’

Aposel 11:14 Iomraidhean Croise

Mak Nandaꞌafi 16:16

Emi egafis sembale'efa ae' sofa' baptais, anona nemaf God notanima nefa'asi wapoti' ea' Ananisi. Ea' isima owa' sembale'ifi, anona nemaf God nonda'mas kota basef lu'wami ma waf aonai esis sanda'anai.

Luk Nandaꞌafi 19:10

Ae' ataga epen endilisiwei, ae' afi'i ma egolopa epes higilalasi efa'as setanimani.”

Jon Nandaꞌafi 12:50

Ae' egawa basef ananimi mawalapa ambal namunai ma ipe' pepe andeande' la'ela'ef hihif. Na'ama basef ae' a'ipasami amama atom si'i Ahalome na'ipiami.”

Jon Nandaꞌafi 20:31

Anda' basef amama tu'wanim atoma pepel anama ma ipe' pembale'efa Jisas anan Nogalomana Godi, anan Krais, God nandandepana nasapa'ana nafi'i. Ae' anda'am na'ama ma pembale'efa anan Jisas pefa' ambal namunai pepe andeande' la'ela'ef hihif.

Jon Nandaꞌafi 4:53

Ea' ahalomana ananinai negawa nambati' nogota anama atona Jisas na'ipana na'i, “Nogalomena ine'inai ambo'ona.” Ea' agilinai anama nembale'efa Jisas naloma esis amam nematawa ananisi wapoti'.

Jon Nandaꞌafi 6:63

Ambal Bu'unai Godi atona nese'epa ambal namunai pepe andeande' la'ela'ef hihif. Ea' waf hianai epes sanda'anai ina nagiambamepa, owa'etin. Basef amama atom ae' a'iami, amama mataga Ambal Bu'unai Godi amama ambal namunai napaimi mape andeande' la'ela'ef hihif.

Jon Nandaꞌafi 6:68

Ea' Saimon Pita nagwamana basef na'i, “Dembinai, afa' okwaha ine' ofe' eti wila emi? Basef ine'imi atom ma'ipafa ma weape ambal namunai andeande' la'ela'ef hihif.

Aposel 10:2

Anan aman nanda' lotu naloma epes hiesi ananisi sape ipat ananinai sanda' lotu ma God. Anan nase'as moni maina esis Juda kwahusi otamba maim a'asi. Ea' la'ela'ef nanda' betena God.

Aposel 10:22

Ea' ma'ipana ma'i, “Kornilius anan kepten dembinai numafi soldia 100-peleim hiami, nasapa'afa wafi'i. Anan aman nanda' waf bu'unai nanda' lotuma Godi. Esis Juda hiesi sa'i, ‘Anan aman bu'unai.’ Anona ensel Godi na'ipana ma nofalena nefe' ipat ananinai, ma ata' nome' anom basef ine'imi.”

Aposel 10:43

Amam profet hiami ma'iama anan na'ama ma'i, ‘La'ifimi agel ananinai atona God nakwaha waf aonai esis amam nematawa emi egafis sembale'efanai.’ ”

Aposel 10:6

Aman anama nape ipat Saimoni, anan nandondomba agwafuh bulmakaumi. Ipat ananinai notawa felefele'ma naoh mafe' motambela.”

Aposel 11:13

na'ipafa ma nati ensel naitumana nomon gani ipat ananinai na'ipana na'i, ‘Ine' nesapa' anom amam mefe' Jopa mi'ipa Saimon agel wa'ana Pita ma nifi'mai ine'.

Aposel 16:15

Ea' kofa' baptais kwaloma esis sape ipat atona wapoti'. Akwa'w kofa' baptais, kwa'ipafa basef kwa'i, “I'i ipe' ukup mi'i ae' embale'efa Dembinai endilisi, ipe' fi'i pepe peloma ae' ipat ae'anai.” Ea' akwa'w la'ifikw kwao'wafa wafe' waila basef akwa'umi.

Aposel 18:8

Anona aman agilinai numafi lotu esis Judai Krispus. Anan naloma esis wambota ananisi hiesi sombale'efa Dembinai. Ea' esis Korin hiesi same' basef Pol nawalipasami sombale'efa Jisas sofa' baptais.

Aposel 2:39

Fowa' gani God na'i basef la'ifimi endilisimi atom na'i nese'epa Ambal Bu'unai Ananinai nope noloma ipe' peloma awasi ipe'isi soloma esis amam nematawa hiesi ata' sape lauguni anona nemaf sigi' seatagai. God Dembinai ape'inai na'iam ma nose'as Ambal Bu'unai Ananinai nope noloma epes isima. Epes amama atom anona nemaf Anan nofalas sotanimani.”

1 Korin 1:16

(Endilisi, anda' baptaisima esis wambota Stefanasi wapoti', ea' ae' ina okom na'i enis wapoti', owa'.)